قصة الخطأ بالدارجة المغربية – الجزء الثاني

قصة الخطأ بالدارجة المغربية – الجزء الثاني

قصة الخطأ بالدارجة المغربية

الفصل 4 من القصة


بقينااا غادين و انا حااطة راسي على زااجة دطونوبيل و تنفكر فهادشي لي وقع و فلي جااي نزلات مني دمعة و انا كنتحسر على ماما تاداتني عيني و نعست..

فقت على صوت بابا تيحل فالكوفر خرجت من الطونوبيل و بقيت حاضياه جبدهاا و مشا مرا الدار و بقا كيحفر و بحكم جااية الدار معزولة بوحديتهااا كان من الساهل انه يحفر بلا ميسوقلو حد الخبار بقا تيحفر

و انا غي حاضيااه اش كيدير شوية و جاب ماما و دارها فديك الحفرة انا مشيت كنجري و و طحت حدا ماما و كنغوت علييه اش كدبيبر لااا نت مااشي بابا هئ هئ هئ نت قتااال اش كديير قتلتيها و غدفنها بدم باارد,

تخشيت فماما يلاا رمي رمي الترااب صافي الى ماما ماتت تانا مت يلا دفني نمشي تانا عند ماماتحنا عندي و جرني و داني لطونوبيل و سد عليا و مشا يكمل الدفين

انا عييت نضرب و نغوت ولكن واالو تاسلا دفنها و غطها بوراق الشجر باش ميبانش بلي ديك البلاصة مدفون فيها شي واحد

انا صافي غنحمااق غنتسطا كنضرب فراسي و كنقول ميمكنش غي حلم غي حلم ياااربي نفيييق يااربي نفييق هئ هئ هى تاجا بابا و حليا باب الطونوبيل و دخل للدار بلا تاشي كلمة بقيت تما كنجمع راسي عاد دخلت كانت ديك الدار مغبراا حيتاش شحال هادي مجينا ليهااا

لقيت بابا جالس فواحد البيت و داير يدو فوق راسو دخلت و ضحكت باستهزااء صافي تهنيتي يلا دبا رتااح قتلتيهااا و تهنيتي محسيت غي بواحد السقلا طيراتلي حنكي سكتيي سكتي هضرتي بزااااف و انا سااكت كاان خطأ غي خطااااااأ تحركي لبييييتك

مشيت لبيتي و بقيت غي تنبكي دازت جوج سيمانات و حنا فديك الدار بابا غي جالس فبيتو مكيدوي ماواالو حالتو ولات حاالة و انا دخلت فحالة اكتئاب قرايتي من داك النهار موليت شفتهاا… فقت داك الصبااح ووجدت الفطور حطيتو و مشيت باش نفيق بابا وخا قتلي ماما كيبقا فيااا و فالاخير كيبقا بابا بقيت تندق ووالو مكايجاوبش تاحليت البااب و لقيتو ….

القصل 5 من قصة الخطأ


لقيتو نتاحر قتل رااسو متيقتش و بقيت تنضحك تنضحك بجهد و تقلب داك الضحك لبكا و الشهيق هو الحاجة الوحيد لي بقالي فهاد الدنيا وهاهو تاهو قتل راسو و خلاني انا هناااا مشيت و جلست حدااه و بقيت ناتشوف فيه تحنيت نشوف قلبو واش كيضرب لقيتو سااكت تاحااجة مكتحرك بقيت تانبكي تاشفت داك الموس لي قتل بيه رااسو

هزيتو و حطيتو على العروق ديدي صافي ماما ماتت و بابا مات اش غنبقى ندير فهااد الدنيا كلشي خسرتو اش غادي ندير على شوية كنت غنقتل راسي ولكن دغيا رجعت لعقلي و تفكرت فاش كانت كتقولنا الاستادة بانا لي نتاحر تابعو عداب الييم عند الله …

صافي علاش نتعدم فالدنيا و نزيد تالاخييرة رميت داك الموس و نضت شفت فبابا شوفة طوييلة و خرجت من الدار كان عااد صبح الحال و الجو زويين ولكن داكشي لي فقلبي وهادشي لي واقع ميسمحليش نستمتع بهاد الجو مشيت لقبر دماما و بقيت تانشوف فييهااا

و بقيت غادية فطريق الشانطي و انا جسد بلا روح و حالتي حاالة وقفت باش ندير اوطو سطووب ولكن تواحد مابغا يهزني كملت على رجلي تاتعلات الشمس فوق السمااا و جاني العطش و الجوع

كلست فالارض كنرجع الروح تاوقف عليا واحد الراجل كبير شوية تحنا لعندي و بدا يسولني مالك ؟ اشنو واقع ليك فين والديك بقا تيسولني و انا نطقت و عياانة *عاافااك واش ممكن توصلني للمدينة * بقا تيشوف فيااا و عاوني باش نوقف و دخلني لطونوبيلتو بقا غاادي و ساعة ساعة كيشوف فياا وصلنا للمدينة

و قالي فين ساكنة قتلو ديني للكوميسارية استغرب و بقا تيشوف فيااا قالي اش غديري تماا قوتلو غي ديني عافاك تنهد و داني للكوميسارية دخلت و مشيت لأول مكتب لقيتو قدامي دخلت لقيت وااحد للبوليسي مزاال صغيير و زويين فوجهوو كان حاني راسو و كيقرا فشي ملفاات بقيت شحاال وانا واقفة و هو مردش ليا الباال تاهز راسو و شافني بقا كيشوف فيا بمعنى شنو كاين

انا عاد فقت و مشيت جلست بلا حتى شي كلمة كنفكر اش غنقولو بابا قتل ماما و من بعد نتااحر و الى لصقات فيا التهمة أنا بقيت كنفكر تانوضني بهضروالبوليسي : احم السلاام اختي ياك لباااس؟

انا هزيت عينيا و بقييت كنشووف فيه محسيتش بدموعي تابداو كينزلو غي بوحدهووم هو استغرب و ناض حدايا البوليسي : ياك لباس علاش كتبكي واش تعدا عليك شي واحد وفين والديك ؟

غي سمعت والديا زدت فوتيرة البكاا و الشهييق هو طلبلي كاس دالماا و عطاني شربتو و انا كنشهق من بعد مسحت دموعي و شفت فيه و بديت تنعاودلو كلشي عاوتلو من ديك الليلة لي ماتت ماما حتى لهاد الصبح فاش مات بابا….

تتمت القصة في الجزء المقبل ان شاء الله

جميع أجزاء القصة
الجزء الأول من القصة

الجزء الثاني من القصة

قصة الخطأ من موقع قصة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *