قصة اليتيمة – الجزء 4 –

قصة اليتيمة – الجزء 4 –

قصة اليتيمة

السلام عليكم اليوم الجزء 3 من قصة اليتيمة ياك باقي عاقلين فين خلينا القصة ديالنا

الفصل 7 من قصة اليتيمة

بقيت كالسة أو كنفكر أو كنقول مصاب غير شي حد إجوبني على شي سؤال حيث بصح عيت بغا نرتاح من هاذ الأسئلة محسيتش براسي كيفاش حتا داني نعاس حتا كتفيقني سميرة باش نهبط نتعشا معاهم. قوتلها بلي راه مافيا لياكل ولكن رغمات عليا. هبطت أو تعشينا آو قاتلي واش تباتي معايا قوتلها بلي راه مبقيتش كنخاف نبات بوحدي أو بلي مابقيتش صغيرة صافي راه كبرت دابا أو بقيت حتا قنعتها.

لحقيقة أنا مزال عندي داك لخوف أني نبات بوحدي بليل ولكن بغيت نواجه لخوف ديالي قولت لسميرة أو راجلها تصبحو على خير أو مشيت لدار حطيت راسي فوق لمخدة أو بديت كنحس بالخوف صعيب نواجه لخوف نتاعي بهاد سهولة كاملة بقيت كالسة أو شعلت تلفازة أو أنا نفكر بلي خاصني نشري شي طيلفيون حيث ضروري صافي غدا ناخد لفلوس من صندوق أو نمشي أنا أو سميرة نشريو شي طيلفيون ميكونش ثمن ديالو غالي غير على قد لحال بقيت كنفكر حتا 3صباح عاد داني نعاسفصباح أو كيف لعادة فقت على صوت ديال سميرة
سميرة:نوضي أبنتي تفطري راه هادي 10 أو نتي باقا منضتي
أنا: خليني غير شويا راه باقي فيا نعاس


سميرة: لا مابقالك متزيدي نوضي تفطري راه لفطور كولشي واجد. أو عاد خاصنا نمشيو لقبر جداك نزورها
أنا: آه واخا أنا غادي نوض نغسل وجهي أو نلبس أو نهبط نفطرسميرة: واخا ها أنا كنتسناكهبطات سميرة لدارها أو نضت أنا غسلت وجهي أو مشطت شعري أو لبست حويجي أو هبطت فطرت أو ساليت أو تماك فين قولت لسميرة باش من مورا منساليو زيارة نمشيو لشي حانوت نشريو طيلفيون سميرة مرفضاتش أو قاتلي آه أو أصلان طيليفون غادي تحتاجيه مشيت طلعت أنا لدار أو هزيت من صندوق شي براكة أو هبطت عند سميرة لقيتها واجدة

مشينا لمقبرة أو صراحة لحمي تبورش وقفت عند قبر جدة بلي شعور عيني دمعات بقينا كندعيو معاها برحمة أو سقينا لقبر ديالها غير ضورت راسي لقيت واحد لمرا بعيدة علينا واقفة أو كتشوف فيا هبطت راسي او درت راسي بحال إلا مشفت والو غير عاودت هزيت راسي ملقيتهاش فين مشات هادي سميرة لحظاتني بحال إلا كنقلب على شي واحد
سميرة: مالكي ياك لباس علاش كتقلبي
أنا: لا على والو غير كنشوف
سميرة: آه إوا صافي ياله نمشيو بحالنا راه باقي خاصنا نقلبو لك على شي طيلفيون مزيان
أنا: واخامن بعد متحركنا من قبر ديال جدة بقيت غادة أو كنقلب فين مشات ديك لمرا


سميرة : لا لا نتي بينا كتقلبي على شي حاجةأنا: صراحة فاش كنا واقفين حدا لقبر كنت شفت واحد لمرا كانت كتشوف فينا من بعد مابقاتش كاع كتباليسميرة :وايلي واش بصح ولكن علاش مقولتيلي والو من لولأنا: مابغيتش نبرزطكسميرة :شكون كضني تكون ديك لمرا
أنا: معرفتشلا أنا شكيت تقدر تكون ديك لمرا كتعرفني مزيان ولكن أنا ندمت على حاجة واحدة هي أني ممشيتش عندها أو نعرف شكون هيوصلنا لقصارية أو بقينا كنضورو حتا لقيت طيليفون لعجبني كان زايد ثمن على لفلوس لعندي ولكن سميرة زادتني من عندها أو و أخيرا حتا أنا دابا عندي طيليفون قبل منمشيو مشينا خدينا لاكارط سيم.

أو رجعنا لدار قاديت طيلفيون أو طليشارجيت في كاع داكشي لضروري بحال واتساب أو فيسبوك….منين ساليت حطيت طيليفون أو قررت اني غدا غادي نمشي لمدرسة حيث لموحد مابقالو والو. واخا أنا مابقا عندي كاع لخاطر لقرية ولكن معندي مندير…لقصة عاد غادي تبدا……

الفصل 8 من قصة اليتيمة

ليلة ديال لحد هزيت شكرتي أو درت فيها لكتوبة ديال لمواد لعندي نهار ثنين. و عمرت طيلفون باش إفيقني مع سبعة و نصف ديال صباح. أو مشيت نعس ديك ليلة بقيت كنخربق فطيليفون نطلع و نهبط فلفيسبوك حتا داني نعاس.فصباح كنفيق على صوت طيلفون نضت غسلت وجهي أو لبست حوايجي هزيت شكارتي مشيت بلا فطور. أنا أصلان مولفة نمشي بلا فطور. منين خرجت لقيت راجل سميرة حتا هو غادي لخدمتو سولني فين غادة قوتلو لمدرسة دعا معايا أو مشيت.

وصلت لمدرسةأو هنا غادي نعودلكم على لمشاكيل ديالي فالمدرسة أو علاش) أنا معنديش صحابات)من بعد ماوصلت لمدرسة مشيت نيشان لقسمي كانت عندي لمادة لولة هي لونغلي هاد اللغة كتعجبني ولكن سادة ديال لونغلي معنديش معاها بزاف ماشي غير أنا كاع لكتقريدخلت أو كيف لعادة مشيت نكلس لور ساعتين لولة دازت عادية حتا وصلات استراحة.عندي واحد لبلاصة هادئة بزاف كنمشي نكلس فيها أو نرتاح بعيدة على كاع صداع. ولكن معا أسف كاينة واحد لبنت سميتها آية هاد آية دور ديالها لوحيد هو فوقما تشوفني تجبد معايا صداع أو تقلل من قمتي هي أو صحاباتها شحال من مرة كنصبر عليها

ولكن شحال قدني منصبر.مشيت لبلاصة ديالي كيف لعادة كالسة حتا كتوقف عليا آية أو صحاباتها. كالسات حدايا. أنا نضت أو هي تشدني من يدي
آية: فين غادة أزين مابغتيش تكلسي حدايا
أنا: (حيدت يدها عليا) أخير مرة تعودي تقصيني
آية: حشومة عليك(استهزاء) أن غير بغيت نعزيك فجداك الله يرحمها مسكينة ضاعت حياتها أو هي كتربي فوحدة يتيمة بحالَك
أنا: نتي ماشي سوقك بغيت نمشي بحالي ولكن عودات شداتني أو هاد لمرة زيرات على يدي بزاف مابغيتش نبين بلي قصحاتني


آية:مالكي كدري بحال هكا. أخير إنذار عندك لمرة جايا فاش لمرة جايا فاش تشوفني حني راس أو هدري معايا باحترام حيث أنا هي لالاتكحيدت يديهاأنا: أنا عمرني مغادي نعاملك كيفما بغتي حيث نتي غير حمارة فنظاريهزيت شكارتي أو مشيت بحالي صونات أو مزالي ساعتين. دوزت ساعتين ديالي أو خرجت معا 12 مشيت لدار أو أنا طالعة فدروج خرجات لي سميرة تسلمنا أنا أو وياها أو قاتليي دخلي تفطري راكي مشتي هاد نهار بلا فطور. أو لغدا راه غادي يوجد قبل ماتمشي لمدرسة. دخلت نفطر أو طلعت لدار بقيت كالسة كنتفرج فتلفازة حتا عيطات لي سميرة نهبط نتغدا.

هبطت تغديت أو طلعت بدلت لكتوبا أو جات لوقيتة أو مشيت لمدرسة لحصة لولة كانت عندي لعربية أو لحصة ثانية التربية الإسلامية قريت لحصة لولة أو دخلت لحصة ثانية عند تربية الإسلامية. ساليت ديك لحصة أو خرجت فستراحة مشيت عند واحد لبنت سولتها على دروس أو أش كتبو دوك ليام لمجيتش أو فالوقت لكنت كندوي فيه مع لبنت لكتقري معايا. لبنت لكانت معاها سولتني قاتلي: ختي واش نتي بنت ساد ديال التربية الإسلامية
أنا: لا

البنت: آه حيتاش كتشبهيلو بزافأو لبنت لمعاها وافقاتها رأي أو قالت آه والله كتشبهيلو بزافقوتلهم لا أو بلي هو ماكيجيني والو.خديت دفتر من عند لبنت أو مشيت لدار غير وصلت رتاحيت شوية أو بقيت كنلعب بطيليفون حتا حطيتو أو جبدت دفاتر أو بديت كنكتب كاع دروس لي ناقصني بقيت حتا ساليت.

أو بدبت كنراجع لموحد حيث مبقالو غير جوج سيمانات بديت كنراجع. أو أنا كنراجع حتا طاح فبالي داك لموضوع ديال والديا أشنو إكونو كديرو دابا واش كفكرو فيا بزاف أو لا غير شوية أو لا نسيني. ماعرفتش ديك لمرا لي شتها لبارح شكون واش زعما تكون هي ماما علاش مجاتش عندي. بقيت كنفكر هكا حتا جمعت لكتوبا أ سمعت سميرة كتعيطلي نهبط نتعشا هاد سيدة لخير لكدير فيا بزاف معرفتش إمتا أو لا كيفاش غادي نرجعو ليها حيث واخا ندير لي درت مغاديش نوصل لحتا نص من هادشي لدارت معايا.تعشيت أو مشيت نعس. صافي بقات ديك جوج سيمانات لي قبل من لموحد غادا بنفس شكل او على نفس لروتين جا نهار لموحد دوزنا لمتيحان خرجو نقاط….

ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة


قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *