قصة اليتيمة – الجزء 10

قصة اليتيمة – الجزء 10

قصة اليتيمة

السلام عليكم اليوم الجزء 10 من قصة اليتيمة ياك باقي عاقلين فين خلينا القصة ديالنا

الفصل 19 من قصة اليتيمة

هاذ صوت هذا مجانيش غريب معا دورت وجهي كنلقاه أستاذ تربية الإسلامية. أواه واش زعمة هو راجل رشيدة
أ. تربية الإسلامية: أهلن لباس عليك
أنا: (شفت فرشيدة) واش راجل هو راجلك
أ. تربية الإسلامية: آه هو أنا واش معجبتكش
أنا:لا ماشي هكك غير ماكنتش عارفة
أ. تربية الإسلامية :مهم هانتي عرفتي دابا

سعيدة: راه طابلة واجدة
رشيدة:إوا يلاه نوضو ناكلونضنا أو كلسنا فطابلة ولكن لحاجة لي رديت ليها لبال هي أن فدار مكينيش شي وحدين من غير رشيدة أو جمال أو سعيدة يعني مبانوش لي ولدهم. واش زعمة يكونو كبرو أو صفطهوم لبرا حيث هاذ ناس لي لباس عليهم كصيفطوهم ولدهم يكملو قريتهم فالخاريج
رشيدة: إوا على بسم الله بدينا كناكلو أو بداو كسولوني على لقرية أو كي غادة معاها أو ركم عارفين داكشي لخوركلينا أو سالينا جمعنا طابلة أو أ. تربية الإسلامية خرج بقينا ديك لعشية كاملة غير أنا رشيدة أو سعيدة كنهضرو صراحة كان داك لحوار زوين رتحيت معاهم فالهضرة.

ولكن أنا كان خاصني نمشي لدار
أنا:صراحة مسخينتش بهاذ لكلسة ولكن خاصني نمشي لدار
رشيدة:لا أش كتقولي ياك قولنا بلي غادي تعشاي معانا هاذ نهار
سعيدة: أو علاش لا تباتي معانا ياك غدا لحد يعني ماشي ومشكيل إلا بتي معاناوالله أنا بعدة مسخيت بيك
أنا:لا ماشي لهاذ درجة أصلن أنا مجبتش معايا بيجامة ديالي.

رشيدة:ماشي مشكيل. يلاه نمشيو لدار ديالك أو نجيبو داكشي لخاصك أو كلسي معانا هاذ نهار
سعيدة:إوا دابا مابقاليك متقولي
أنا: هه صراحة والله مخليتو لي منقول صافي واخا يلاه نمشيو دابا
رشيدة:واخامشات رشيدة جابت ساكها أو خرجنا حتا وصلنا لداررشيدة:سيري نتي جيبي داكشي لخاصك أنا كنتسناك هنا
أنا:واخامشيت لدار أو حطيت شكارة خويتها من لكتوبة باش ندير فيها حويجي حليت لبلاكار بقيت كنقلب على لبيجامة منين جبدتها طاحو كاع لحوايج جيت نهز دوك لكتوبة لي طاحو لي منين حنيت حتا كتبالي واحد لورقة من تحت لماريو كانت طايحة جبدتها.

حتا كنكتاشف أنها تصويرة ملور ديال تصويرة كان كتوب فيه سنة لتزاديت فيها 1998 أو منين قلبت لورقة حتا كنتفاجئ فتصويرة كانت جدة هزة واحد البنت صغيرة ديك البنت هي أنا أو كانت واحد المرا دييك كانت…

خليكم مركزين معنا فالقصة .. راه وصلنا الفصل الأخير من قصة اليتيمة

الفصل 20 من قصة اليتيمة

كانت حداها مرا أو ديك لمرا كانت بينا فرحانة أو كانو كالسين فوق نموسية بينا هادي لمرا هي ماما الحقيقي. أول مرة نشوف تصورتها أنا دابا قدرت نعرف ماما كيفاش دايرة فوجها ولكن بابا مكانش فتصويرة بقيت كالسة أو كنحلل ديك تصويرة أو بديت كنقلب فدار نقدر نلقا شي حاجة ولكن فلخر ملقيت والو. حتا كنسمع طيليفون ديالي كسوني كانت رشيدة

أنا:ألورشيدة:مالكي تعطلتي هكا
أنا:لا والو ها أنا هابطة دابارجعت دوك لحويج فين كانو أو حطيت لبيجامة فشكارة هزيت معايا تصويرة أو درتها فجيبي أو خرجت شديت لباب أو مشيت عند رشيدة ركبت فطونبيل
رشيدة:مالكي على تعطلتي
أنا:والو غير بقيت كنقلب على حوايجي
رشيدة:شوفي فيا. ولكن مالكي كتباني صفرة هكا يكما وصلك شي خبار خايب

أنا:لا معنذي والو
رشيدة:صافي واخا ديمارات أو زدنا وصلنا لدار أو دخلنا
رشيدة:أجي معايا نوريك لبيت فين غادي تباتي هاذ ليلة
أنا:واخامشيت معاها أو حلات لباب ديال لبيت و دخلات
رشيدة:تفضلي هذا هو لبيت لغادي تباتي فيه هاذ نهارلبيت كبير أو زوين عمرني ضنيت أني غادي نبات فشي بيت بحال هكا
رشيدة:حطيت شكارتك هنا حطيت شكارة فوق نموسية. كالسات رشيدة فوق نموسية

رشيدة:أجي كالسي حداياكلست حداها
رشيدة:(دارت يدها على كتافي) حسيت بيك تبدلتي لبنت لي كانت معايا فلول ماشي هي لبنت لي خرجات من دار واش وقعات شي حاجة
أنا:(هبطت راسي) لا موقع والو أنا عادي
رشيدة:لا لون ديالك تبدل أو طريق كاملة أو نتي ساكتة
أنا:لا أصلن ماعندو ميوقع والو

رشيدة:واخا أنا تيقت دابا ولكن مأكدة عندك شي حاجة. أو دابا أنا غادي نمشي نعاون سعيدة فتوجاد لعشا أو نتي خليك رتاحي هنامشات رشيدة أو بقيت بوحدي جبدت تصويرة أو بقيت كنفكر علاش سمحات فيا أو علاش بابا مكينش فتصويرة يكون زعما هو لي كصورهم أو منين غادي نضبر على تصويرة ديالو أو فين هما دابا كول نهار كتزاد على هاذ لأسئلة سؤال لدرجة عيت وليت كنتمنى توقعلي شي حاجة لي تخليني منفكرش بزاف.

إقرأ أيضا : قصة العميق – الجزء 1 –

خبيت تصويرة أو مشيت عندهم لكوزينة نعونهم مهم ندير شي حاجة لي تشغل لي باليلقيتهم مقاتلين فالكوزينة
أنا:واش تبغي نعونكم فشي حاجة
سعيدة:غير خليك أبنتي مرتاحة حنا هنا قايمين بالواجب
أنا:عطيوني غير شي حاجة صغيرة نديرها مهم هو نعاونك مبغيتش نبقا كالسة
رشيدة:إوا هاكي قطعي لقزبور لا بغيتيخذيتو أو بديت كنقطع فيه
رشيدة:بغيت نسولك
أنا:آه تفضلي
رشيدة :أشنو كتعرفي طيبي


أنا:أنا لماكلة لا محرقتهاش كنجيبها مالحة تقريبان مأخرن عاد بديت كنتعلم شي حاجة أو صافي أو فالغالب كناكل غير فزنقةرشيدة:ماكلة ديال زنقة بزاف راها ممزيناش
أنا:ولكن معندي مندير
سعيدة:صافي ها حنا كينين دابا هنا نعلموك طيبي كاع شهيوات لتبغي


أنا:إنشاءالله بقينا كالسين فلكوزينة أو بقاو كعلموني طياب ولكن أنا مكانش دماغي معا طياب ديك ساعة كنت غير كنفكر فديك تصويرة واش زعمة تكون شي تصويرة فدار أو مشتهاشجا ليل أو دخل راجل رشيدة لي هو أستاذ ديالي أو حطو لعشا فوق طابلة أو نضنا كناكلو ولكن بحالي مكونتش معاهم غير الجسد ديالي لكان حاضر ما عقلي بقا غير كفكر واش زعمة يجي نهار لغادي نطلقا بيه معا والديا ولكن كيفاش غادي نطلقا بيهم أنا بغيت نقولهم كاع داكشي لي فقلبي بغيت غير نعرف سبب علاش خلاوني

رشيدة:لالا نتي من قبيلة. ممبقتيش طبيعية غير قولي لي مالكشفت فرشيدة أو ساد يقدرو يعونوني أو يقلبو معايا على والديا دابا عندي تصويرة ديال ماما يعني لقيت راس لخيط أو نقدر دابا نسهل عليا طريق شوية
أنا:(جبدت تصويرة لعندي أو حطيتها فوق طابلة بانت لي ردة لفعل ديال رشيدة تبدلات أو راجلها حط داكشي لكان فيدو أو سعيدة بقات غير كتشوف فيهم)
رشيدة:منين جبتي هاذ تصويرة

الفصل 21 من قصة اليتيمة


أنا:لقيتها فدار طايحا قبيلة. عرفتي هاذ لبنت شكون هي أنا أو هادي جدة أو هادي هي ماما بينا. صراحة منكذبش عليك ولكن أنا دابا وليت باغا نطلقا بيهم حيث بغيت نقولهم كاع داكشي لعندي عيت مانبقا نتسنا هما يجيو عندي بغيت أنا نمشي عندهم. و أنا كنطلب منكم لمساعدة
رشيدة:(شافت فراجلها أو هبط راسو) واش بغتي نعونكم تلقي نتي والديك

أنا:آه مكرهتش تقدمو لي هاذ لمساعدة. حيث أنا عيت بصح راسي كول نهار كطرح سؤال. من نهار حليت عيني أو أنا كنتسناهم يجيو ولكن كاع مجاو
أ. تربية الإسلامية :صافي واخا غدا غادي تعرفي كولشي عليهم
أنا:(شفت فيه) ولكن كيفاش واش دغيا غادي تلقاهم
أ. تربية الإسلامية:آه غدا غادي نمشيو واحد لبلاصة فين غادي تلقي والديك فيهامابقيت فاهمة والو كيفاش دار ليها أشنو واقع. دماغي طرح ألف سؤال فديك دقيقة كيفاش واش كعرفهم أو لا غير كتفلو مفهمت حتا حاجة.

ناض ساد من طبلة أو بالي غادي لبيتوشفت فرشيدة
أنا:واش راجلك كيضحك معايا
رشيدة:لا كدوي بصح غدا غادي تعرفي كولشي على والديك غادي نديوك حتا لعندهمن اضت من طبلة أو بدات كتجمعها هي أو سعيدة خلوني حايرة أو مافهمة والو واش هذا غير حلم واش كديويو بصح واش هما كيعرفهم أو لكثير من الأسئلة بدون جواب

رشيدة:جا وقت نعاس غدا غادي نفيقو بركي يمكن من غدا غادي تبدل حياتك نوع ما
أنا:معرفتش كيفاش غادي يجني هاذ نعاس نضت أو وصلاتني حتا لبيت
رشيدة :نخليك تبدلي حوايجك أو من بعد نجي عندكخرجات أو لبست أنا بيجامة دياليأو دقات رشيدة فلباب
أنا:غير دخلي
رشيدة:(جات كلسات حديا) خاصكي تنعسي دابا باش غدا منين نفيقك بكري متقوليش لي لا فيا نعاس

إقرأ أيضا : قصة ذئب عاشق .. 1


أنا:واش نتوما كتعرفو والديا
رشيدة:(ضورات وجها أو شافت فالأرض و عاود شافت فيا) هادشي كامل غادي تعرفيه غدا إنشاءالله غير نعسي على جنب راحة
أنا:لا أنا مغاديش نعس راسي كي سول بزاف ديال الأسئلة
رشيدة:(ناضت) يلاه أجي نعسي هاذ ليلة غادي نعس حداك

تكيت فوق نموسية طفات ضوأو جات نعسات حدايا بدات كتلعب لي بشعريأنا:واش والديا ناس ضرفين أو لا قباحرشيدة:شش دابا وقت نعاس خاصكي تنعسي ماشي تسولي غدا أي سؤال محقك تسوليهأنا:(ضرت عندها) ولكن عذرني أنا عيت بغيت نعرف عليهم شي حاجة غير جوبني واش نتوما كتعرفهمرشيدة:إلا جوبتك غادي تنعسي بسكاتأنا:آه

رشيدة:آه كنعرفهم
أنا:ولكن علاش مقولتو لي والو من لول
رشيدة:ياك قولنا هذا أخير سؤال أو دابا خاصكي تنعسي
ضرت لجهة لخرا أو بقا رشيدة كتلعب لي بشعري
رشيدة :واش باقي مجاكش نعاس
أنا:لا باقي أو موحال يجني أو نتيرشيدة:أنا براسي مجانيش
أنا:واش حتا نتي متحمسة لغدا

رشيدة :آه بزاف. حيث غدا هو نهار لكنت كنتسنا من شحال هاد
يأنا:واش علمتوهم بلي غادي نجيو غدا
رشيدة:آه بحال هكك واحد لحظة بدات رشيدة كتغني صوتها واعر بزاف أو حنين بقات كتغني لي أو كتلعب لي بشعري حتا داني نعاس

الفصل 22 من قصة اليتيمة

فصباح فيقاتني رشيدة أو كانت لبسة جوايجها ديال خروج
رشيدة:يلاه فيقي راه باقي تبعانا طريق راه حتا جمال وجد راسو
أنا:صافي واخا ها أنا غادي نوض
رشيدة :يلاه متعطليش ها حنا كنتسناوكأواه صافي جا نهاو لموعود غادي نطلقا بوالديا معرفتش هذاك شعور لي كان فيا ديك ساعة حيت معرفتش ولكن كانت لخلعة غالبة عليا ديك ساعةنضت أو مشيت غسلت وجهي أو لبست حويجي خرجت عندهم

رشيدة:إوا يلاه منين. كولنا واجدينسعيدة:الله يوصلكم على خيرخرجنا أو ركبنا فطنوبيل طريق كاملة أو حنا ساكتين كول واحد أو فاش كفكر بقينا غادين حتا وصلنا لواحد لبلاصة ديك لبلاصة مكانتش إي بلاصة. لبلاصة لي. كتفارق ناس مع حبابها أو صاحبها أو كل عزيز. لفراق الأخير. لمقبرةأنا:ولكن علاش جينا لهنا

أ. تربية الإسلامية:نزلي غادي تعرفينزلنا أو بقيت تبعاهم حتا وقفو حدا واحد جوج قبوراأنا:متقولش لي هذو قبورا ديال والديارشيدة:آه مع الآسففالقبر ديال بابا كانت مكتوبا مات ف2000 أو فالقبر ديال ماما كانت مكتوبة ماتت ف 2001 يعني دازت عام على لموت دبال بابا باش تبعاتو حتا مامامحسيت براسي أو دموعي هبطو فالوقت لكنت أنا كنعاتبهم أو كنعايرهم هما كانو ميتين
أنا:ولكن باش ماتوأ. تربية الإسلامية: باباك مات بسرطان
أنا:أو هي
أ. تربية الإسلامية:ماماك مقداتش تصبر على فراق باباك أو من بعد حتا هي مرضات نفسيا تسطات بقات حتا ماتت

رشيدة:هما متخلاوش عليك بخطرهم كانت ضروف قوة منهم مع الآسف كانو كي حلمو يعيشو حياة سعيدة معا بنتهم ولكن مكتابش
أنا:ولكن علاش سمحو فيا من لولأ. تربية الإسلامية: كانو كبغيو بعضيتهم من يامات جامعة إو لحب لبينتهم بقا كزيد نهار على نهار حتا قرو يتزوجو ولكن هما ماخدامين ما والو ولكن كانو باغين لحلال أو فكرو أنهم ميولدوش حتا تقاد الأمور ديالهم المادية من بعد تزوجو.

ولكن من بعد مدة وقع داكشي لكانو كتهربو منو هو أن ماماك كتشفات راسها حاملة (يعني زلقت ليهم) مكان بإمكانهم ميديرو فرحو بيك أو دازت 9 شهور أو ولداتك داك نهار كان أسغد نهار عندهم حيث من بعد داك نهار عمرهم شافو نهار زوين

أنا:أش وقع من بعدأ. تربية الإسلامية:ضروف المادية ديالهم تأزمات كرديات أو لا خدمة مقادة هنا فين قرو أنهم باش يبعدوك على هادشي كامل هو يعطيكم لديك سيدة تربيك بشرط أنها تخليهم يشفوك كل نهار. وكان غالط كبير دارو حيث من بعد هي غبرات بدلات سكنة أو مابقاوش كاع لقاوك. يعني ديك سيدة لكنتي كتقولي ليها جدة هي لبعداتك عليهم من بعد مامشات. باباك داقت بيه دنيا من حيث كولشي أو بقا شحال أو هو كيقلب عليها أو الو ملقاش حتا مرض و بقا سنوات

و هما كي عانيو حتا مات باباك أو تبعاتو ماماكأنا:أو نتوما منين كتعرفهمأ. تربية الإسلامية:باباك هو خويا الكبير. قبل مايموت وصاني عليك بلي نقلب عليك أو نربيك بحال بنتي.رشيدة :حنا كيفما شتي من بعد سنوات من زواج ربي مرزقناش بلولاد. واخا هكك حنا حمدين اللهأ. تربية الإسلامية:ليوم قدام قبرهم بغيت نقول لخويا بلي أمانة ديال خويا ها هي بين يدي أتبقي بين عيني

رشيدة:منين نوصلو لدار غادي نوريك تصاورهم كاملين كاع داكشي لي كنت كنوجد نقولهم مشا كيفما هما مشاو كاع ديك لهدرة لكنت كنقول فيهم أو هما أصلان ميتين أكثر حاجة ندمت عليها فحياتي. والديا عمرني. مغادي نطلقا بيهم.بغيت غير نقول لأي واحد كيقري فهاد القصة تهلاي فوالديك راها لحياة قصيرة أو حاول تعيش معاهم بزاف ديال لحظات لزوينة. حيث والدين لامشاو ميمكنش تعودهم عكس إلا مشا أي شخص أخور.

من بعد هادشي كامل رشيدة أو عمي قدرو أنهم يقنعوني بلى خاصني نعيش معاهم أو تمكنو باش يقنعوني عونو نفسيا أو كولشي أو عودني على كولشي حمدلله بديت كنحس براسي بحال كاع ناس لعدين وليت حتا أنا كندير صحبات أو نشارك رأي ديالي عادي. (أحداث لقصة وقعو مابين سنة 2013 او بغيت نقولكم بلي سعيدة ماتت مأخرا).

وصلنا الى نهاية القصة كنتمنى تكون عجباتكم القصة ديال اليتيمة وكنشكر كاع الناس ليبقاو متبعين القصة من الأول الى الأخير
ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة
الجزء 1 من قصة اليتيمة
الجزء 2 من قصة اليتيمة
الجزء 3
الجزء 4
الجزء 5
الجزء 6
الجزء 7
الجزء 8
الجزء 9
الجزء 10

قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *