قصة الكينغ و غيثة المجنونة – الجزء 6 –

قصة الكينغ و غيثة المجنونة – الجزء 6 –

قصة الكينغ و غيثة المجنونة

الفصل الأول من الجزء السادس من القصة

ملاك:هانا ماشا (تمات خارجة وهي ضور) واتبعني للشارع يا النصابة وتشوف لاما حكيت ليك شفايفك مع الشارع ونواريك هاديك الساعة تعكيرة دالمعقول تفوو
الكليانة بقات غا كاتشوف فغيثة اللي كانت ناوية دابز وماكانتش طاهضر غير هاكاك حيت طبعها قبيح و من النوع اللي كيضرب وماكتسكتش على حقها ولسناها سليط وديما كاتدابز مع البنات واخا صغيرة قويصحة ، خرجات مشات للمدرسة لقاتهم دخلو وهي تمشي للادارة باش يعطيوها ورقة لقات الحارس العام كيهضر مع المودير وسلتات للبيرو دالحارس العام ديالها لقات ملفات الغياب محطوطين يالاه غايجيو ليه المسؤولين ديالهم يدسوهم للاقسام ، هزات الملف الحمر ديال قسمها خشاتو تحت الكابيتشو بالزربة وخرجات كتسلت وهيا تلاقى صحاباتها هند ومريم جايين ياخدو ورقة تاهما وهيا تجرهوم خرجاتهم للساحة
غيثة: الملف عندي ههه غا نرميه ويجيبو ملف جديد خاوي مافيه تا واحد مغيب ههه
هند: ههه تا انا شرقتو ديك المرة يالاه ندخلو للقسم
مريم: درتي خير فينا وفكاع اللي مغيبين هههه اريه نغبر ديلمو ، الى لقاوه عندنا غايدريونا بتقرير ونصدقو فألتزام اخر عاوتاني
غيثة: (جبداتو عطاتو لها)وعلاش غاندخلو؟ اصلا ماعندهوم فاش يقيدو الغياب و حتى لغدا عاد يجيبو ملف جديد!
مريم: وراه عندنا فرض عند كونيكسيون (استادة دالفرنسية مسميين عليها كونيكسيون)
غيثة: حلفي ويلي مافراسيشي كي غانديرو، انا موجدشي النقيلة
هند:انا عندي غانلوحها لك
مريم: غاندخلو عند كونيكسيون غاتفرقنا وكل واحد غاتلوحو فطاولة كي كادير لينا بنت القحبة ديما، غا ضبري من دابا منين تنقلي
غيثة: ويلي عمري وقعات لي ديما كنوجد الحجابات والى جيبت صفر غنسقط وانا عمري سقطت! يالاه دابا تا لتما ونشوف كيف نعملها
دخلو لبنات للقسم جلسو اللور منهم للحيط وهيا تفرقهم الاستادة كل وحدة فين حطاتها وغيثة فيها البكية جلساتها القدام حدا الصبورة و فرقات عليهم الاوراق باش يبداو الفرض ، بدات غيثة كدور فعينيها لقات راسها جالسة حدا واحد المجتهدة حاسة براسها وكانت غيثة ديجا ريشاتها وجابت ليها مها ،شافت فيها وهي طيح كواريها وفرنسات ليها باش توريها فالفرض ،البنت قلبات وجها وخلات غيثة كتغدد وتحك فخادها ، فكرات تا عيات..
غيثة: (اااه ههه حمزة اللي غايصوفيني ، صورات ليه الورقة دالفرض بالتخبية باش تسيفطها ليه وحلات تيلي لقات مسج ف الفايس ، حلاتو كترعد قبل ما تشوفها الاستادة
غيثة: داك عهد سيفط ليا مساج!
يالاه حلات المساج تقراه وهيا تقرب حداها الاستادة كتشرح وبالخلعة كتبات مسج تسيفطو ل حمزة هوا والصورة دالفرض
غيثة: خرج ليا هاد التمرين راه عندي فرض !
جا

الفصل الثاني من الجزء 6 من قصة الكينغ و غيثة المجنونة

بقات جالسة كتسنى حمزة يسيفط ليها التخراج ساعة واااالو عيات تسنا فالتيلي يفيبري ليها بين فاخادها خاشياه باش مايبانش مي ماوصلها والو ، 0لسات كدور فعينيها كاتلقا كلشي خدام واللي بحالها هما اللي شي كيشوف فشي ما عؤفو منين يبداو جالسين ويتغامزو يالعينين مايشكيو على بعضياتهم ، عيات غيثة تقلب بعينيها على شكون يعاونها مالقات تا واحد والاستادة غادا جايا بين الصفوف كتراقب ، شافت تاعيات وتعصبات وهي تجبد تيلي باش تنكدو لحمزة حيت ماجاوبهاش فالمسج ، يالاه حلات تيلي لقات الصفحة دالفايس محلولة كيما خلاتها و تصويرة مسيفطها عهد ديال الاجوبة من اللول تا للخر فورقة وصورها وسيفطها لها
غيثة: (تصدمات) اوعدي لمن سيفتها ياانااا!!!! ومسيفط ليا التخراج كامل على سعدو وعدو وكاتبو فورقة ومصورر ليا!!!! اوعدي على فايو (فايو: غلط) كريييمين! …(كريمين : فضيحة …)
بقات مصدومة كتهضر غير بوحدها وهوا مازاد معاها تاكلمة ، سيفط ليها التمرين وماقال والو ، بقات مضهشرة وهيا تحنى على الورقة بالزربة نقلات داكشي كامل وجمعات وطوات وصحاباتها كايشوفو فيها محنية على الورقة كتحرت فيها والشعر مدلي تا كملات كلشي عاد هزات راسها وحطات ستيلو وجلسات تفكر فالموصيبة اللي دارت وجات مع الصونيط هوا هاداك ؛ تجمعو الاواق وخرجو باش يدخلو للحصة الاخرى سلتات مادخلاتش وخرجات كاطير عيطات على حمزة يجي عندها يخرجها، جلسات كتسناه حدى التيليبوتيك تا يوصل وجبدات تيلي كتفكر و تهندس داكشي اللي وقع معاها ، حلات المسج د عهد قاتو كاتب ليها فاللول
Aahd: on se connait???
Rita: خرج ليا هاد التمرين راه عندي فرض (مع الصورة)
Aahd:(اجوبة في صورة الفرض )
غيثة : اوعدي مزاد تا كلمة سيفطي التخارج كامل وسكت !!!صافي تشوهت (كتكتب ليه مسج)
Rita: merci bzaf wsmah li saredt lik msg ghalt
Ahhd: vuu
طلع ليها انه شاف اعتذاؤها وماجاوبهاش خلاها هاكاك مازادش سيفط تا حاجة
تييييييت تيييت….
حمزة: (وقف عليها) وااطلعي يالاه
طلعات كتجري دارت السمطة وزادو
حمزة: امالكي صفرة!!! ياكما درتي شي كعية ؟
غيثة: وااالو (كل شوية طل على المساج تشوف واش سيفط ليها شي حاجة وماكتلقى والو)
حمزة: فين نمشيو؟
غيثة: يالاه نمشيو نماكدو ..فيا الجووع
حمزة: اوووك
داها الماكدو وهي غير ساكتة وكتخمم ماموالفاش ليها تسكت و حمزة كيشوف فيها معجب ..
حمزة: غا قولي مالك؟ درتي شي كارتة؟
غيثة: ماعملت والو …خاليني
حمزة نزلي راه وصلنا …ها ماكدو
نزلات ودخلها وسطاسيونا طونوبيل ميكانو كوبي كحلة ودخلها لماكدو وهيا غادا وكطل على تيلي كل ساعة…

جميع أجزاء القصة
الجزء الأول
الجزء الثاني
الجزء الثالث

الجزء الرابع

قصة الكينغ و غيثة المجنونة 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *