قصة العميق – الجزء 1 –

قصة العميق – الجزء 1 –

قصة العميق

الفصل الأول من قصة العميق

قصة ديال واحد لبنت لي كتقول:شحال هادي فاش كنت كنقرا فليسي كان كيقرا معايا واحد دري سميتو أيمن. هاذ أيمن مكانش بحال كاع دراري عادين مكان مكدوي معا حتا حد ديما بوحدو أو حتا إلا سولتيه على شي حاجة كيجويك بكلمة او لا جوج حتا من ستيل ديالو كان ديما كيلبس غير لكحل او لا باش نقرب ليكم كثر بحال دوك لعمقين. ديما غادي أو حاني راسو مكيشوف حتا حد أو لا عمرني شتو كيضحك

هادشي لي كبين بلي دري عايش فحزن أو مخبيه لداخل ديالو مكيشوفو حتى حد من غيرو. كان ديما كيلفت لإنتباه ديالي شحال من مرة بغيت نمشي ندوي معاه ولكن مقدرتش حيث خفتو إقمعني أو لا شي حاجة.

واحد نهار كنت كنضور فالفيس حتا طلعلي لفيسبوك ديالو واو لفرحة لي شداتني ديك ساعة بوحدها بلا تفكير صيفطت ليه أنفيتاسيو. بقيت كنتسنى أو كول دقيقة كنهز طيليفون نشوف واش قبلني ولكن والو. من بعد سيمانة أو مزال مقبلني فكرت نصيفط ليه ميساج. ولكن كاع مجوبني هنا فين بغيت نزعم أو نعيطليه أو لي بغا يوقع يوقع عيطت ليه شحال من مرة أو من بعد و أخيرا جوبني.

_ألو شكون معايا _مول ضو _كيفاش _هه غير كنضحك معاك معاك دنيا لي كتقرا معاك _آه مزيان يلاه بسلامة _غير صبر مزال بغيت نسولك غير على واحد درس أو صافي _كاع معرف أو مغادي نفيدك بوالو.
يلاه بسلامة أو قطع مخلانيش ندوي معاه حتا لهدرة مقادة زدت تأكدت بلى هاذ أيمن صعيب لواحد إوصلو صيفتلو مساج أو قولت لو فيه بلي ضروري بغيتك تصورلي درس لخر ديال العربية حيث خاصني نراجع أو حتا وحدة فالبنات مابغات تصيفطلي داكشي علاش جيت عندك نتا بقيت كنتسنا حتا كيوصلني ميساج من عندو مصور لي درس ديال العربية فرحت بزاف واخا انا ممحتاجاش لداك درس و لكن حسيت بحالي نقدر أني نطور لعلاقة ديالي معاه.

غدا فصباح نضت قاديت راسي أو لبست أحسن ماعندي حيث قررت نمشي ندوي معاه بنية أني نشكرو على درس لي صفطلي. فستيراحة بقيت كنضور كي لحمقة أو أنا كنقلب عليه أو بعد معنات لقيتو كان واقف أو كيشوف فسما أو داير لقب أو لزيات وقفت عليه شاف فيا أو عاود طلع عينو لسما نغزتو أو غير بلإشارة قوتلو زعما إحيد لزيات بقا كيشوف فيا أو من بعد حيدهم _بغيت غير نشكرك على داك درس لي صفطتي لي لبارح

_صافي غير هادشي ياك _آه _ماشي مشكيل أو جا يمشي بحالو. أو انا نشدو من يدو _صراحة مكرهتش نخرجو هاذ لعشية أنا أو وياك بغيت نزيدو نتعرفو _ممساليش _علاش أش عندك
_نتي ماشي سوقك أو عاود جا إمشي بحالو _بغيت غير نقوليك واحد لحاجة مهمة_قوليها دابا _لا أنا باغا فاش نكونو خارجين نقولها ليك _راني قوتلك فلعشية راني ممساليش ملقيت حتا شي حل أخور _نتا كتعجبني بزاف أو مكرهتش تكون شي حاجة بيناتنا _عندي ليك واحد نصيحة من أفضل غير نسينى حيث مغادي يكون والو

_ولكن علاش واش معجبتكش _لا لمشكيل فيا ماشي فيك _كيفاش مفهمني _انا قلبي مات أو شحال هادي مبقاش عندي كاع لقلب لي نبغي بيه شي وحدة او منقدرش نبقا نتفلة عليك بديك كنبغيك أو أنا أصلن مكنبغيكش_ولكن انا نقدر نعاود نخليك تبغيني _لا متقدريش حيث صافي قلبي مات أو نتي متقدري ديري ليه والو

_واخا جربني _لا معندي منجرب فيك غير خليني. أو كنقولك بعدي من طريق لحب حيث طريقو خايبةأو مشا بحالو. تعجبت من راسي كيفاش حتا قدرت نقول هاذ لهدرة بلما نحس. ولكن هدرتو زادت خلاتني نزيد نبغييه أو خلاتني نزيد أني نفكر نتقرب منو كثر حيث هاذ لخطوة لي درت هاد نهار غادي تخلني أني نمشي ندوي معاه كول نهار…ياك
( مزال متبعين معنا القصة نخليكم معا الفصل الثاني من القصة)

إقرأ أيضا : قصتي مع بنت الشوافة – الجزء 1 –

الفصل الثاني من قصة العميق

ولكن هدرتو زادت خلاتني نزيد نبغييه أو خلاتني نزيد أني نفكر نتقرب منو كثر حيث هاذ لخطوة لي درت هاد نهار غادي تخلني أني نمشي ندوي معاه كول نهار. مشيت لدار أو نهار كامل أو انا كنفكر غير فيه مزالش من بالي بديت كنفكر فشي طريقة لي غادي تخليني نتقرب منو كثر. عيطت على صحبتي كوثر باش نعود ليها هادشي لي وقع أو تعطيني شي طريقة باش نعود ندوي معاه_ألو كوثر_وي أشمن موصيبة درتي عاود_أو شكون قاليك درت شي موصيبة_حيث عارفك فاش كتعيطيلي حتا كديري شي موصيبة

_أنا مشيت هاذ نهار عند أيمن أو قوتلو بلي كنبغيه_أويلي واش حمقيتي فين عمرك شتي شي بنت تمشي عند لولد كتقولو كنبغيك_واش غادي ندير مقدرتش نصبر قوتلو بغيت نخرجو هاذ لعشية ولكن مبغاش_كن غير جيتي تشورتي معايا مالكي على حالتك_ من تالي أنا عيطتليك باش تشوفي معايا شي طريقة بغيت ندوزو أنا أو وياه شي عشية نخرجو أو لا نخليه يكلس معايا بغيت نعرف عليه كولشي_معرفتش حيث صعيب توصلي ليه راكي عارفة كيفاش داير

_واياه بغيت ضروري تشوفلي لحل_صعيب والله غير نساي شوفلك شي حد حسن منو ماشي بحال داك لمعقد_ لا أنا بغيتو هو._راسك معكس صافي منين نلقى لحل نقولو ليك_صافي واخا أنا نعول عليك يلاه باي_بايحطيت طيليفون أو بقيت كنتخيل راسي معاه بوحدنا فشي بلاصة زوينة أنا دايرة راسي فوق كتفو أو هو كيلعب لي بشعري أو مخصنا خير واو هادشي غير تخيلتو أو فرحت هكا يعلم الله كن كان بصح هادشي وقع.

بقيت كنتخيل أو نألف فالقصص غير من راسي حتا كوصلني ميساج منين شفت لقيت كوثر_راني دويت مع ياسر (هاذ دري كيقرا معانا) أو عودتلو على كولشي بداكشي لكتحسي من جيهت أيمن(تفوو فرشاتني) أو لحاجة لوحيدة لي عارف هي فين ساكن أو راه عطاني لعنوان ديال دارهم أش بالك نمشيو لدربهم نعرفو غير فين كيسكن أو نسولو عليه أو إلا لقيناه تقدري دوي معاه أو حتا هو يقدر يبغي هاذ لمرة يبقي معاك.

معرقتش واش هاذ لفكرة ديالها زوينة أو لا مغادي تنفعني بوالو ولكن قولت مع راسي خليني نمشي لعندو نجرب زهري نقدر نلقاه كالس فدرب أو لا على لأقل نعرف دارهم فين كاينة أو لا نسول عليه واش هو هكاك غير فالمدرسة أو لا فحياتو اليوميةصيفطت لكوثر ميساج أو قوتلها فيه بلي دوز مورايا نمشيو نشوفو.نضت عند ماما أو قولت ليها بلي غادي نمشي أنا كوثر نطبعو حقا شي وراق طلبيهم لينا لبست حوايجي أو تسنيت كوثر حتا جات لعندي هبطت أو مشينا_ياربي نلقاو شي حاجة لي تفذنا

_هاذ أيمن لي سولت عليه شي حد كيقولي معرفت سيد مجهول وسط ناس_أنا هكاك عجبني ديك شخصية ديالو لغامضة هي لخلاتني نحماق عليه_حتا نتي على قلة دراري مابليك غير هذاك هانتي أمين كاع البنات ليسي كيحماقو عليه أو جا لعندك نتي او بغا يتصاحب معاك يلاه شكون بحالك_لا هذاك مبنت بززاف أو كيفما قولتي كاع لبنات كيحماقو عليه أنا بغيت شي حد نكون عندو غير أنا أو نكون كنحماق عليه غير بوحدي_و باز أختي لي فراسك راه فراسك_

انا أيمن منو نخلقبقينا غادين حتا وصلنا لواحد درب_هذا هو درب لقالي عليه ياسر فين ساكندرب مكانش بعيد على فين ساكنة بزاف_إوا دابا أش نديرو_أجي ندخلو فدرب بعدة أو نشوفو لا لقينا شي حد نسولوه عليهدخلنا أو بقينا غادي كوثر جبدات طيليفون أو عيطات على ياسر أو سولتو على إقامة فين ساكن أو عطانا سمية أو لقيناها.كانو شي جوج دراري كانو واقفين تماك_واش نسولهم يقدرو يكونو عارفين عليه شي حاجة

_صافي يلاه نسولولي كعجبني فكوثر هو ديما كتزعم معايا فأي حاجة أو مكيهمهاش من بعد أش يوقع_سلام خويا_أهلان هاذ زين كامل عدنا هاذ نهار فالحومة_بغينا غير نسولكم أو نمشيو بحالنا_حشومة تمشيو دغيا مزال بغينكم تبقاو معانا_كتعرفو واحد دري كيسكن فهاذ الإقامة سميتو أيمنشاف فصاحبو_آه أيمن ولد خديجةصافي دابا عرفت حماتي سميتها خديجة هه ها انا دابا عرفت عليه شي حاجة_يعني نتا كتعرف عليه شي حوايج_آه شحال هادي كان كيجمع معانا فدرب دابا مابقاش

_أو نتا عارف علاش رجع هكا_آه نقولك ولكن بشرط_أشنو هو_تبوسيني إو نقولك كاع داكشي لبغيتي_حمار ممربيش (جيت نمشيو بحالنا أو شدني من يدي أو جرني عندو)_طلق مني(بلغوات)حتا كيبالي أيمن خارج من دارهم….
(القصة بقا طويلة خليكم معنا مركزي و نتمنى تديرو بعد التوقعات ديالكم شنو أيوقع فالجزء الثاني من القصة )

ترقبو دائما جديد القصص بالدارجة المغربية , مع موقع قصة

قصص لها علاقة بالقصة :
قصة تزوجت رجل المافية – الجزء 1 –
قصة مراتي المعفونة – الجزء 1 –

قصة العميق – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *