قصة الخطأ بالدارجة المغربية – الجزء الأول

قصة الخطأ بالدارجة المغربية – الجزء الأول

قصة الخطأ بالدارجة المغربية

الفصل الأول من القصة

نبداو في سرد القصة

السلام أنا سارة عمري 24 سنة ….

حبس حبس حبس غنرجعو بالزمن للور باش نعاودلكم قصتي و بالضبط فاش كانت عندي 14 سنة كنت تنقرا فالتالتة إعدادي مغنقولكمش كنقرااا مزياان ولكن شوية مزططة راسي وخاا كنت مشاغبة تنجيب نقيطاات ماعلييناا

داك العام كان عندي الموحد فقررت انني نحبس البسالة والشغااب و نركز غي معا القرااية كانت عندي واحد صاحبتي كنتجمعو أنا و ياها و نبقااو نحفضو و نراجعو كان عندها واحد خوها كبير عندو 25 عام فين ما كنت كنمشي عندها للدار تيبقا يشوف فيا شي شوفاات ديال الغدر و لكن مكنتش كنعمر راسي بيه كنقول عادي مهم

بقاات حياتي هاكدا عااادية من المدرسة للدار و من الدار للمدرسة و بعد المرات عند ديك صاحبتي تالواحد الليلة كنت ناعسة فبيتي تاكنفيق على شي حاجة تهرساات فقت مخلوعة و انا نسمع الغوات و الدباز فبيت ماما و بابا كانو كيدابزو منكدبش عليكم خفت و خفت بزااف حيتاش كانت هاديك اول مرى لي نشوف فيها ماما و بابا تيدابزو

كانو متفاهميين بزااف و تيبغيو بعضياتهم ولكن ديك اليلة كان غواتهم واصل تالعند الجيراان بقيت فبلاصتي ديك 10 دقايق و نا كنسمع لغواتهم غادي وكيجهاااد تالواحد اللحضة سمعت ضربة قويية على الارض و تقطع الحس و مابقيت تنسمع واالو جاني الفضول نعرف مالهم نضت تنترعد

و مشيت لعندهم حليت الباب و طليت عليهم و نا تنقول ماالكم تاكانتصدم بداكشي لي شفت

الفصل 2 – الجزء الأول من القصة

كاانت ماما طايحة و غارقة فدماياتهاا و بابا واقف مصدووم دخل تنجري و طحت على ماما تنحرك فيهااااماما ماما ماالك فيقيي هئ هئ هئ شنو واااقع

ماماااااااولكن واالو مكتحركش شفت فبابا و بديت نغوت شنووو واااقع مااال مااماا اشنو درتي فيهاا هئ هئ مجاوبنيبش و طاح على ركابيه و هو مزاال مصدووم تالواحد اللحضة نطق وهو مزال على نفس الحالة “قتلتهاااا قتلتهااا”

و بدا تيضرب فرااسو و و فرجليه بحال حمق و هو تيقول قتلتهااا اناا مزاالاا ممستوعبااش هادشي لي وااقع

ياك باقي متبعين معنا القصة

و هضرت بابا شعلاات فيا العافية نضت و بديت تنضرب فييه لااااا مامااا ممااتتش مقتلتيهااش هي غي مقصحة لاااااااا مامااتتش هئ هئ هئ بقييت هكاك و دخلت فحالة هستييرية كنضرب فراااسي و فبابا تالواحد اللحضة فقت الوعي و مابقيت عاقلة على واالو …

فقت و لقيت راسي فبيتي غمضت عينيا وليت حليتهم و انا كنتفكر فشنو وقع نضت و ناا تنقوول غي حلم يااربي نكون غي كنحلم ولكن للاسف فقت على الواقع المر مكانش حلم كان حقيقة حقيقة مرة ….

مشيت للبيت ماما و بابا لقيت بابا حط ماما فواحد ليزاار بيض فوق الناموسية و خدام تيمسح الدم من الارض مشيت و حيدت ليزار على ماما لقيتهااا زرقاااا و مكتنفسش نزلاات دمعة حااارة من عيني و تبعوها خوتهاا بحال الشتاا بديت تانبكي بحرقة

و انا تنقول عافااك اماما فيقي الله يخلييك هئ هئ فيقي اماما مديرييش هااكة هئ هئ انا مزالاا محتااجااك مزاالا باغيااك هئ هئ كنتي كتقوليلي غتشريلي الكادو فاش ننجح فالتاسع هئ هئ كنتي كتوصيني نديها فقرايتي و درت بوصيتك وانا تنقرااا ودباا بغيتي تخليينيي حراام علييك علااش اماماا علاااااااااش

و طحت كنبكي شفت فبابا لقيتو مزاالااا تيمسح فالارض عينيا و لااو حمريين و عروقي باانو مشيت عندو و شديو من الكول دالكيطمة لي كاان لاابس نتااا نتااا قتاال قتلتيلييي مامااااا نتاااا قتااااال مجرم الله ياخد فييك الحق عمريي نسمحلك سمعتي عمريييي نسسمحللللللك هئ هئ هئ ….

الفصل 3 – الجزء 1 من القصة

بقاا تيشووف فيااا و مداار تاردة فعل حيدلي يديا و نااض مشا لكوزينة و انا بقيت طاايحة و كنبكي كنقول هداا مااشي بابا ميمكنش بابا يكون هكاااا و بهال القساااوة حيتااش كان حنيين و تيبغي ماما لواحد الدرجة متصورش ..

مهم بقيت هكااك شي دقيقة تادخل و هو هاز واحد الميكة كحلة و كبيييير و مشا جيهت ماما و بدا تيحااول يدخلها فديك الميكة انا تصدمت تشوكييت ميمكنش هدا اش كيديير نضت عندو اش غديير علااش كديير ماما فهاد الميكة

شاف فيا و قال سيري لبسي حوايجك غنمشيو من هناولكن علااش هاد الميكة خاصنا نديوها لطبيب..

قبل منكمل غوت عليااا بجهد و قالي *سيييررييييي لبسي حوااااايجك *

شداتني الرعدة و خفت و درت داكشي لي قالي لبست حواايجي و بقيت فبيتي مقدرتش نمشي عندو حيتااش خفت بزااف بقاا واحد الشوية و تم خاارج من البيت و فيديه ديك الميكة الكحلة لي فيها ماما

نضت تنبكي تنقوول ميمكنش هادشي لي واقع يكون بصح واش صاافي ماما بصح مااتت مابقيتش غنشوفهااا هئ هئ هى و لي زااد مرضني هو علاش بابا تيدير هكاا علاش دارها فميكة كان خاصو يديها لطبيب باش يعتقوهاا

فيقني من سهوتي بصوتو و هو كيقولي يلاا زيدي نمشيو تبعتو بلا تاشي كلمة هود فالدروج بلاا حس كان ديك الساع مزاال الضلاام تكون ديك تلاتة ديال الصباح مهم بقا خارج بسليتة و حاضي جنابو و انا غي تابعاااه و محاسااش براسي حيتااش كنت مصدومة و مزالا ممسوعباش هادشي لي واقع

وصل لطونوبيل و دارها فالكوفر و ركبناا و شد طريق فدااك ليل … بقييناا فترة طوييلة و حنا غاديين و تااوااحد مكيدوي تاتشجعت و سولت بابا *فين غاديين* شاف فيا و نطق *غنمشيو للدار لي فلعروبية*بقيت ساكتة و وليت سولتوو *و علااش غنمشيو تماا و ماما اشنو غدير ليهاا * شاف فيا و كتافة بالصمت ..

تتمت القصة في الجزء المقبل ان شاء الله

جميع أجزاء القصة
الجزء الأول من القصة

الجزء الأول من القصة

قصة الخطأ من موقع قصة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *