قصة اليتيمة – الجزء 2 –

قصة اليتيمة – الجزء 2 –

قصة اليتيمة

السلام عليكم اليوم الجزء 2 من قصة اليتيمة ياك باقي عاقلين فين خلينا القصة ديالنا

الفصل 3 من قصة اليتيمة

من بعد ما عرفت أن جداتي ماتت معرفتش أش وقعلي بقيت كنقول ياربي ميكونش هادشي بصح ها هي غادي تنوض دابا أو غادي تعنقني. نهار لي من ديما أو أنا كنخاف نعيشو ها أنا دابا كنوجه فيه. كيفاش غادي نعيش بلا جداتي هي فيها مي و باا و خويا و ختي أو صاحبتي هي كولشي فحياتي ليوم ها هي مشات. دابا أنا عاد بصخ بديت كنحس بلي مقطوعة من شجرة لا حنين لا رحيم فين غادي نعطي راس أو شكون غادي إقبل بيا.جا راجل سميرة أو دوز لغطا على وجع جدة أو قالي لبركة فراسك سميرة جات أو قاتلي أنا أو اسماعيل(راجل سميرة) غادي نتكلفو بكولشي ديال الجنازة.

معرفت منقولها من غير نشكرها هي و رجلها حيث بصح ديما كنلقهوم فجنبي.بعدما كنت أنا فحالة صدمة سميرة و رجلها تكلفو بكولشي جات لوقت لغادي إديوها إدفنوها خاصني نودعها لأخير مرة أخير لقاء عندي معاها مكرهتش حتا أنا كون ذفنوني معاها حيث دابا صافي حياتي مابقا عندها حتا معنى بلا بها. تودعت معاها أو تودعو معاها كاع جيران أو خوتها صافي داوها. جا ليل أو جابو طلبا إقراو القرآن و يترحمو على جدة بعدما تعشاو أو كولشي خاصو إرجع لدارو هنا فين غادي نبقا أنا بوحدي فدار منكدبش عليكم كنخاف نبقا بوحدي فدار ولكن معندي مندير.

سميرة بغاتني نبات معاها ديك ليلة حيث عرفاني كنخاف من أني نبقا بوحدي معرفتش كيفاش عرفتها يمكن جدة كانت قلتها ليها. ولكن رفضت أو قوتلها غير خليني راه مابقيتش كيفما كنت. ولكن قاتلي إذن أنا غادي نجي نبات معاك هاذ ليلة مابغيتش نقولها لاديك ليلة. مابغاش إديني نعاس بقيت غير كنفكر حياتي دابا كيفاش غادي تولي من بعد لموت جدة بقيت شحال أو أنا كنفكر حتا داني نعاس فديك ليلة حلمت بواحد لحلمة لي غريبة بزاف حلمت راسي قدام لواد أو من جهة لخرا ديال لواد كانت جدة لابسة لبيض عيطت ليها أو ضارت شافت فيا دارت واحد إبتسامة لفرحتني قوتلها تجي عندي قاتلي متقدرش تجي عندي

الفصل 4 من قصة اليتيمة

أنا: جدة أجي عندي عافك أنا هنا بوحدي
جدة: نتي ماشي بوحدك
أنا: لا أجدة أنا بوحدي معندي حتا حد منغيرك(سمعت شي واحد كعيطلي بسميتي منين ضرت لقيت مرا أو راجل واقفين بعيد مقضرتش نعرفهم فوجهم ضرت عند جدة أو قاتلي
جدة: كيفما قوتلك نتي مشاي بوحدك(أو ضارت أو مشات)بقيت كنعيطليها بأعلى صوت أو والو مضارتش بقيت كنعيطليها حتا فقت على صوت سميرة
سميرة:فقي بسم الله الرحمن الرحيم نتي فعار الله ليل كامل أو نتي كتقولي جدة جدة
أنا: آه حيث حلمت بواحد لحلمة فشي شكل عودت ليها على لحلمة كاملة أو قاتلي أنا غادي نشوف شي واحد كفسر الأحلام أو نرد عليك. ولكن دابا نوضي تفطري حيث من لبارحة مادقتي نعمة


أنا: لا مافياش جوع
سميرة: لا ضروري خاصك تاكلي شي حاجة ميمكنش تبقي هكابضت أو بعدما فطرت أو ساليت
سميرة: واش ليوم غادي تمشي لمدرسة
أنا: لا معنديش لخاطر نمشي ليها
سميرة : علا خاطرك أنا نخليك دابا رتاحي شوية أنا غادي نهبط لدار نقدها أو نوجد لغدا أو هبطي تغدي معانا أو مابغيتش حتا شي عذر واخا
أنا:صافي واخا
سميرة: إوا ها أنا مشيت


أنا:سميرة معرفت صراحة كيفاش نرد ليك هادشي لدرتي من أجلي ولكن كنوعدك غادي يجي نهار لغادي نرجع ليك هاذ لخير سميرة: أنا مكنديرش هادشي حيث بغيت لمقابل لحاجة كانت بحال الواليدة ديالي أو نتي بحال بنتي هادشي كنديرو فسبيل اللهأنا: واخا هكك أنا غادي نبقا ديما أو حياتي كاملة كنشكر على كول حاجةسميرة : نخليك داباأنا: واخامشات سميرة لدارها أو بقيت أنا بوحدي فدار بقيت كنتأمل أو كنتفكر يامات فاش كانت جدة عايشة أو شحال ضحكنا أنا أو وياها أو عشنا يامات زوينة واحد لحظة أو أنا نسمع صوت ديال طيلفون كيصوني.

هذا طيلفون ديال جدة شكون كعيطلها مشيت كنقلب على طيلفون أو كان فبلاصة ديال جدة كانت نمرة مطلعاش شكون يكون زعمة واش ختها لديما كانت كتقولي كدوي معاها ولكن ختها عاد كانت لبارحة. قررت نجاوب
أنا: ألو شكون معاياحتا واحد مجاوب ولكن لخط باقي دايز
أنا : شكون معاياأو حتا واحد مهدر شكون زعمة أو إلا كان رقم غالط علاش مقطعش أو لا علاش مكيهدر حتا حدقررت نقطع أو حطيت طيلفون فوق طابلة أو بواحد شوية كي عاود إصوني أو نمرة مطلعاش جاوبت
أنا: شكون معاياحتا واحد مكدوي ولكن لخط دايز

أنا: إلا كنتي كتسول على مولات هاذ نمرة راها ماتت لبارحبقيت كنسمع شي صداع أو شوية بديت كنسمع شي مرا كتبكي مفهمت والو شكون هادي أو علاش كتبكي واش كتعرف جدة علاش مبغاتش تدوي من بعد عدات محاولات باش تدوي مدواتش أو قررت نقطع أو نطفي طيلفونضرني راسي شكون هاديك سيدة أو أنا كنفكر حتا كنحس بشي حاجة فجيبي كنجبد كنلقا ساروت لي كانت عطاتني جدة مشالي من بالي جبدتو أو مشيت نيشان لبلاكار حليتو أو جبدت صندوق معرفت.معرفت هاد صندوق أش مخبي ليا أو علاش جدة خلات حتا أخير يامها أو عاد عطاتني ساروت. قررت نحل صندوق أو غير حليتو….

ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة


قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *