قصة الجن العاشق – الجزء 1 –

قصة الجن العاشق – الجزء 1 –

قصة الجن العاشق

بدايتي مع السحر


انا الاسم المستعار ديالي هو سلمى عندي21 سنة و القصة بدات من 2015 فاش كانت عندي 15 سنة دارنا ولات خاويا من بعد ما كولشي خوتي خدامين و خواتاتي جوج تزوجو وليت كانبقا بوحدي فالدار ،الملال. هاد الملل هو اللي خلاني كانقرا لكتوبا بزاف.
ولكن ماشي اي نوع ،غير اللي متعلق بالجن و الشياطين و السحر و الشعودة ، قريت فواحد لكتاب ديال السحر بلي غايخصوني شي مكونات. و لقيتهم عند العطار قاديتهم فبيتي و بديت كانقرا فدوك الطلاسم ،شي عام و نص وانا كانتعلم فهاذشي بالتخبية .


و ماما كانت شاكا فيا ، تالواحد نهار ملي دخلات لبيتي ولقاتني مضورا عليا الشمع ماتصوروص اشدارت ليا قالت ليا بلي انا سباب مرضها و شي مشاكيل اللي ماعندي بيهم تا علاقة ،ماحسيتش براسي تا غوت عليها بجهد بواحد الصوط بحال الى ماشي ديالي مافهمت والو وماما جمدات بلاصتها وانا سخفت بالخلعة .
من داك النهار وانا كانطيح و كانسخف بلا مانشعر ، داوني مي و بابا عند بزاف ديال الفقهة و وليت شوية ،

ولكن باقي كانشوف شي حوايج كتار و كانكون كانمشي تا كانسمع شي صوط مورايا تابعني و ملي كانضور ماكانشوف تاحد ، و عاودت مشيت عند فقيه اخر قال لبابا بلي نقدر نتسكن ، انا مافهمت والو ،و تصدمت ،دخلت لبيتي و بديت كاندب اشداني لشي سحر ، ملي كانكون ناعسة كاضربني الفيقة و كانسمع صوط كايدوي بشوية ماكانفهم فيه والو .
و هادي عمرني نساها حيت تعرفت على واحد الذي و من بعد مدة ملي مابقاش كايعيط عليا ،سمع بلي تشير زعما سكنو جن و شفتو كايضور فزنقة كايتمشى بحال شي حمق بغيت غير ندوي معاه ماقديتش بالخلعة .


مشيت خديت الكرطونة اللي كنت جامعة فيها دوك الاغراض ديال السحر وانا نحرقهم كاملين و رجعت لدار صليت طلبت ربي يسمح ليا حيت السحر شرك بالله .
و الحمد الله من داك النهار مابقيت كانخاف نقرا شي كتاب ديال السحر و دب كانصح اي واحد بغا غير يجرب السحر ،كانقول ليكم بلي السحر هو الحاحة الوحيدة اللي خصك ماتجربهاش حيت الى دخلتي صعيب تخرج اولى مايمكنش .
و شحال من واحد (ة) مات و مشا كافر بالله و انا كانقول الحمد لله ملي مااوقعاتش ليا شيحاجة خيبة بزاف .

الفصل 1 من قصة الجن العاشق

السلام هادشي لغنقول واقعي ولكن إقدر يجي بنادم يقول هادشي غي كدوب المهم نبداو الإسم ديالي يوسف دري داخل سوق راصو الصلاة و الحمد لله أي خطوة کنت کندير كانت تصدق ليا و غادشي برضات الواليدين و توفيق من الله قريت و خدمت خدمة زوينة و مبغيتش نخرج الحرام قررت نتجوج ههه بغيت نكمل ديني و كنت حاط عيني على واحد بنت الجيران 5 سنين .


عمرني شفت عليها شي حاجة خايبة کنت کنتبعها بلا ما تعيق كنت بحال الضل ديالها و هي الصراحة لله محتارمة راسها بزاف من الدار للمدراسة و من المدراسة للدار .
قلت الواليدة راني باغي تجوج ههههه عندي واحد الوالدة بوحدها شدات فيا بالمزيان و قاتلي شكون هادي بالسلامة قلت ليها مريم بنت جيران ههه و بدات تاني شادة فيا هاي هاي على ولدي عندو الدوق مهم قلت بيها شوفي القضية كيدايرا دوي مع مرت باها حنت هي يتيمة مسكينة دابا نعاود ليكوم على مريم هه مين غادي نبدا عندها 18 عام العوينات خضرین و الوجه بيض حليب و الأخلاق، الوالدة ديالها ماتت من ولدتها وعاشت بلا ما تشوف مها .

الوالدة مشات شافت السوق کیدایر و مریم وافقات الفرحة الفرحة و تسنیتها تاشدات الباك لي خداتو و درنا العرس و دازت 3 شهر على زواجنا و هنی عاد غادا تبدى القصة ديالنا .
كانت ليلة عيشورة كملت الخدمة و جيت طاير عند مريم كانت رجعاتني کنموت على الدار ولكن هاد الليلة مريم مبدلة بزاف کندوي معاها غي ساهية و لونها مبدل عليا وجدات لي العشا و مشات تنعس حلفت عليها بلي و الله و مجات ريحت معايا لكليت و هي مكتقدرش تخصر ليا

بقيت معاها تا کلات واخا غي شوية قاتلي يوسف راني عيانة هانا مشيت لبيتي نعس سمح ليا ماشي هاكة كان خصنا ندوزو هاد الليلة قلت ليها صحتك هي اللولة و مشات هي تنعس أنا بقيت کنتفرج و من بعد عاد حقت عليها و نعست مع 3 ديال الليل نضت نشرب.
مريم ملقيتهاش و لكن كنسمع صوت التقرقيب فالصالون و مشيت نشوف كنلقاها مريم واقفة و عاطيني بالدهر و كتهدر بشي هدرة ممفهوماش حطيت إيدي على كتفها و قلت ليها مريم مالك ملي … دارت…

إقرأ أيضا : قصة من أغرب قصص السحر وتسخير الجن والشياطين -1

الفصل 2 من قصة الجن العاشق

و بزربة تلفتات شداتني الصدمة ماشي مريم هاديك بسيفة خيبة بزاف قالي مالك تخلعتي أنا كنت حاط عيني عليها كانت صغيرة و نتاجيتي و ديتيها ليا أنا غنخلي حياتك عداب و حالف انکويك كيما كويتيني و صافي مريم طاحت غيبات هزيتها ديتها للبيت و بقت کنرش عليها فالما و كنقرا عليها القرآن تا فاقت و هي مفخبارها والو قاتلي مالك مبغایت نقول بيها والو و أول مرة غنكدب عليها قلت ليها غي كنتي داوية بنعاسك و خلعتيني عليك يلاه رجعي نعسي

صافي و نضت بلاصتي و عيني محلولة ما جاهاش النعاس تا ودن الفجر عاد عست شوية وصلات 7 و هادا هو الوقت لكنمشي فيه للخدمة و کیما ديمة مريم كنود کنلقاها موجدة ليا الفطور ماشي بحال شي بنات كتبقا خامرة تال 10 ،

فطرت و کیما ديما قبل نخرج كتبقى تدعي معاية و كتنود تبوسني ههه أنا منکرهش نبقى معاها نهار كامل ولكن دروري الخدمة باش نعيشو ، ولكن هاد النهار ماشي بحال كاع ليام حنت بالي بقا النهار كامل معاها و داكشي لي عشتو البارح خلعني عليها بزاف و بالخصوص ديك حالف تنكويك و نهار داز عندي معطل بزاف غي وصلات 6 و مشیت طير للدار وصلت وبديت كندق فالباب و لا جواب والو الباب كنت غادي نهرسو و تا جواب شداتني الخلعة و أنا تفرع الباب برجلي و دخلت کنجري للدار و کنغوت مريم مريم و هي تخرج من الدوش و مشیت کنجري عنقتها

و هي مفاهمة والو قاتلي کنت کندوش مسمعتکش من دقيتي قلت ليها صافي ماشي مشکيل واش نتي صافا قاتلي شوية النهار كامل و راصي دارني ولكن دابا الحمد لله راني شوية قاتلي سير رایح نا غادي نوجد ليك عشاك مشیت شريت قفل جديد للباب جیت بدیت کنقاد فيه و هي تحصلني قاتلي مال الباب عاودت ليها و هي تبدا ضحك إوا قادیت الباب و مشیت تعشيت أنا و ياها و تفرجنا ف فیلم و نضنا نعسو .


و فنفس التوقيت تاني ل هو 3 ديال الليل کنسمع فيها كتدوي غي بوحدها و هي تبدا تبكي و تغوت و كتندب فحناكها و الخلعة شاداها يوسف راه حاضيني راه حاضيني و معنقاني قوليه إبعد مني و أنا نوض خدمت القرآن عاد رتاحت و شي 3 ديال المرات و هي كتفيق و بنفس الطريقة تاني غي الغوت و البكا أنا معرفت ماندير کنبقا نواسي فيها و نحاول نخفف عليها ولكن بلا نتيجة بقينا على هاد الحالة حتى أدن لفجر عاد نعسنا ولكن الصباح صبحات راعفة و حويجها كلهم دم أنا من بانت لي هاكاك يحساب الي ماتت و بدیت کنعيط …

نتلقاو فالجزء الثالي من قصة الاجن العاشق .. نتمنى تكونو درتو شي توقعات شنو يوقع فأحداث القصة

ترقبو دائما جديد القصص بالدارجة المغربية , مع موقع قصة

قصص لها علاقة بالقصة :
قصة – أنا لي سحرات لراجل لي كان غيتزوج بصحبتي
قصة أشرف مع الجن – قصة رعب – الجزء 1

قصة الجن العاشق – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *