قصة أمنية رجل ميت – الجزء 6 –

قصة أمنية رجل ميت – الجزء 6 –

قصة أمنية رجل ميت

السلام عليكم كنتمنى تكونو قريتو جميع الأجزاء وبما أنكم وصلتو لهاد الجزء كنظن بلي راه القصة عجباتكم و انكم ديجا درتو بعض التوقعات لي ممكن توقع فهاد الجزءالأخير
المهم بلا منطول عليكم نحليكم مع أحداث الفصل الأخير من القصة .. …

الفصل الرابع عشر و الأخير من قصة أمنية رجل ميت


ورجعت لداري ودار فاميلت راجلي وجلست معاهم شي ايامات سمينة على عسيلة .. ولكن مع راجلي زفيتة على لفيتة .. باقي ماولفنيش واخا أنا كاندخل للخاطر بلا خاطر ..واخا بدا شوية كايلين من جهتي .. ماعلينا وأنا راسي على كتفو وهو كل مرة كايقول تفو .. ولكن مع عمي لي ولا كايحسبني بنتو يخاف يهز راس يضربو ضو .. ايوا كاتفرجو فتلفازة بحال أي عائلة سعيدة ..حتى تجي داك الفقرة ديال نداء ولوليدة والواليد دايرين تصويرتي ديال لاكارط وكايقولو بلي بنتنا حمقة وهاربة من سبيطار الحماق ..

ويلي تشوهت كلشي دار عندي – أنا : الله شحال كاتشبه ليا داك البنت ماتكونش زعمة توأمتي ويكونو هادوك با ومي لي حطوني فالخيرية من نهار تزاديت .. أنا مسامحة ليهم شوف مساكن شحال زوينين باينة عليهم حنان ياك أحبي قيد قيد نمرة نعيطو ليهم . – عمي : واش هادي ماشي انت ابنتي

– أنا : لا ويلي أعمي أنا خارجة من سبيطار الحماق راه غير مصحة هاديك أأأأ زعمة انا ملي عرفت سيمو غايتزوج حماقيت ولكن شربت دوايا والحمد لله دابا لباس .. عمركم سمعتو مني كلمة العيب .. أنا راه سمحت فعائلتي وقبيلتي غير باش نعيش مع سيمو .. انا اعمي هي نسخة الحقيقية ديال فيلم البرتقالة المرة عمرك تفرجتي فيه ؟

إقرأ أيضا : قصة مهدي كاملة – قصة مشوقة ودرامية –

– عمي : (مع سيمو) هزها دابا ورجعها لدارهم – أنا : لا نقدر نمشي أعمي على رجلي بلا مايهزني ههه مهم ماطلع نهار حتى داني لدارنا .. احححح شحال توحشت دارنا بزااااف مانقدرش نوصف ليكم فرحتي بشوفتهم.. الوالدين عمر شي حد يعمر بلاصتهم وعمر شي عقل يقدر ينساهم .. شكرو بزاف محمد حيت رجعني لدار أما أنا فكان كايدين ليا بالإعتدار قبل من الشكر وهو لي بادرت به ملي كان باغي يمشي من بعد ما بقينا بوحدنا

– ما عرفتش شنو غانقول ليك باش تيقني وتسمح ليا .. وانا براسي ماعارفاش شنو لي بصح وشنو لي كان غير كايتخايل ليا .. دمرت ليك عرسك وطيحت عليك الباطل و رديتك الظالم .. لأسباب تقدر تكون مجرد هلوسات .. دزت من ظروف صعيبة بزاف وهدا ماشي مبرر .. كانت كاتبان ليا دنيا بحال شي بيت حيوطو مزاحمين وانت هو الباب لبرا .. عشت معاكم ايام زوينة و كنت كانتمنى ماتكونش مجرد تخيلات

– هو : كنت كانبغي زينب وكان بصح يسحابني حتى هي كاتبغيني ولكن تبتي ليا العكس كان يسحابني غانعيش معها مزيان ولكن ملي عشت معاك بان ليا كان غايكون من المحال .. هي براسها قالتها ليا .. كنت كانظن انني عارف الواقع مزيان ولكن بان ليا أنا لي كنت كاتخايل .. ملي كانبغيوا، عينينا كايتعماو وكانوليوا نشوفو غير لي بغينا … سمحي ليا كنت كانتعامل معاك بطريقة خايبة حيت خليتيني نشوف داكشي لي كنت كانخاف منو ولكن كان لازم منو ..

اقرأ أيضا : قصة ليلة الدخلة

ماشي غير بوحدك لي كايتخلط ليك الواقع مع الخيال .. كلنا كانهربو للخيال ملي كايصدمنا الواقع وهادي كانت أخر مرة نشوفو ولكن بقينا على تواصل وبالخصوص مع ماماه حيت بصح عزيزة عليا .. اما بالنسبة لحياتي فوليت نرجع لطبيعتي لقديمة خجولة وكانفكر بعقلي ونقدرو نقولو بلي بديت كانرفع من مستوى دكائي .. رجعت نكمل قرايتي وخدمت فنفس الوقت غاضحكو عليا الى قلت ليهم فين فالمصحة حيت كاع زملائي سابقين كايحتارموني وكايسمعو كلامي هه وكايعلقو ليا مرة مرة ..

و مرة مرة كنتلاقى انا وزينب كنمشي نضورو أنا وياها وبناتها رجعنا صحابات كلنا هه .. وليوم مشينا لروضة نزورو راجلها .. لي مزال ماعرفتش واش كان حلم ولا حقيقة ولكن اتفاقنا تنفد على أكمل وجه هه .. مراتو رجعات وانا عقلي رجع .. كانت فترة صعيبة والضربة لي ماتقتل تقوي والحمدلله من بعد الشدة يأتي الفرج .
والى هنا نكون قد وصلنا الى نهاية القصة بحمد الله. ما رأيكوم في القصة.
ارائكم تشجيعات لكتاباتنا في الموقع

ترقبو دائما جديد القصص بالدارجة المغربية , مع موقع قصة

جميع أجزاء قصة رجل ميت
الجزء الأول
الجزء الثاني من القصة

قصص لها علاقة بالقصة
قصة – كيفاش وليت ليزبيانة
قصة كويني ولا ندعيك – 2 أجزاء –

قصة أمنية رجل ميت – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *