قصة اليتيمة – الجزء 8

قصة اليتيمة – الجزء 8

قصة اليتيمة

السلام عليكم اليوم الجزء 8 من قصة اليتيمة ياك باقي عاقلين فين خلينا القصة ديالنا

الفصل 15 من قصة اليتيمة

هزيت أدواتي أو يعلم الله أش باغين. أو حنا غادين فطريق سولتهم علاش باغيني قولولي حتا الإدارة أو تعرفي. منين وصلنا الإدارة كتبالي آية أو معاها باها كالسين غير وصلت
آية: هي هادي. هادي لي ضربتني بلموس فيدي فصباح
أنا: أش كتخربقي أنا مقصتكش كاع
آية: بصح هي أنا كنكدب عليك ياك. إوا هاذ ضربة بلموس لي فيدي شكون دارها لي
أنا: واش نتي حمقة أو لا مالك أنا فين قصتك. نتي لبارح لتعرضتي أو…


الأب آية: صافي بركة. غادي تعاقبي على هاذ هادشي لدرتي فبنتي
أنا: ولكن أنا والله مقصتها
المدير: أري شكرتك
أنا: ولكن والله حتا ظلمتني أنا مقصتهاش
المدير:قولتلك أري شكارتك إلا عطيتو شكارتي غادي نمشي فيها بغيت غير شوية ديال لوقت باش نفكر فشي طريقة نحيد بيها لموس من شكارة بلاما يشوفني.
المدير:واش مكتسمعيش او لالاوفاجئة كيبان الأستاذ ديال التربية الإسلامية بحال شي بطل بان بالنسبة ليا فديك لحظة

أ. تربية الإسلامية: سلام عليكم. بغيت نعرف أش واقع هنا
المدير:هاذ لبنت لحداك ضربات بنت هاذ سيد بالموس فيديها. أو عاد من لفوق هددتها
أ. تربية الإسلامية:كيفاش هادشي ماشي بصح حيث هاذ لبنت لي حدايا مديرش هادشي لي كتقولوفلوقت لكانو كتناقشو حاولت نرجع مور الأستاذ أو نتخبع باش نلقا فرصة لي نخبي لموس عندي. قربت شكارة عندي أو حليتها غير بشوية بقيت كنحاول فاش شديت لموس فيدي تجرحت فيدي ولكن واخا هكك مطلقتوش لحمدلله جبدتو أو خبعتو فجيب ديالي

الأب آية: واخا من هاذشي كامل باش نتأكدو خاصنا نقلبو شكارتها إلا لقينا فيها لموس ديك ساعة نحكمو عليها
المدير: بلما نعاود لهدرة أري شكارةعطيتو شكارة أو قلبوها مزيان أو مالقو والو فيها
آية: ميمكنش هي فصباح جبداتو من شكارتها أو ضربتني بيه مكدبتش عليكم
أ. التربية الإسلامية: كيفما شتي معندهاش لموس فشكارة أو كون كانت كضرب عباد الله بالموس كون راه لقيناه فشكارتها.
آية: ها نتا أأستاذ شوف يدي. شوف أش دارتلي فيها
أ. الترب الإسلامية:راه حتا هي تقدر تضرب يديها بالموس أو تقولك بلي نتي ضربتيها

الأب آية: سمحلي واش نتا كتكذب بنتي. بنتي عمرها كذبات فبحال هاد لمواقف أو أنا مأكد هاذ لبنت هي لي دارت ليها هكا. أصلان هذا تصرف عادي من واحدة ممربياش حيث أصلان معندهاش شكون يربيها
أ. التربية الإسلامية : حترم راسك معندكش لحق تدوي بحال هكا. بنتك لي خاصك تعاود ليها تربية هاذ لبنت هادي أنا الأستاذ ديالها أو عمرني شتها ذوات فالقسم مغير معايا أو عمرني شتها جبدات صداع معا شي حد عكس بنتك.أول مرة كنحس بشي حد كيدافع عليا هكا شعور زوين صراحة

الفصل 16 من قصة اليتيمة

أ. التربية الإسلامية: محد معندكم حتا شي دليل على هادشي لكتقولو أنا غادي نمشي أو غادي ندي معايا تلميذة ديالي حيث ميمكنش نضيعو ليها حصة على قبل بحال هاذ تفاهات
المدير: متافق معاك أ أستاذ تقدرو تمشيو لحصة ديالكم.واو ساد منقدنيش غير أنا نقد حتا المستقبل ديالي بأعجوبة كنتخايل كون مجاش فالوقت لمناسب أو حصلوا عندي لموس كنت غادي نمشي فيها واخا أنا هزة لموس غير بنية ندافع على.راسي. ولكن هي كانت ناوية ظلمني أو ضمرلي المستقبل ديالي.(خارجين من الإدارة)

أنا:كنشكر بزاف أ أستاذ عتقتني من واحد لمشكيلة لي كنت غادي نضيع فيهاوقفنا أو شاف فيا جبد من جيبو واحد لمنديل أو دارو لي فيدي أو بقا كمسح لي بيه دم لي كان فيدي
أ. التربية الإسلامية : أنا مدرت غير داكشي لخاصني ندير أو صافي معندك لاش تشكرني غير هو متبقيش تجبي لموس معاك لموس لمدرسة
أنا:ولكن باش عرفتي عندي بموس
أ. التربية الإسلامية: حيث حسيت بيك فاش كنتي كتجبديه من شكارة
أنا:واخا عندي لموس ولكن أنا والله مضربتها بيه أنا بغيت غير ندافع على راسي بيه حيث هي ديما كتبغي تجبد معايا صداع

أ. التربية الإسلامية :إذن هي لي دارت ليك هادشي فوجهك
أنا:آه تحمات عليا هي أو صحباتها لبارح
أ. التربية الإسلامية : أو علاش مقولتيهاش ليهم قبيلة
أنا:جيت نقولها ولكن مخلونيش كاع نكمل هدرتي أو واخا نقولها مغاديش يتيقوني
أ. التربية الإسلامية : حقق غادي تخديه بإذن الله غير كوني هانيا
أنا: إنشاءالله
أ. التربية الإسلامية : يلاه دابا نمشي نكملو لحصة ديالناطلعنا أو كملنا لحصة ديالنا سلات أو منين جيث نخرج عيطلي ساد

أ. التربية الإسلامية :منحتاجش أني نوصي فيك لموس متجبيهش معاك لمدرسة أو إلا ديك لبنت جات دوات معاك أجي قوليهالي
أنا:صافي واخا. أو شكرامشيت لدار أو أول حاجة درتها هي أني حيدت لموس من شكارتي كان غادي يجبد لي مشكيل كبير لعمرني نساه.كلست كنفكر أو بقيت كنفكر فداك لموقف لي دار ساذ فدقيقة 90 جا عتقني أول يجي شي حد يدافع عليا أول مرة يوقعلي شي مشكيل أو يجي شي حد يحلو لي بلما حتا ندوي . ولكن ساد دار هاذ نهار واحد لحاجة لي جاتني بزاف. كلمة شكرا جاتني مكفياش…

ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة


قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *