قصة الغيرة و الإنتقام – الجزء 6 –

قصة الغيرة و الإنتقام – الجزء 6 –

قصة الغيرة و الإنتقام

قصة جريئة وكدوي على الغيرة و الانتقام


الفصل 15 من قصة الغيرة و الإنتقام

مريم فاقت صباح دارت ملقاتش ناصر حداها عرفاتو مشا لدارو ولكن مخلا ليها حتا شي رسالة ولا شي حاجة ومقاليها والو باش مشا
تفكرات لبارح تبسمات وهيا تبغي تنوض توعتات فطرمتها وهيا تفكر شدار لي


مريم: هااا علاش مالي كيف جيتك
كريمة : ويلي على كيجيتك واش منيتك هادي مريم ولا شي صحبتي مكنعرفهاش مشات كدير فغاجو وكتهضر سيري سيري حيدي عليا ديك شراوط جاياني بسرواال بحالا غادة لعصكر
مريم: وشنو ألبس أصاحبتي رآه مجبت معايا والو


كريمة شداتها من يديها أجي وحطات قدامها 3 دلكسوات وحدة تنسيك فاخرة او وحدة معرية من لاخرة مقزبين خلاها ناصر
مريم: ويلي االالالا منلبس هادشي أري ليا شي حاجة طويلة شوية
كريمة مصدومة فمريم حيت دكشي لي علاياش كتحماق
لالالا نتي شي. حاجة عندك ميمكنش ميمكنش شوفي فيا شنو كاين واش مخبية عليا شي حاجة


الفصل 16 من قصة الغيرة و الإنتقام

مريم : أشغنخبي أصحبتي مكين والو متوترة وكتقلب فلكسوات
كريمة هزات كسوة من هادوك كرونة ومعرية من ضهر حد لفخاض وفيها لبريو مهم ,وااعرة
هاكي شدي هادي لي غتلبسي


مريم يلاه أتهضر ورمات عليها كريمة طالون هاكي هادا غيجيك معاها هوا هداك هو وهدا ولاحت عليها صاك
مريم ملقات متقول صافي لبساتهوم جااها لكسوة واااعرة مع فورمتها بيناتها طوووب لي شافها يصلي على نبي
كريمة: ايييوا شتي ها مريم لي كنعرف مشي مخشية فدجين بحال علاال مول جافيل ولاهيييلا قاتلك أنمشي هاكة جات حتا لهاد نهار وبغات تكعورها


مريم قاادات شعرها مطلوق جنب وبوكلي دارت مشيطة زوينة ودارت ميكاب مبين وبين وهزات صاكها وتمات غادة هيا وكريمة ومعارفاش فين
كريمة عندها لوطو ركبو ومشاو هبطو حدا واحد لفيلا نايضة وضواو كيبانو منها وقدام لباب لي كارد


مريم : مالكي جبتينا لهنا
كريمة : زيدي وسكتي
مشاو لباب لقاو لي كارد وقفوهوم مهم لقاوهوم من المدعوين دخلو ناري كيدايرة من لداخل وجردة عامرة بناس غير لهاي ولبيفي وموسيقى وبيسين كيضوي


كريمة: ديما معطلين ناس قربو يساليو وحنا عاد جينا
داخلين وناس كيشوفو فيهوم
مرحبا مرحبا مرحبا اليوم ضو زايد عندنا
كريمة تلفتات ههه سي وديع ربي خليك أصلا مضوية بيك
شكون هاد نور لي معاك


هادي صحبتي أنتيم كنحسبها كتر من ختي هي لي كنت عودتليك عليها مريم كنقدم ليك وديع
مريم: متفاجئة هه سلام ومدات يديها تسلم عليه هو باسها ليها
مرحبا بلالة مريم تبارك الله جمال على جمال كتر من داكشي لي كنت كنتخايل خودي راحتك لفيلا ديالك تفضلي
مريم تبسمات شكرا أسي وديع وتمو غديين معاه


وديع: واش لٱنسة فراسها علاش جات حيت بنت ليا بحالا تالفة
كريمة : لا كون هاني من هاد ناحية
وديع عيط ليه شي حد مشا وخلاهوم سمحوليا ٱنسات
مريم: كريمة أشمن علاش جيت شنو كاين ولا كتخليني بحال لحمقة كنفكر


كريمة : وغير صبري أصحبتي غدي تعرفي مهم غدي يعجبك لحال كوني متأكدة
مريم: لا قولي ليا دابة شنو كاين ولا غادي نمشي بحالي بناقص
وديع جاي: ٱنسة كريمة صفي تفضلي كولشي مقاد
كريمة :واخة جرات مريم من يديها


الفصل 17 من قصة الغيرة و الإنتقام

دخلو لواحد لبيت فيه غير ريوس لكبار كلا وكالس فطبلتو مريم مفاهمة والو غير كتشوف بعينيها
مشاو قدام واحد سيد شمنك يا قلدة الهبة خارجة منو وحداه جوج رجال كارد واقفين وهو كالس فطبلة
وديع: سي أنس هدي هيا ٱنسة كريمة
هو وقف وكيشوف غير فمريم محيدش عينو عليها


كريمة يلاه بغات تقدمها ليه
هو قاطعها صافي عرفت تفضلو كلسو
مريم مفاهمة حتا لعبة كتشوف فكريمة باش تقوليها وكتخرج عينيها فيها باش تهضر
جابو لعشاء فخم دكشي ديال لملوك مريم حشمانة حانية راس وحالة فمها فدكشي لي تحط
سي أنس : بابتسامة بصحة وراحة


كريمة : كنتمنى نكون كنت عند حسن ظن ديالكوم
وديع : لا حنا تايقين فقدرات ديالك وعارفين شكون مكلفين أصلا كاع لي كيجي من عندك سمن وعسل
شي أنس : المهم أمدموزيل مريم غادي تكوني دراعي ليمن وفين ما ميت غادي تكوني معاية وغادي نكلفك باجتمعاتي وكاع دكشي لي كيخصني وأنا طبعا غادي نتهلا فيك


مريم: ملقات متقول رتاحت من واحد ناحية اااه اممم مرحبا سي أنس
سي أنس: كتباني ليا بحالا مخلوعة من شي حاجة
مريم: لا لا بلعكس غير هدشي جديد علياوأول مرة نحضر لبحال هاد لمقابلات ويلاه كنحاول ندامج معاه
سي أنس تبسم ليها وكملو لماكلة


مهم سي أنس فلخمسينات مزوج بجوج عيالات وعندو 2 ولاد وبنت وزهواني عزيز عليه لجديد وزين صغير دكشي لاش كلف وديع باش يجيب ليه شي بنت تكون ديما معاه فأي بلاصة الخدمة فصهرات فكولشي وهو غادي يخلصها مزيان وبحكم كريمة عارفة صحبتها مكرفسة فديك لخدمة وبخلصة لاروب بغات دير لمريم هد لعمل مفاجئة


مريم طبعا فرحات حيت تاهيا محتاجة فلوس وكتصرف على ماماها وخوتها طبعا غادي تقبل هد لخدمة حيت متلقاش بحالها عاد سرى معاها دم وطلقات وبدأت كتهضر وتطلق مع سي أنس باش تعجبو وميندمش حيت أيخدمها باش ميقولش هدي معقدة
سي أنس : المهم أنسة مريم عتابري راسك من الٱن فلعمل ديالك
مريم بتوتر اه هه ليا شرف


ناض وشد مريم فيديها وقفات وتم غادي وهي حداه كولشي عرفها رآه ولات معاه دازت دك ليلة بيخير وصلو لدار مهلوكين غير دخلو نعسو وملحقاتش مريم تعاود لصحبتها على ناصر فاقت مريم صباح مشات لدار باش توجد راسها لخدمة جديدة وخصها حوائج يليقو بديك الخدمة وشلا حاجات …

أول حاجة دارت مشات لحمام قطعات من شعرها شوية صيباتو جات لبسات سروال لاطوال مزير شوية فلكحل ودارت قميجة شيبية معرية من أكتاف وهبطات وصلات حدا باب ناصر بغات دق عليه مي خافت ليلصقها عوتاني علا أكتاف لي معريين وتصدق بلا خدمة

مشات لشركة دسي أنس ستقبلها وراها شنو لعمل لي دير فشركة وعطاها لاليسط ديال شنو ايديرو اليوم دازت سيمانة مزيان فلخدمة وسي أنس عجباتو طريقة دلخدمة دمريم وحتا مريم عجبها لحال ولكن ناصر مبقاش بأن لمريم دقات عليه شحال من خطرة مكين حتا حد فدار وحتا نمرتو مخداتهاش أصلا معرفة عليه والو منغير سميتو ناصر وساكن فطبقة تانية وعصبي معرفاش لافين خدام لا والو دخلها شك خافت عليه منهار لي كواها مبان ليها ياكما دارها بلعاني غير داق حلوة هو يسلت لالا ناصر مشي ديال دكشي مهم شلا أسئلة طاحو عليها توحشاتو ديال بصح

تتمت القصة في الجزء التالي من قصة الغيرة و الإنتقام
جميع اجزاء القصة
الجزء الأول
الجزء الثاني

الجزء الثالث
الجزء الرابع
الجزء الخامس

قصص لها علاقة بالقصة
قصة اول مرة نمارس الجنس الجزء – 1 –
قصة زوجتي السافلة

قصة الغيرة و الإنتقام 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *