قصة العميق – الجزء 2 –

قصة العميق – الجزء 2 –

قصة العميق

السلام عليكم اليوم الجزء الثاني من قصة العميق كنتمنى تكونو كملتو الجزء الأول وعجبكوم لا منكثر عليكم
نخليكم مع الحزء الثاني من القصة

الفصل الثالث من قصة العميق

_تبوسيني أو نقولك كاع داكشي لبغيتي
_حمار ممربيش (جيت نمشيو بحالنا أو شدني من يدي أو جرني عندو)
_طلق مني(بلغوات)حتا كيبالي أيمن خارج من دارهمأيمن:أش كدير نتا طلق منها (حيدلو يدو مني أو شنق عليه) لمرة جايا نشوفك حاط يديك على شي بنت نقطعهم ليكدري:غير كنضحك معاها أصحبي أصلان ماكنت غادي ندير ليها والوأيمن:كن مكنتش عارفك كيفاش داير كن كاع مدويت.

مهم هذا أخير إنذار ليكدري: صافي أخويامشا بحالو أو ضار عندي أيمن أو كان بينا فيه معصب
أيمن:نتي أش كديري هنا
أنا: والو غير كنت دايزة من هنا أو هو يشدني هذاك
أيمن :سبحان الله تيقتك
أنا:نتا كتسكن هنا


أيمن:زعما راكي كاع مكنتي عارفة
أنا:لا أو كيفاش غادي ندير نعرف او نتا أصلان حتا واحد مكيعرف عليك والو
أيمن:(خنزر فيا بواحد طريقة) نتوما لبنات منين كديرو شي حاجة فراسكم توصلو ليهاأو جا يمشي بحالو
أنا:أيمن (ضار عندي) بغيت نشكرك هاذ لمرة عتقتيني ديال بصح.

بقا كيشوف فيا أو مشا بحالو. كل نهار كيزيد يكبرلي فعيني رجعت مهوسة بيه لواحد لي بزاف
كوثر:أش باليك نتبعوه
أنا:أول مرة تقولي شي حاجة زوينة يلاهبقينا غادي تبعينو غير بالفن باش ميعيقش بينا حتا وصلنا لواحد لبلاصة خاوية مافيها حتا حد تماك وقف
كوثر:أش جا يدير هنا فهاذ لبلاصة
أنا:راه بحالي بحالك معرفتش بقينا واقفين كنتسناو نشوفو أش غادي يدير حتا لواحد لحظة جبد لكارو أو بدا كيكمي. معجبنيش لحال فاش شتو كيكمي حيث مبغيتوش يمشي لشي حاجة لي ضر بصحة ديالو

كوثر:عرفتي هاهي لفرصة ديالك سيري عندو دوي معاه
أنا:معرفتش ولكن خفتو إتقلق عليا أو لا يكرهني
كوثر:آه غادي يتقلق ولكن نتي عرفي كيفاش دوي معاه يلاه سيري دغيا
أنا:صافي واخا ها انا غادية. بعدة شوفيني واش شعري مقاد , والعكر ديالي


كوثر:آه مقاد غير سيري دغياخديت نفس عميق أو مشيت عندو ضار شاف فينا
أيمن:(تعجب) نتي أش جاية عاود ديري هنا. متقوليليش صدفة
أنا:لا ماشي صدفة غير تبعتك أو صافي
أيمن:وياربي أش بغيتي ندير معاك مالكي معايا ياك لبارح قوتليك لي كاين أنا منصلاحش ليك غير عطيني تيساع
أنا:ولكن أش غادي ندير منقدرش أنا صافي شديتك أو حطيتك فقلبي أو شديت عليك أو طلفت سوارت يعني مابقا عندي كيفاش نخرج من قلبي

أيمن: سمحيلي ولكن معندي كيفاش ندير ليك
أنا:(قربت ليه كثر) عفاك غير شوف كيفاش ديري معايا متخلينيش هكا والله مكنضحك عليك أنا كنبغيك بزاف عمرك متلقي شي واحدة بحالي
أيمن:(حتا هو قرب ليا كثر أو عيني كتشوف عينو) راني قوتلك منقدرش واخا نبغي واش بغيتي نبقا نكذب عليك
أنا:عطيني غير قلبك انا نقدر نخليه يعاود يبغي. ولكن قولي علاش وليتي هكا
أيمن:(ضور وجهو) نتي ماشي سوقك


أنا:لا سوقي حيث نتا كتهمني كثر من أي حد أخور
أيمن:أنا باغي نسا كولشي حيث أي حاجة عشتها بغيت نساها حيث عيت زهر والو معنديش حتا شوية
أنا:ولكن علاش كتقول هكا أش وقعلك
أيمن:واش بغيتي تعرفي علاش مقادرش نبغيك أو لا غيرك
أنا:آه بغيت نعرف
أيمن:حيث قلبي بغا بنت وحدة. بنت لي ماتت هاذي عامين.

أو قلبي معاها مات. عامين أو مقدرتش نساها ديما عقلي معاها حتا قولت أخيرا لقيت تفهمني أو لي نبغي تبغيني جات لموت أو دات كولشي
أنا:(شحال خايبة تسمعي لولد لي تبغي كيقول هاذ لهضرة. لهضرة لي جاتني بحال شي قرطاسة دخلات لقلبي اش هاذ زهر عندي أش ندير دابا بقيت واقفة أو كنشوف بدون حركة محسيت براسي حتا دمعة نزلات لي من عيني)
أيمن:معندك مديري هذا هو لحب هكا كخلينا
أنا:حشومة عليك والله علاش قولتلي هكا


أيمن:ولكن هاذي هي لحقيقة لكنتي باغة تعرفي
أنا:مكانش عليك تقولها ليأيمن:صافي دابا لي وقع وقع
أنا:كان كيحساب لي عندك شي مشكيل عائلي أو لا فقدتي شي حد عزيز عليك كاع مكان كيحسابلي بلي غادي يكون لحب لي وصلك هكا. دابا معرفتش أش ندير واش نمشي أو نحاول نساك أو لا نبقا نبغيك

أيمن:غير حَولي. تنسيني
أنا:او نتا علاش متحولش تنساها
أيمن:معرفتش. انا كاع معارف سبب علاش مقدرتش حتا لدابا منسيتهاش لدابا باقي كنتفكرها كنتخيلها معايا بحالي كاع ممشاتش
أنا:نقدر نسيك فيها عطيني غير فرصة
أيمن:مغاديش تقدريبلما نحس عنقتو لأول مرة كنحط راسي على صدرو كنسمع دقات قلبو حسيت بواحد راحة فدوك ثواني لقلل أو حتا أيمن مدار حتا شي ردات فعل من غير بقا غير ساكت

إقرأ أيضا : جميع أجزاء قصة الخطأ


أنا:تيقني لحب ديالي من جهتك حقيقي عمرني وقعلي هكا حتا عرفتك نتا
أيمن:(بقا غير ساكت)هزيت راسي أو شفت فيه أو عيني فعينوأنا:مالك سكتي
أيمن:من بعد مدة أول مرة شي وحدة تقرب لي هكا

أنا:(قبطت ليه فيدو) أيمن انا على قبلك نقدر ندير لي فجهدي. دابا نتا ماشي بوحدك كيفما كيحسابلك أنا دابا معاك. نخليك دابا ولكن غير تهنى راك غادي تعاود تشوفني.مشيت بحالي لدار.

او دخلت لبيتي أو شديت عليا بديت كنفكر بلي لحب ماشي شي حاجة لساهلة صعيب تعيشو كيفما بغيتي او هو ماشي خايب غير خاصك تعرف معامن تعيشو. يقدر يخليك ديما مهموم أو ديما كتفكر فشخص واحد نهار كامل متملش. لحب لحقيقي هو تضحية بدون تفكير فالعواقب. آه بصح انا دابا نقدر لا قالي يلاه نهربو نهرب معاه أو لا أي حاجة قالها لي مهم نكون معاه أو نشوفو فرحان….
ياك مزال مركزين معنا فالقصة …

الفصل الرابع من قصة العميق

بقيت كالسة أو كنفكر فحال الحب إو كيفاش كيخلي لواحد بلا عقل. أو لا أش غادي يوقع من بعذ كاع ديك الهضرة لي دارت بيني أو بين أيمن زعمة يولي حتا هو مع الوقت يبغيني. متعرف كولشي ممكن انا هادشي لي باغة من دنيا نكون فجنب لإنسان لي كنبغي. آه انا عارفة هادشي ماشي ساهل ولكن خاصني ندير كاع لي فجهدي باش نوصل لقلبو.حتا لولحد لحظة كنسمع طيليفون كيسوني كنلقاها كوثر


أنا:ألو
كوثر:شتك معيطتيليش أش وقع
أنا:أيمن كيبغي واحدة البنت
كوثر:وايلي متقوليهاش
أنا:والله. أو تصوري معايا ماتت هادي عامين و لدابا باقي كبغيها مقدرش حتا ينساها
كوثر:صدمتيني والله أو فتالي باش سليتوها
أنا:عرفتي تعنقنا أو بقيت شحال أو انا معنقاه متصوريش داك الإحساس شحال زوين منين تحطي راسك على داك شخص لي كتبغي

كوثر:او فتالي أش قولتي لوأنا:قوتلو واخا يوقع لي وقع مغاديش نتفرق عليك
كوثر: إوا ها حنا غادي نشوفو هاذ لقصة ديال لحب ديالك فين غادي توصل
أنا:غادي تسالي بالعرس الأحلام ديالي مع الإنسان لي بغيت


كوثر:ههه حا حنا غادي نشوفو. يلاه غدا نطلقو
أنا :أوك بب بايحطيت طيلي أو مشيت نعس. لغدليه فصباح فقت كنت متحمسة او فنفس لوقت كنت مخلوعة لبست او تقديت خرجت او مشيت دخلت قريت داك نهار كاع ماجا أيمن معرفتش سبب واش هاذ لغياب ديالو واش عندو شي علاقة بداكشي لي وقع لبارح أو لا يكون وقعلو شي مشكيل…

دازت كثر من جوج سيمانات أو أيمن باقي مجاش علاش أو أشنو واقعلو واش شي مشكيل كبير عندو او لا انا هي لمشكيل لي خلاه ميجيش هاذ لأسئلة بقات فدماغي لمدة ثلاتة سيمانات حتا لواحد نهار و أخيرا جا لفرحة لي شداتني داك نهار كانت بوحدها بلما نشعر مشيت عندو


أنا:سلام (مشافش فيا مضور وجه) أيمن مالك علاش مكتشوفش فيا ضور لعندي. واش عندك شي مشكيل معايا دوي عفااك
أيمن:(مضور وجه) مافيا لي يدوي هاذ نهار
أنا:آه غير قولي علاش مجيتيش هاذ 3 سيمانات


أيمن:غير كنت عيان
أنا:ضور لعندي أو دوي معايا(مشيت لجهة لي كان مضور وجه ليها) أش هادشي فوجهك شكون دار ليك هكا
أيمن :حتا واحد ميقدر يدير لي شي حاجة من غير لا درتها فراسي

أنا:ولكن شوف حالتك شوف حتا يديك كيفاش مضروبين. علاش غير قولي عفاك
أيمن:والو غير خليني دابا عفااك
أنا:صافي واخامشا بحالو أو خلا فدماغي كثر من 100سؤال معندهمش حتا جواب.

مشيت دخلت نقرا حتا لواحد لحظة كنسمعو لغوات برا شي غادي شي جاي او معرفناش سبب علاش أو خرج ساد يسول أش واقع قالو ليه بلي واحد دري حاول ينتاحر فالحمام او دابا راه سخفان أو غارق فدمو.

أواه شكون هذا أو علاش حاول ينتاحر. انا مقدرتش نركز مزيان مع داكشي لي كان واقع فديك لحظة حيث دماغي كولو كان غير معا أيمن فذيك لحظة صونات ساعة
كوثر :يلاه نمشيو حتا حنا نعرفو اش واقع تما
أنا :صافي واخا يلاه مشينا او كان تماك بزاف ديال بنادم او زحام يعني مقدرناش نعرفو شكون هذا لي نتاحر

كوثر :تفوو و غير خليونا نعرفو شكون هذا
أنا :صافي أصحبتي يلاه نمشيو شوفي شحال ديال لبشار كاين غير يلاه فتالي دابا نعرفو اش واقع او أصلان دابا انا معنديش لخاطر
كوثر:لا مغاديش نزول من هنا نعرف شكون هاذا


انا:و ناري مكتفاكيش بقينا واقفين تماك حتا جات لإسعاف فديك لحظة فاش كانو كيهزوه تمااك فين قدرت نشوف شكون هو داك شخص لي حاول ينتاحر صدمة كانت قوية بالنسبة ليا
كوثر :واش هذاك ماشي أيمنبقوة صدمة مقدرتش حتا نتحرك من بلاصتي اش هادشي واقع واش هذا حلم او لا واقع ميمكنش يكون ايمن.الإنسان لي كنبغي ها هو حدايا كيموت منقدر ندير والو واخا نحاول حيث واخا ندير مغاديش نفيدو واش زعمة يقدر يموت يعني صافي هو تخلي عليا بهاذ طريقة بلا شعور دموع نزلو بقيت كنشوف فداك لمنظر حتا داوه


كوثر:صافي متبكيش إنشاءالله دابا يفيق او ميوقعلو والو
انا:دعي يفيق راه منقدرش نعيش إلا مشا ميمكنش نبقا بلا بيه راه كنبغييه
كوثر:ياربي مايوقع لو والو صافي يلاه نمشيو بحالنا
أنا : بغيت نمشي معاه مابغيتش نخليه بوحدو حيث ديك نهار قوتلو بلي عمرني مغتدي نتخلى عليك

كوثر : مغاديش يبغيو يديوك معاه حيث نتي مكتجيه والوأنا :او كيفاش غادي نعرف كي بقا. ياربي اش هادشي واقعكوثر:صافي غير كوني هنا خبارو غادي توصل دابا نتي لحاجة لوحيدة لي تقدري ديالي هي دعي معاه
أنا :آه غادي نبقا ندعي معاه ليل كولو
كوثر :إوا يلاه نمشيو بحالنامشيت بقيت داك ليل كولو كنبكي او كندعي معاه معرفتش حالتو كيف دايرة او كتوجع او لا صافي يقدر يكون مات علاش دار هكا واش بغا يعذبني كثر واش هو كيبغي ديك لبنت لدراجة انه بغا يتبعها بقيت هكا حتا داني نعاس فصباح نضت او عيني منفوخين بلبكا

كنت داخلة مع 10 لبست حوايجي او مشيت او مكان عندي خاطر لشي قراية وصلت لمدرسة تماك فين كنلقا واحد الأجواء غريبة كولشي مجموع فساحة او كانو كاع الأساسيذ مجموعين فواحد لقنت او لكن علاش هادشي اشنو واقع مالهم حتا كتجي عندي كوثر

أنا :كوثر اش واقع قوليلي
كوثر :هاذ لخبار مغاديش تعجبك
أنا :متصدمينيش
كوثر :مات فصباح بكريدنيا ضارت بيا بحالي شي حد صرفقني محسيت براسي حتا سخفت حليت عيني لقيت راسي فصبطار. بقيت شحال او انا مكندوي مكنتكلم معا حتا حد لي كان معمر لي لعين مشا فمرة او عمرو مغادي يرجع يعني بقيت وحيدة كاع الأحلام لي كانت عندي مشات فلحظة وحدة. دابا عاد عرفت هضرة ديال ايمن من جيهت لحب دابا عاد حسيت بيها من داك نهار شديت قلبي او عمرني معاودت حليتو لشي حد. الأحداث لقصة سنة 2016

الى هنا وصلنا الى نهاية قصة العميق انتضرونا في قصة جديدة
الجزء الأول من قصة العميق

ترقبو دائما جديد القصص بالدارجة المغربية , مع موقع قصة

قصص لها علاقة بالقصة :
قصة تزوجت رجل المافية – الجزء 1 –
قصة مراتي المعفونة – الجزء 1 –
قصة لي كتخون رجلها مع صاحبها القديم

قصة العميق – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *