قصة الكينغ و غيثة المجنونة – الجزء 7 –

قصة الكينغ و غيثة المجنونة – الجزء 7 –

قصة الكينغ و غيثة المجنونة

الفصل الأول من الجزء السابع من القصة

على بركة الله عقلتو فين خلينا القصة ديالنا

دخلو لماكدو جلسو مجمعين خدا ليها وليه وجلسو فلاتيراس كياكلو، حمزة جبد الكارو يكمي وهي كاتشوف فيه …
غيثة: عطيني نجرب ، باش كتحس ، ؟
حمزة: شتي البسالة؟ هانتي غاتخسري ، علاش باغا تجربي؟
غيثة: ههه كاع لبنات اللي كلاص كانشوفهوم كيكميو!
حمزة: ماشي الشدة دالكارو اللي كاتخلي البنت كلاص ابهلولة، هضرتها وتصرفاتها ونضراتها والطريقة باش كتحرك وكتهضر هي اللي ماتخليها كلاص، سمعي مني انا اللي ولد ونقوليك كي كيفكرو الدراري
غيثة: واغير غطيني ندير جاروبي ههه…ادا ماعطيتينيشي عنمشي نجربو بوحدي
حمزة: كاطيييري يا غيثة والله ، غادعدعي داك السدر وغيخسر ليك الصوت و الفم غايزراق ليك وتولي جرتيلة مافيك مايتلبق ..


غيثة: وا خليييني .. (جبدات كارو من الباكية) شحال من وحدة كتكمي وكتحمق بالزين ، الى ماكميتش معاك غانكميه فبلاصة اخرى
حمزة: افف.يالاه الاللة جربي ، ياك غير غتجربي …يالاه جربي قدامي نشوف
شدات غيثة حطات الكارو فمها وشعلاتو وجرات وهي تخنق وبدات كتكحب
حمزة: كيجاك دابا؟ عجبك؟
غيثة: كح كحكح… واخا .. (كتلهت) هايداك…عن..عن.عنتعلملو كح كح
حمزة: (حيدو ليها) ساك جربتي …واجمعي كرك دابا ، معايا انا ماتعلميهش
غيثة : كيتك … (رجعات كملات ماكلتها )


جلسو مرة يتناكرو مرة يضحكو تا دازت العشية ووصلات الستة وردها لدارهم ، كالعادة لبسات العاباية والشال فالطوموبيل و مشات لدارهم مكحلة بالعمى ماحاملاش دخل ، يالاه دخلات لقات باها مجبد فوق السداري كيتفرج فالتلفازة ، ومها فالصالون، مشات للبيت نيشان سدات عليها وجبدات تيلي كتشوف واش سيفط ليها شي حاجة ومالقات والو، تعصبات عاوتاني غير بوحدها وهي تكتب ليه..
انا اخويا غير غلطت ، راه قلت ليك سمح ليا وداك المسج وصلك بالغلط ، المهم شكرا بزااف على المساعدة ديالك (سيفطاتو)


سيفطات المسج وجلسات كتسنى يرد عليها ويقات هاكا حاضياه تاعيات ومدخلش شافو ، وهي نايضة فيها العافية كتفيبري فبلاصتها كتسناه يدخل يشوف المسج ساعا والو ، ناضت بدلات الساعة باخرى ونزلات للصالون تشوف مها وتلف الوقت تما ، دخلات جلسات كتبعكك وعاجبها راسها وكانو تما شي بنات السواعدة كيصاوبو شعرهم ومطرفات كي البقر وجالسين كيتجمعو وغيثة جالسة طالقة ودنيها و كتبرد ضفارها ومها مشغولة مع الناس …: شنو غتلبسي نتي ؟ …: انا غنلبس ديك لاغوب اللي خيطت عند ديك الخياطة ، جبدتها ليها من المجلة وخيطات ليا ختها …: وريني نشووف!


جبدات البنت الكسوة وراتها ليها وغير شافتها غيثة طرطقو عينيها وبقات حاضياهم
…: زوييينة، بشحال خيطاتها ليك؟
…: ب 200 درهم …خطيييرة اي مو

الفصل الثاني من الجزء 7 من قصة الكينغ و غيثة المجنونة

معا كتهضر معاها غيثة حالة فمها مصدومة مللي شافتو بلوكاها جمدات فبلاصتها تا غرغرو عينيها ، مارضاتش وضارت بيها الدنيا وتلفات وهي من النوع اللي كينسى راسو فاش كيتأثر …كتنسى راسها فين جالسة ومعامن جالسة
ملاك: اويلي هادي مالها؟ وا غييثة!!! (كتحركها)
ماماها كتحرك فيها والبنت مرفوعة، بغاو البنات يخرجو ويسدو الصالون حيت سالاو الخدمة وغيثة جالسة ليهم مبهوطة كتشوف فتيلي مبلقة عينيها حيت عمر شي ولد ما دار ايها بحال هاكا ، بالعكس…

كاع الدراري تابعينها وهيا منخلاهم وعاجبها راسها و هادشي خلاها تيق فراسها و دفع كبير حيت كلشي كتعجبو ومنين ما دازت كيتبعوها ، مهم حركاتها معا وهي ضور عندها غيثة مضهشرة كتشوف فمها وعقلها مامتيقش داكشي اللي وقع ليها وهي توقف كتغوت غير بوحدها ومها و البنات دالصالون مافاهمين فيها والو
غيثة: مالي انا …

باقي متبعين معنا القصة

مالي علاش ماعنديشي زهر علااااش كن غير ماتولدشي فهاد الدنيا حسن هىءهىءهىء بغيت نموت ونتهنى مابفيتشي باغا نعيييش
ملاك: (كتعنق فيها والبنات ضارو بيها) مالك ابنتي علاش كانقولي هاد الهضرة، ياك مانقصك حتى حاجة ، راه حرام تقولي هاد الهضرة ؟؟؟شكون دار ليك شي حاجة ؟ واش باك دار ليك شي حاجة ؟؟ (غيثة كتبكي وتبرد ) قولي …واش دابزتي مع شي واحد؟


غيتة كتبكي وتشهق ومها كتسكت فيها والبنات تاهما حتى بردات على قلبها بالبكى وهي تقلب عاوتاني
غيثة: صافي طلقو مني …غانمشي نعس
جمعات البكية وخرجات طلعات للدار خلات معا غير كتشوف وتحرك راسها حيت عارفاها متقلبة المزاج ، طلعات غيثة للدار بغات تدخل البيت وهوا يعيط ليها باها من بيت النعاس ومشات عندو لقاتو جابد واحد المجر عامر بالوراق وكيقطع ويلوح فيهم ،

مالقى مايدير وجبد داكشي كيرمي الوراق ديال الضوء وكاع داكشي اللي ماعندو مايدير بيه، شافتو غيتة كحلات بالعمى وجلسات كتندب فخاطرها وهي باغا غير فوقاش تسد على راسها فالبيت و تبرد جنونها وتفكر فحريرتها، جلسها باها قدامو وعطاها عرام ديال الوراق تقطعهم عاد تلوحهم ، جلسات عند دوك الوراق شركg يامات شرg هيا وباها ومعصبة كتقطع وعقلها ماشي معاها تا دازت ليه فواحد الورقة ديال الخدمة شركاتها وهوا كان حاطها بعيدة باش ماتلفش ليه..
الى الجزء الثامن من القصة

جميع أجزاء القصة
الجزء الأول
الجزء الثاني
الجزء الثالث

الجزء الرابع
الجزء الخامس
الجزء السادس

قصة الكينغ و غيثة المجنونة 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *