قصة الولد لي حملات منو صاحبتو ونكرها – الجزء الثاني –

قصة الولد لي حملات منو صاحبتو ونكرها – الجزء الثاني –

قصة الولد لي حملات منو صاحبتو ونكرها

الجزء الثاني من القصة الواقعية ديالنا

الفصل الأول من الجزء الثاني

نكملو القصة ديالنا نتمنى تكونو باقي متبعين معنا القصة …

دازت 3 سنين تزوجت بواحد لبنت جابتها لي لواليدة بنت دارهوم مربية ومادبة دازت عام على زواجنا حملات ولدات ولد مشوه خلقي رجليه بجوج عوجين وعندو ايد وحدة ناقصة مكاملاش .. مخليت تا طبيب لي مشيت عندو
تيقول ليا معمرو غيتمشا ولا غيتكلم غيولي بحال لميت …

تصدمت بزاف دازت عام ونص حملات تاني وتا لولد تاني مريض كتر من لول تاهو معاق معمرو غيتكلم ولا غيهضر ناض بيني وبين مراتي صداع قالت ليا تقهرت معا هاد لمعوقين ديال ولادك خلاتهوم ليا ومشات طلقات وبقاتش سولات وانا تكرفصت بزاف معاهوم والله


○ونا نتفكر ديك لبنت لي ضحكت عليها ولحتها هي وولدي قلت دنوبها هادو وقلت تا داك لولد غيكون معاق


○بديت تنقلب عليها شهوور وانا تنقلب واخيرا لقيتها ولكين تصدمت بزااف بزاااف وندمت على نهار فاش خليتها ولحتها وضربتها بلا شفقة ولا رحمة

الفصل الثاني من الجزء الثاني من القصة داليوم

○ملي قلبت على ديك البنت لي لي تفليت عليها وخليتها حملات ونكرتها من بعد شهور وشهور لقيتها وفرحت بزاف فاش لقيتها لكن وحاولت نهضر معاها غا نهضر معاها رفضاااات حتى تسمع ليا قنعتها بزز تسمع ليا غا بزز


○عاودت ليها كووولشي بلي تزوجت ولدت 2 ولاد معواقين عمرهوم يتمشاو ولا يتكلمو بقات غا تتشوف فيا قالت ليا مشغليش فيك قالت بسباك دمرت خرجت من الاعدادية قتلوووني خوتي بلعصا ملي عرفوني حاملة لاحوني خوتي بحال لكلبة فهاد لعروبية

وانا حاملة عمرهوم مزال سولو فيا وانا نقول ليها فيناهوا ولدي قالت ليا ماشي ولدك قلت ليها عفاك راه بغيت نشوفو عطيه ليا نشوف قالت ياك نكرتيه قالت ليا ملي ولدتو عطيتو لشي ناس اكبروه وتصددددمت وعينيا غرغرو

قلت ليها وانا تنغوت كيفااااش عطاك خاطرك تلوحي ولدك وهي تجاوبني ونتا كيفاش عطاك خاطرك تلوحني انا وياه لزنقة وتنكرو قاليا راه ندمت وراه ولادي معوقين مغيهضرو مغيتكلمو عمري مغنسمع كلمة بابا


○وقلت ليها بلي ندمان بزاف بلا قياس شوية تنسمع شي حد جاي تيعيط ماما اجي تشوفي وانا نضور لقيتو ولد صغير زويين تبارك الله قالت ليه وخا انا جاية قلت ليه واش ولدي هاداك قالت لا عمرو كان ولدك من نهار نكرتيه بلي ماشي منك

وانا نتحنا عند رجليها وتنبكي كنطلب سماحة قلت ليها والله حتا نعوضك وهي تعيط لولد جا صراحة كيشبه ليا بزااااااف بزااااف قلت ليها هادا ولدي قالت ليا اه ولدك هاهوا يلاه بان ليك كنشوفو زوين ممعوق موالو بيخير مشعرتش براسي تلاحيت عليه تنعنقو ونبوسو وتنبكي قلت شوف سبحان الله ملي تخليت عليها ربي عطاني جوج ولاد معواقين


○طلبتها تجمع حوايجها ونديها لدار رفضات بقيت شي 3 شهوز يوميا نجي نشوف ولدي ونطلبها تسمح ليا ونتزوجها مبغاتش تال واحد نهار بقيت تنطلب وتنبكي وندمان بزاف وعرفت بحق الوليات وهي توافق لكن بشرط انني معمري نقرب ليها فكرت تا عييت ووافقت


○دازت عام على زواجي بيها اقسم بالله عمري عرفت وحدة بحالها ولادي لمعواقين لي من لمرا لخرا تتبغيهوم بزاف ديما مدوشة ليهوم وهزاهوم ومخرجاهوم ومبدلا ليهوم وماشطة ليهوم تتبغيهوم بزاااف


○ولكين انا من نهار خديتها قاطعا عليا الهضرة تنحاول ندوي معاها تترفض


○ندمت بزاف على نهار لحتخا فيه والله ونعمة المراءة والله حنييينة على ولادي معمرها عافتهوم حيت متيمشيوش لطواليط متيقدوش اينوضو كتبدل ليهوم ليكوش وكولشي ومتتبغي حد يبدل ليهوم من غيرها اما مهوم لحقيقة

تزوجاااات ومشات لبرا وعندها بنت


دعيو معايا تسامحني راه عاد عرفت قيمتها فحياتي وحياتي بلا بيها متتسوا والو عفاكووووم دعيو معاياااا

نهاية القصة كنتمنى اي واحد (ة) قرا القصة ياخذ عبرة و تخدمو بالضمير ديالكم وشكرا هاد قصة وفنفس الوقت رسالة موجهة سواء للبنات او الولاد …
لنا لقاء في قصة اخرى ان شاء الله ماتزابيوش ..


جميع أجزاء القصة : اخر تحديث 10-03-2021
الجزء الأول
الجزء الثاني

قصة لي تخلى على حبيبتو ملي حملات – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *