قصة اليتيمة – الجزء 3 –

قصة اليتيمة – الجزء 3 –

قصة اليتيمة

السلام عليكم اليوم الجزء 3 من قصة اليتيمة ياك باقي عاقلين فين خلينا القصة ديالنا

الفصل 5 من قصة اليتيمة

قررت نحل صندوق باش نعرف أش فيه غير حليتو أو أنا نجبد كاع داكشي لي فيه فلول بانو لي شي فلوس أو شي ذهب أو كانت معاهم حتا واحد صندوق صغير جبدتو أو من لتحت كانو تصاور ديالي أو أنا صغيرة و أخيرا أول مرة نشوف تصاوري أو أنا صغيرة بقيت كندوز فدوك تصاور حتا بانت لي واحد تصويرة. تصويرة مكونتش غير بوحدي لكنبان تصويرة كانت كتبان معايا حتا واحد لمرا مكانتش كتبان كاملة كان كيبان غير نص ديال وجها.

لا ماشي جدة هاديك أو عمرني شفت داك لوجه مجانيش كشبه لحتا شي مرا شتها فحياتي. شكون هديك بلا شعور بديت كنعيط لجدة باش نسولها شكون ديك سيدة ولكن مجوبتنيش عاد كنتفكر بلي راها ماتت. رجعت لصورة أو بقا راسي ضارني عاود واش تقدر تكون هادي هي ماما. ولكن علاش عمر جدة وراتني هاد تصاور. حطيت دوك تصاور او هزيت صندوق باش نكمل أو نعرف أش مزال فيه هزيت ديك صندوق صغير أو حليتو لقيت فيه واحد سنسلة لفيها لحرف لول من سميتي سنسلة بينا من ذهب.

حطيتها أو هزيت صندوق أو جبدت منو جوج ديال لوراق عبارة عن رسالة قلبي بقا كضرب بجهد معرفتش سبب هزيت رسالة لولة أو حليتها غير من سطر لول عرفتها جدة لكانت كتباها أو لقالت فيها”سلام بنتي لعزيزة إلا كنتي كتقري فهاد رسالة دابا فإذن أنا غادي نكون مشيت لشي بلاصة بعيدة بزاف بلاصة منقدرش نرجع منها أنا عارفة بلي غير أنا لعندك فهاذ دنيا نتي معاك الله أو والديك راهم غير حداك تقدري تكوني عمرك شتيهم ولكن هما حضينك

واخا غير من بعيد. كتسولي راسك علاش باقي مجاوش عندي حتا لدابا علاش أصلان تخلاو عليا من لول أنا منقدرش نجاوبك على هاذ لأسئلة ولكن فاش طلقي بوالديك سولهم نتي. أنا أبنتي قوتلك هاذ لهدرة باش متحسيش براسك بلي نتي بوحدك. أو فهاذ صندوق غادي تلقي شي فلوس أو شي ذهب داكشي كولشي ديالك نتي صرفي منو أو إلا دعات ضرورة بعي داك ذهب إلا كنتي محتاجة لفلوس. أو أخير وصاية مني لك قريتك عمرك تخلي عليها حيث هي كولشي أو بها تقدري توصلي لكاع داكشي لبغتي. مع سلامة”.

الفصل 6 من قصة اليتيمة

هاذ رسالة قدرات تنزل دموعي حيث دابا عاد حسيت بفراق جداتي. ولكن دماغي طرح واحد سؤال لي هو واش بصح والديا كحضوني من بعيد علاش عمرني شفت شي حاجة أو لا حسيت بلي شي حد حضيني . أووف عيت من هاذ لأسئلة بغيت غير شي جواب على واحد من هاذ الأسئلة ديالي. حطيت رسالة ديال جدة أو هزيت رسالة ثانية أش فيها واش حتا هادي تكون جدة لكتباتها نحلها أو نعرف منين قريت سطر لول عرفت بلي ماشي جدة لكتباتها. رسالة كتقول:”بنتي أمانة فعنقك دريها بحال بنتك أو لا كثر راه هي لي عندنا فهاذ دنيا أنا غادي نبقا ديما نسول عليها نهار غادي نقادو أمورنا غادي نرجعو علي قبلها.”

رسالة واضح شكون كتبها هنا ضرني راسي منين أنا هي لعندهم فهاذ دنيا علاش خلوني راسي بقا كحرقني بهاذ لأسئلة حيث عندي بززاف ديال أسئلة معرفت إمتا غادي إجوبني عليهم شي حد.جمعت داكشي أو رجعتو فين كان بقيت كالسة شحال أو أنا كنفكر حتا سمعت سميرة كتعيط لي باش نزل نتغدا هبطت لعندها أو حطات لغدا تغدينا سلينا أو رجلها ناض لخدمتو أو أنا عونتها فجميع ديال طابلة أو منين سلينا أو غسلنا لمواعن.

بغيت نسولها لتكون هي عارفة شي حاجة
أنا:سميرة بغيت نسولكسميرة: آه مرحبا
أنا: كتعرفي شي حاجة على والديا سميرة: لا عمرني سمعت عليهم شي حاجة
أنا: ولكن جدة واش عمرها عودات ليك شي حاجة عليهم
سميرة : منكدبش عليك شحال من مرة سولتها على والديك أو علاش سمحو فيك ولكن لحاجة مكانتش كتبغي تعودلي حتا حاجة
أنا: آه حتا أنا عمرها عطاتني عليهم حتا شي معلومة صغيرة معرفت علاش
سميرة: آه تفكرت شحال هادي أو فاش كنتي نتي باقا صغيرة كانت كتجي عندي واحد مرا كانت ديما كتسولني عليك كيفاش لحاجة كتعامل معاك أو نتي واش مزيانة أو مناقصك والو أنا: واش مسولتهاش شكون هي


سميرة: لا سولتها أو كانت كتقولي بلي هي صديقة ديال لحاجة
أنا: أو نتي واش تيقتيهاسميرة: لا متيقتهاش. ولكن من بعد مابقاتش كاع كتبان لي
أنا: بقا عاقلة على ملامح وجها
سميرة: منكدبش عليك نقدر لاشتها نعرفها
أنا: واخا صبري نمشي نجبلك واحد تصويرةمشيت لدار أو جبدت ديك تصويرة لكانت كتبان فيها ماما لحقيقية خدتها أو مشيت نيشان عند سميرة.
أنا: سميرة شوفي واش هي هاديسميرة: ولكن منين جبتي هاد تصويرة
أنا: لقيتها فدار. ها نتي شوفي واش تقدري تعرفي واش هي


سميرة: صراحة صعيب نقولك واش هي أو لا لا حيث فهاد تصويرة كيبان غير نص ديال وجها ولكن كنضن بلي هي نيت ديك لمرا لكانت كاتجي عندي
أنا: آه صافي نخليك دابا.مشيت لدار أو دماغي مكحبسش من الأسئلة. أنا دابا عرفت بلي والديا كرقبوني من بعيد ولكن علاش مكجيوش عندي. أنا أصلان مقلقة منهم أو حيث ضلموني أو تخلاو عليا خلوني نكبر يتيمة منين مقدينش بيا علاش ولدوني صعيب نسامحهم بسهولة…

ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة


قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *