قصة اليتيمة – الجزء 7 –

قصة اليتيمة – الجزء 7 –

قصة اليتيمة

السلام عليكم اليوم الجزء 7 من قصة اليتيمة ياك باقي عاقلين فين خلينا القصة ديالنا

الفصل 13 من قصة اليتيمة

كالسة كنسمع صوت لمواج حتا حسيت بشي يد تحطات فوق كتافي هزيت راسي لقيتها
أ. رشيدة
أنا: نتي،ولكن أش كديري هنا
أ. رشيدة: منين كنت خارجة من لمدرسة بنتيلي أو أنا نتبعك حتا وصلت معاك لهنا.
أنا: (نضت لعندها) مكانش عليك تبعيني لهنا
أ. رشيدة: لا أنا كنشوف أحسن حاجة درتها هي جيت معاك لهنا. ولكن شكون دارليك هاد لحالة فوجهك. قوليلي شكون
أنا: حتا حد غير طحت


أ. رشيدة: لا مغاديش ضحكي عليا بهاذ لهدرة شوفي وجهك فيه هاذ ضرابي كاملين. أو هاذ لخبشات لي عنقك أو يديك جوبيني شكون دار فيك هاذ شي
أنا: نتي شتي غير هاذ جرحات لي فيدي أو وجهي أو مشتيش لجرح لكبير لعندي فقلبي. جرح لي عمر شي حد سولني أو قالي شكون لي جرحك فقلبك
أ. رشيدة: نهدرو فهاذ لموضوع من بعد ياله معايا لدار نداوي ليك هاد جرحات
أنا: (درت يدي على قلبي) أو قلبي واش إلا مشيت معاك غادي داويه حتا هو
أ. رشيدة:(شافت فيا بواحد نظرة ديال لحزن أو قربتلي) قلبك مالو شكون جرحو

أنا: قلبي جرحو لوقت كول نهار كنعيشو كنتفارق شي حد من ناس لعزاز عليا أنا دابا بوحدي. أو أصلان من نهار تزاديت أو أنا بوحدي عيت مابقيتش قادرة نتحمل. بغيت غير لمن نشكي كاع داكشي لي ضارني مكنلقاش لمن نعاود حيث معندي حتا حد فحياتي كولها و أنا بوحدي. حتا من والديا لاحوني أو أنا صغيرة عرفتي فاش كنفكر بالي حتا من والديا لولدني قدرو يسمحو فيا بلا رحمة أو لا شفاقة كنزيد نكره حياتي.

هاذوك هما سبابي فعذابي نهار على نهار كنكرهم بغيت عمرني فحياتي نشوفهم أو لا نعرف عليهم شي حاجة (دخلت فواحد لحالة هسترية من لبكا)بغيت نموت او نرتاح هادي أحسن حاجة تقدر توقعلي. شدتني و عنقتني هاد تعنقة خلاتني نحس بلي أنا بصح ماشي بوحدي. هاذ تعنيقة خلاتني نحس بالإحساس لحب. عنقتها حتا أنا أو حتا هي بدات كتبكي معايا. من بعد شافت فيا أوقاتلي

أ. رشيدة: كولشي غادي يفوت أو هادشي غادي يولي غير تعاويد إنشاءالله ماعلينا غير بصبر حيث صبر هو مفتاح الفرج
أنا: أنا إنسانة فاشلة أو ضعيفة مغاديش نقدر نزيد نصبر كثر من هكا حيث محدي قولت عيت راه بصح عيت
أ. رشيدة: ششش بغيتش نسمعك كتقولي هكا واخا. نتي ماشي فاشلة أو لا ضعيفة نتي بنت قوية خاصكي غير تزيدي تصبري شوية مابقاش بزااف أنا: يمكن نتي محساش بيا أنا ليوم راه فقدت إنسانة لوحيدة لبقات لي فحياتي أو قبل فقدت جدة هادشي جاني دقة واحدة مقديتش عليه


أ. رشيدة: من ليوم أنا معاك نتي ماشي بوحدك واخا. ياله مسحي دمعوك أو ياله نمشيو نذوي ليك هاد لجروح
أنا : لا مابغيتش نمشي حتا لشي بلاصة أنا غادي نبقا هنا شوية أو من بعد غادي نمشي لدار

الفصل 14 من قصة اليتيمة

أ. رشيدة: واش مأكدةأنا:أه مأكدة
أ. رشيدة: إذن واش تقدري تعطيني نمرة ديالك
أنا: آه واخا عطيتها نمرة ديالي
أ. رشيدة: تشرفت بزاف بالمعرفة ديالك
أنا: حتا أنا
أ. رشيدة: أنا كنظن بلي من أحسن تمشي لدار أو ديري ثلج لديك ضربة لعندك فوجهك. أنا: صافي واخاأ. رشيدة: ياله بسلامة عليك. غادي نعيطلك أنا: واخا. بسلامة مشات بحالها أو بقيت أنا كالسة أو كنفكر فسميرة لي ماتت بهاذ طريقة لمفاجئة. بقيت تماك حدا لبحر حتا لمغرب أو رجعت لدار قبل مطلعت لدار مشيت دقيت على أسماء حلات لباب أو كانت بقا مصدومة من لموت والديها دوينا أو قاتلي بلي راها مغاديش تبقا هنا بزاف غادي ترجع منين جات غدا فصباح توادعت معاها أو طلعت لدار.

لحت شكارة شفت وجهي فلمرايا كان عندي شي ضربات خايبين مشيت درت ليهم ثلج كيف ما قتلي أ. رشيدة من بعد بغيت نمشي ندوش وجدت حوايجي أو دوشت كانت يدي كضرني بزاف مكنتش نقدر نحركها. دوشت ساليت خرجت نشفت شعري. كالسة كنفكر بلي ديك آية تقدر تعاود ديري نفس داكشي لدارت لي هاذ نهار يعني خاصني نهز شي حاجة باش نبقا ندافع على راسي بالي واحد لموس هزيتو أو درتو فشكارتي. طفيت ضو أو مشيت نعس حطيت راسي فوق لمخدة أو طيليفوني يصوني.لقيتها أ. رشيدة

اقرأ أيضا : قصة أمنية رجل ميت – الجزء 1 –


أنا:ألو
أ. رشيدة: سلام لباس عليك كبقيتي واش كتحسي براسك دابا شوية مزيان
أنا: مهم أنا دابا رتاحيت شوية على قبيلة
أ. رشيدة: أو درتي ثلج لدوك جرحات لي وجهك
أنا: آه كي دخلت درتو
أ. رشيدة: إوا مزيان غدا واش غادي تمشي لمدرسة
أنا: آه
أ. رشيدة: آه صافي إلا حتاجيتي شي حاجة قوليها لي راه نمرتي عندك
أنا: صافي واخا شكرا ليك
أ. رشيدة: تصبحي علي الخير
أنا: آه أستاذة
أ. رشيدة: دابا حنا ماشي فالمدرسة تقدي تعيطيلي لي غير رشيدة
اقرأ أيضا : قصة أمنية رجل ميت – الجزء 1 –

أنا: آه واخا. بغيت نقوليك شكرا حيث هاذ نهار سمعتلي أو خلتني نتقاصم معاك همي
أ. رشيدة :لا مكاين حتا شي مشكيل أنا لخاصني نشكرك حيث تقتي فيا
أنا: ياله تصبحي على خير. سلات لمكالمة أو حطيت طيليفون يدي بقات كضرني ليل كامل. معرفت كيفاش ديك ليلة داني نعاس فوسط داك الألم لكان فيا نضت فصباح لبسة او خرجت مشيت لمدرسة كيما لعادة منين صونات ستراحة عودات جات عندي آية
آية: أحح مسكينة شكون دار فيك هكا
أنا: صافي بعدي مني ياك مكنجبدكش علاش مابغتيش تفرقي عليا
آية: لا غير بلما تحلمي اني نبعد عليك أنا هكا كنرتاح فاش كنحكر عليك هكا

أنا: لا نتي مكتحكريش عليا
آية: (شداتني من ليد لي ضراني أو زيرات عليا) بصح ياكما بغا عوتني تكلي لعصة بحال لبارح
انا: (جبدت لموس لعندي) دابا إلا قربتي لي غادي نحشيه فيك واش فهمتي. مشيت بحالي أو خبعت لموس فشكارة مشيت قريت. دوك لحصاص لبقولي داك صباح أو رجعت لدار. رتحيت أو عاود جات لوقيتة فين غادي نرجع فيه لمدرسة مشيت لمدرسة أو دخلت عند التربية الإسلامية. أو أنا كالسة كنقرا حتا دخل المدير أو الحارس العام عيطولي بسميتي أو قالو لي خاصكي تمشي الإدارة ضروري….

ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة


قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *