قصة اليتيمة – الجزء 5 –

قصة اليتيمة – الجزء 5 –

قصة اليتيمة

السلام عليكم اليوم الجزء 5 من قصة اليتيمة ياك باقي عاقلين فين خلينا القصة ديالنا

الفصل 9 من قصة اليتيمة

من بعد ما دوزنا الموحد خرجو نقاط أو حمدلله جيت لولة ديال القسم. دازت لعطلة أو رجعنا نقراو. أو راكم عرفين نهار لول من بعد لعطلة كولشي كيبقا يسول شحال جبتي أو أساسيد كيبقاو إنصحو فينا أو خصوصا ذوك لمجابوش المعدل. بقا نفس لروتين كتعاود حتا لواحد نهار راجعة من لمدرسة أو أنا طالعة خرجتلي سميرة.سميرة:سلامأنا: و عليكم سلام. مالكي كتباني لي صفرةسميرة: عمتي مسكينة ماتت هاد نهار أو خاصني ضروري نمشي نسافرأنا: الله يرحمها مسكينة. إمتا غادي تمشي

سميرة: دابا غادي نشد طريق أنا و اسماعيل. هانتي ها ساروت ديال دار لخاصتك شي حاجة خوديها أو هاكي هاد لبركة لا خاصتك شي حاجة
أنا: لا لا راه عندي لفلوس غير رجعيها
سميرة: لا خوديها مترديهاش لي فوجهي باش منمشيش مقلقة عليك
أنا: واخا. منرجعهاش ليك فوجهك شكرا تعنقنا حيث أول مرة من بعد مدة سميرة غادي تبعد عليا.

تودعنا أو مشات بحالها طلعت لدار باش نرتاح حيث لعشية قرية. جات لوقيتة باش نمشي لمدرسة. أو تماك فين جا عدنا لحارس العام أو قالينا بلي غادي تجي عدنا واحد اللجنة لغادي تحاور معانا أو تعرف مشاكلانا أو علاش مكنبغيوش نقراو أو تنصحنا… أو قالنا بحكم أنا لقاعة لغادي نجمعكم فيها مغاديش تكفي كولشي غادي نختار من كول قسم غير 15 لواحد. أو بدا كعيط بالأسماء أو من بين هاد الأسماء تذكر الإسم ديالي ندوة غادي كون ثنين جاي مع 9.

أو حنا خاصنا نوجدو أو هاد الأسباب لمكخليوش لواحد إقرا أو أشنو هما لمشاكيل لتقدر تبعد لواحد على لمدرسة أو على دراسة ديالو. من بعد مشرح لينا لحارس لعام هادشي مشا بحالو أو كملنا حنا لحصاص ديالنا أو رجع كل واحد لدارو أنا غير وصلت هزيت طيليفون باش نعيط لسميرة نعرفها فين وصلات صونيت ولكن طيلفونها كان مطفي عاودت صونيت ولكن والو قولت حتا من بعد أو نعاود نعيطليها حطيت طيلي أو مشيت نشري شي حاجة من زنقة نكلهارجعت لدار كليت ساليت.

حصيت بلقنطة فدار بغيت نخرج شوية نضور ولكن معنديش ممعامن نخرج. أو أنا مكنبغيش نخرج نضور بوحدي بقيت كالسة كنتفرج أو شفت شي فيديوات ديال طبخ قررت نوض ندير شي أكلة من هادوك لي شفت نضت أو ملقيتش كاع لمقادير لخاصني هزيت ساروت ديال دار ديال سميرة أو هبطت نقلب على لمقادير حمدلله لقيتهم كاملين عندها طلعت لدار أو بقيت حتا طيبت داكشي لبغيت جات زوينة بززاف أو أنا كناكل ساليت جمعت طابلة.

اقرأ أيضا : قصة أمنية رجل ميت – الجزء 6 –

الفصل 10 من قصة اليتيمة

جبدت لكتوبة أو بديت كنراجع منين ساليت لمراجعة ديالي بغيت نعاود نعيط لسميرة نعرفها غير واش وسالات بخير ولكن طيليفون ديالها كان طافي مافهمت والو هادي نهار كامل طيليفون ديالها طافي ياكما تكون نسات شرجور ديالها أو لا شي حاجة هبطت لدار ديالها نتأكد أو لقيت بصح بلي نساتو معرفتش ولكن قولت حتا لغدا أو نعاود نعيطليها تقدر تسلف شرجور من عند شي واحدة. طلعت لدار أو نعست ندت فصباح بكري كيف لعادة باش نمشي لمدرسة أو أنا خارجة من لباب ديال دار كتبالي واحد لورقة هاد لورقة أش كادير هنا أو شكون حطها

هزيتها أو كانت مكتوب فيها:”متقلقيش أو عمرك ماتشوفي راسك بوحدك” كيفاش؟ مفهمتش شكون كتبها أو كيفاش منتقلقش؟ مفهمتش لهدف ديال هاد رسالة دخت هادشي غادي إحمقني. أنا مابقيت عارفة والو هاد لورقة شكون حطها هنا أو شكون كتبها. مشيت أو داك صباح كامل أو أنا مبرزطة غير مع ديك لورقة أو شكون كتبها وعلاش كتبها بقيت غير كنفكر فيها سيمانة أو أنا كنفكر فيها. جا نهار لحد لخاصني نوجد فيها كاع داكشي لخاصني نوجد فيه كاع داكشي لغادي نقول فديك ندوة لعندي نهار ثنين مع 9 صباح.

داك لموضوع عندي فيه بزاف ديال لهدرة بقيت كنكتب أو نعبر حتا ساليت أو قولت كاع لعندي. جا ليل أو بقيت كنفكر او كنشوف بلي حياتي ماشي حياة عادية فيها بزاف ديال لغموذ أو عاد سميرة ماوصلني عليها حتا شي خبار معيطاتش قولت غير تكون مبرزطة أو لا معندهاش ريزو أو ملقاتش شكون إعطيها شرجور كاع إحتمالات طاحو فبالي بقيت كنفكر حتا داني نعاس. فصباح فقت بكري على لوقت ديالي لكنفيق فيه ديما وجدت فطوري أو لبسة حوايجي جا لوقت أو خرجت أو أنا هابطة فدروج كتبالي لباب دار ديال سميرة محلولة.

أواه واش سميرة تكون زعمة رجعات أو لا يمكن إكون شي شفار ندخل أو نشوف شكون كاين تما دخلت أو تصدمت منين شفت شكون كان كالس تماك….. (فنطركم شكون كان فدار ديال سميرة و شكرا على تعليقات ديالكم زوينة او مكرهتش أي واحد قرا يبرطاجي او يطاكي صحابو باش لباج تعرف او تشجعوني حتا انا)

ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة


قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *