قصة الولد لي تزوج ختو – قصة حقيقية –

قصة الولد لي تزوج ختو – قصة حقيقية –

قصة الولد لي تزوج ختو

الفصل الأول من قصة الولد لي تزوج ختو

○انا هو هداك مسخووووووط الواليدين لي تزوج بختو من لحمو ودمو وفلخر غيتاداو بزاف دناس على غلطة حنا مدرناهاش


○كنت ديك ساعة كنقرا فسابعة كنت كنحماق على بنت عمتي انا عمري بزاف لمهيم باشما كنكبر داك لحب كيكبر وتيتزاد كتر وكتر


○وصلت للباك قررت نصارحها حيت كنت ناوي نمشي لامريكا نكمل قرايتي تما فعلا صرحتها وهي تقبلات الامر ودخلنا انا وياها فعلاقة حب دامت 6 سنوات وفعلا تنحماقو على بعضياتنا كنرجع للمغرب فصيف وعاوتاني تنمشي لامريكا بحكم كنكمل قرايتي تما هيا خرجات من لقرية ولينا تنحماقو على بعضياتنا بزاف ..

وكان هداك لعام لخر فاش غنرجع باش نتزوجو ونديها معايا فعلا رجعت قلتها لواليد قاليا مرحبا منلقاوش حسن منها ماما متقبلاتش مفهمتش علاش قلت ليها بغيتي مبغيتيش غنتزوجو


○ديك البنت لي باغي نتزوج بيها غير كالسة عند شي ناس من عائيلتها لان واليديها بجوج توفاو فحريق الله يرحمهوم وبقات غا هيا


○ماما مبغاتنيش نتزوجها بقات تتغوت وقالت ليا غنسخط عليك قلت ليها انا كنبغيها وهي لي غندي


○مرضات بزاف محضراتش لعرسي كاع تزوجت بيها مشينا لامريكا تهليت فيها درتها تاج فوق راسي ولدنا ولدنا توام دراري وعاد بنت


○رجعت من بعد 7 سنين ديال لغربة عيطو ليا قالو ليا ماماك كتموت بغات تشوفك ضاروري رجعت ومعايا ولداتي ومراتي


○فعلا لقيت ماما طريحة الفراش ديناها لسبيطار قالو لينا غير ديو لمرا لدارها جبناها لدار تزاد عليها لحال وهي تقول لكولشي يخرج من لبيت الا انا


○لمهيم كولشي خرج بقيت قالت ليا بغيتك تسمح ليا قلت ليها علاش الواليدة قلت ليها بلعكس ربيتيني احسن تربية قريتيني و وصلت


○قالت ليا لا اولدي كاين ماخطر تفاااجئت بزاف والله وهي تقول نتا وبنت عمتك راكوم خوت بديت تنضحك كنقول ليها الله يهديك اميمتي واش عارفة اش تتقولي قالت ليا بلي هي متتولدش وبلي بابا بغا يطلقها ويتزوج عليها وهي مبغاااات قالت وفديك لفترة كانت عمتي لي هيا مي لحقيقية حاملا وتفقات تعطيها لولد مقابل تبقا ديما تدور معاها حيت حالتها كانت ضعييييفة جدا ,

خليكم معايا هنا غادي يبدا التشويق د القصة

وقالت بلي ديك لفترة فاش قالت لبابا حاملا كانت كتتهرب منو مشات لدارهوم بحجت تتوحم ومحاملاهش وهي غا تتكدب تا ولدات عمتي وجابت ليها لولد لي هو انا بقيت مصدوم لدجة بدات تتموت قدامي وكاع مشهدت ليها قلت كيفاش زعما بديت تنخربق فلهضرة فداك نهار غتبدل حياتي كاااملااا وغنفقد عائيلتي كاملا غنكره ولادي ومرتي لي هي ختي غتولي مختلة عقليا و…….. و
وراني كنتعدددب اخووووووووووووووووتي كنتعدب بززااااااف


الفصل الثاني من القصة

القصة صراحة محزنة بزاف بالضبط فهاد الفصل من القصة تقدرو تبكيو … 🙁


○ملي غرفت من عند لواليدة لحقيقة وبلي هي ماشي ماما وبلي عمتي هي ماما الحقيقية وبنت عمتي بلي هيا ختي


○تصدمت صدمت لعمر نصدمت بزاااف داك نهار فاش قالت لحقيقة كامت على فراش لموت تمنيت كون ماتت قبل متنطق بتا حاجة وخلاتني هاني معا عائيلتي تصدمت بزااااف عرفتو اخوتي حسوووو بيا عرفتو شناهيا انك تكون مزوج بختك


○داك نهار هيا ماتت مبكيتش عليها حقدت عليها كرهتها من كل قلبي تنكرها بزاف بزاف مرتي لي هيا ختي شافتني كالس بوحدي داك النهار ديال لگنازة جات بغات تواسيني صارحة كانت نعمة الزوجة وكتبغيني بزاف ساعا عرفتها ختي ..

جات عندي قالت ليا الله يرحمها راه كولنا ليها بقيت كنشوف فيها قالت ليا مالك قلت ليها بعدي مني قالت مالك واش درت شي حاجة قلقاتك دفعتها حتا طاحت على راسها وبدات كتبكي قلت ليها متعاوديش تقيصيني فهمتي هيا تصدمات ناضت خرجات حيت اول مرة غنتعامل معاها هكاك ولكين ماشي لخاطري راه اعيييباد الله متقبلتش مرتي تكون ختي من لحمي ودمي

ياك مزالين مع فالقصة


○دازت 3 ايام مور الموت ديال ديك لمرا لي طول حياتي وانا كيسحاب ليا بلي هيا ماما ومرتي متتهضرش معايا وتا انا هكاك عوتاني جات عندي قالت ليا عفاك لدرت شي حاجة سمح ليا غير قال ليا اش درت قلت ليها صافي غا بعدي مني متعاوديش تهضري معايا…

بدات تتبكي قاليا مالك هاكا حرام عليك دازت 3 شهور وانا تنعس بوحدي ولادي متنهضرش معاهوم فقط تنبقا نشوف فيهوم واخد شوفات فشكال وانا داخل للبيت نعاس تنلقا مرتي لي هيا ختي كالسا ماكيا مقادة لابسة شوميز دونوي قلت ليها اش تديري هنا قالت ليا براكا من هادشي ديالك قالت ليا انا راه مرتك ماشي مم حقك تبقا تعاملني هنا قلت ليه خرجي عليا

○قالت لا مخارجاش انا هنا انا مرتك خاصنا نحلو لمشاكيل لي بيناتنا قلت ليها نتي مطلقة من ليوم تصدمااااات قالت لا كضحك قلت ليها نتي كطلة غدا غنمشيو للمحكمة نساليو هاذشي بدات تتبكي وتغوت لا وعلاش مالي اش درت حگرتيني حيت واليديا ماتو وبقيت بوحدي بقات فيا بزااف …

قلت ليها لبسي حوايجك وتبعيني لبسات حوايجها عيط للواليد تاهوا وكلستهوم بجوج قدامي وضطريت نعاود ليهوم لحقيقة كاملة انا معرفت مالها بقات ساكة تتشوف فيا مدوات لواليد نصدم طاح وذيتو لسبيطار وهيا متكلمات بقات على ديك لحال مدة 3 ايام وتما فاش غتكون صدمة قوية بزااااااااف بزااااف تما غيضيعو ولادي وغضيع هيا وغيضيع تا لواليد وغيتوفااااااا غتحاول تشعل فينا العافيا …..

الفصل الثالث من القصة ديال الدري لي تزوج ختو


○لمهيم ملي عاودت ليهوم الحقيقة مراتي ولواليد بلي انا خو مراتي يعني حنا خوت وبلي هاذشي قالتو ليا لمرا لي طول حياتي وانا كنقول ليها ماما حيت كانت خايفا بابا يطلقها وحابتني ودارت راسها حاملة وهدات الولد لي هوا انا عند عمتي الله يرحمها


○لوليد طاح فلبلاصة وهي مراتي لي هيا ختي بقات تتشوف تصدمات فلول قالت براكا من هاد الضحك الباسل وانا نقول ليها لا راه بصح هادشي هذا


○ وهي تصدم مدوات متكلمات ديت الواليد لسبيطار مسكين جاتو نوبة قلبية وداك نهار توفا الله يرحمو ويوسع عليه وخا ماشي با لحقيقي لكن كبرني وقراني وداني لامريكا وكملت قرايتي وزوجني ببنت عمتي لي كنت تنحماقو على بعضنا ولكين معارفينش حنا خوت وتزوجنا ولدنا 3 لوليدات و ..

اووووووه القصة معرفت منقوليكم كملو كملو …


○عرفتي شناهيا تنعس معا ختك وتولد ولاد متبقا عارف واش خالهوم ولا باهوم


○لمهيم الواليد الله يرحمو كان فيه سكار متقبلش بخبر ومات وهي بقات مصدومة من الحقيقة هكاك مكدي متتكلم لماكلة بزز باش تتعطيها خالتي تاكل دازت شهراين ..

وانا راه طلقتها ناضت بليل حولات تشعل فينا العافيا جاب الله نضت فلوقت المناسب وطفيتها وانا نشوف فيها وهيا تبدا تضحححححك تضحك وكتقول انا مراتك ياك لا انا ختك وتتزيييييد تضحك وتتقول تاني هادو ماشي ولادي لا متنعرفهوم وانا قلبي تيتقطع حيت بصح حمااااقت ,

تال ولادي مبقيتش تنحمل فيهوم شوفة متندويهومش ولكين بدون سبب كنوض نعطيهوم لعصا معرفتش غلاش غير نسمعهوم تيتغاوتو ولا تينقزو تنوض تنجمعهوم كاملين لدرجة تعقدو واحد نهار بنتي كنت جاي داخل لدار وكلست بغات تسلم عليا خافت كتشوف فيا وملي تنشوف فيها تضور راسها وملي نضور انا راسي تبدا هيا تتشوف فيا بنص عين وتتمشا بشوية خافت نوض نضربها تعقدوووو بزااف بزاف بقوة الضرب والضغط ولدرجة الى كاين انت فدار تيدخلو اتخباو فواحد البيت حيت واحد النهار تاني غير تنقلب على السمطة ديالي وانا نقول فيناهيا السمطة وهوما يبداو يغوتو ويبكيو خافو نضربهوم


○اما مهم تسطات ولا هبيلة صافي بليل مشيت حطيتها فسبيطار دلحماق


○لولاد خليتهوم معا خالتي من تم غير تنسيفط ليهوم لفلوس وصافي دابا كتر من عام معاودت شفتهوم


○نصحوووووووووووررني اخوتي اش ندييييير راه تنتعدب ولا فيا السكار وليت مريض حالتي ولادي تيعيطو ليا متنجاوبهومش خوتي راني كل نهار كنتحرق قولو ليا اش نديييير ااااش نديير وكنتعدددددددددددددددب حياتي ضاعت ضااااعت ضاااعت

الصراحة القصة عندها الف عبرة وعبرة والصراحة القصة كتبكي بالجهد و الله يكون معاهم بسبب غلط بسيط و تخبي الحقيقة تدمرات عائلة كامل .. نتمنى ليقرا هاد القصة يستافد منها تحياتي اراكم في قصة اخرى ان شاء الله

اوكنتمى تبارطاجيو مع صاحبكم موقع قصة لي كيقدم دائما قصص بالدارجة المغربية و باللغة العربية أيضا …

مواضيع ذات صلة
قصة زوجتي السافلة – الجزء 1 –
قصة الولد لي حملات منو صاحبتو ونكرها – الجزء الأول –

قصة الولد لي تزوج ختو – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *