قصة اليتيمة – الجزء 9

قصة اليتيمة – الجزء 9

قصة اليتيمة

السلام عليكم اليوم الجزء 9 من قصة اليتيمة ياك باقي عاقلين فين خلينا القصة ديالنا

الفصل 17 من قصة اليتيمة

داك نهار كمل عادي نضت فصباح باش نمشي لمدرسة هزيت معايا لموس أو حطيتو فكرشي أو مشيت لمدرسة قريا داك صباح أو حمدلله موقع حتا مشكيل منين كنا خارجين كتبالي آية هي أو صحباتها خارجين قررت أني نتبعها بقيت تبعاها حتا تفارقت مع دوك لبنات لي كانو معاها أو بقيت تبعاها جبدت لموس لعندي حتا دخلت لبلاصة خاوية او شنقت عليها بحال داكشي ديال شفارة حطيت ليها لموس فعنقها

آية: أويلي واش نتي حماقتي أو لا مالك بعدي مني
أنا: حمقة ديال بصح هي نتي شحال أو أنا صابرة عليك كنت شحال هادي قولتهالك قوتليك بعدي مني حيث إلا نضت مغاديش يعجبك داكشي لي غادي ندير لك
آية:أش غادي ديري كاع
أنا: هاد لموس غادي ندوز ليك بيه على هاد لكمارة ديالك
آية: إلا قصتيني غادي تندمي بزاف حيث مغاديش نسكت ليك


أنا: (لحت لموس أو شديتها من شعرها أو جريتها) هاذ لمرة غادي نعطيك حتا أنا إنذار لمرة جاية غاذي تعاودي ديري بحال داكشي ديال لبراح أو لا عاودتي قربتي لي داكشي لي غادي ندير ليك مغاديش يعجبك
آية:ياك أو بسلامة أشنو غادي ديري كاع
أنا:غادي نمشي عند باك أو غادي نوريه تصورك نتي أو داك صحبك كتبوسي فالمدرسة أو غادي يعرف بنتو لمربية على حقيقتها
آية: نتي غير كذابة معندك والو


أنا: إوا غير جربي تعاودي تجي لجهتي أو غادي تعرفي واش عندي أو لالا. يلاه سيري بحالك دابا أو هذا أخير إنذار عندك تفهمنا.مشات بحالها. أو صراحة أنا معندي حتا شي تصويرة ديالها أنا غير كنت شتها أو صافي.منين جيت نرجع بحالي حتا أنا لدار حتا كتبالي أ. رشيدة من بعيد أو كتشوف فيا. أواه أش جات كدير هنا أو علاش تبعتني.

إقرأ أيضا : قصة ذئب عاشق 3

الفصل 18 من قصة اليتيمة

مشيت عندها
أنا:سلام أش كديري هنا
أ. رشيدة: كنتمني هادشي لشفت دابا ميكونش حقيقي. ياك قوليلي هادشي ماشي بصح
أنا: أنا درت غير داكشي لي خاصني ندير
أ. رشيدة:واش هذا هو تصرف لخاصكي ديري. أنكي تجبدي لموس على لبنت أو كون ضربتيها أو لاشافك شي حد فين غادي نوصلو ديك ساعة

أنا:إوا مشافني حتا حد أو زيدون ديك لبنت تستاهل هادشي أو كثر كاع حيث هي لي ديك نهار تحمات عليا هي أو صحباتها
أ. رشيدة:هادشي كان خاصكي تقوليه لي أو أنا غاذي نمشي عند لمدير أو نحلو لمشكيل لي بناتكم
أنا:صافي ها حنا حليناه غير بنتنا
أ. رشيدة :أش غادي نقولكم غير الله يهديكم
أنا:آه أمين. قوليلي علاش جيتي عندي هاذ نهار

أ. رشيدة:أنا جيت عندك هاذ نهار باش نعرض عليك تغدي أو تعشي عندي أش بالك. أو مابغيت حتا شي إعتراض
أنا:صراحة والله معرفت
أ. رشيدة :قوتليك مبغيت حتا شي إعتراض واخ
اأنا:صافي واخا.مشيت معاها لدارها.
أ. رشيدة:يلاه مرحبا بيك عنديدخلت أو صراحة دارها زوينة بزاف كبيرة أو مفرشة فراش واعر بزاف أو بين غالي
أ. رشيدة:تفضلي كلسي متحمشيش

أنا:واو صراحة دارك زوينة بزاف
أ. رشيدة:بصح هي عجباتك. أنا فرحانة بزاف حيث نتي ليوم عندي فدار
أنا:شكرا ليكهاذ ساعة بانت واحد لمرا
أ. رشيدة :آه بغيت نعرفك بسعيدة هادي لمساعدة ديالي أو ليد لمنية ديالي هنا فدار
سعيدة:مشرفين أبنتي نهار كبير هذا. لالة رشيدة عوداتلي عليك بزاف ديال لحوايج لدرجة تمنيت أني نطلقة بيك شي نهار أو حمدلله ها نتي حدايا ليوم

أنا:شرف ليا. أنا فرحانة حيث طلقيت بيك أو تعرفت على إنسانة ضريفة بحالك بقينا كندويو. حتا لواحد لحظة كنسمعو دقان فلباب
سعيدة:أنا غادي نمشي نحل لباب ألالة
أ. رشيدة:واخا غادي يكون غير جمال هذاجمال بينا غادي يكون راجل أ. رشيدةمشات حلات سعيدة لبا
بسعيدة:مرحبا بيك أسيدي
جمال:ترحب بيك جنةهاذ صوت هذا مجانيش غريب معا دورت وجهي كنلقاه….
شكون هوا جمل فنظركم ؟؟ وشنو كتوقعو يكون فالجزء الموالي ؟؟

وايلا هنا نصل الى نهاية هاد الجزء من قصة اليتيمة نراكم في الجزء الموالي الجزء الأخير من القصة
ترقبو دائما جديد القصص بالدارجة المغربية , مع موقع قصة

جميع أجزاء قصة اليتيمة
الجزء 1
الجزء 2
الجزء 3
الجزء 4
الجزء 5
الجزء 6
الجزء 7
الجزء 8
الجزء 9
الجزء 10

قصص لها علاقة بالقصة :
جميع أجزاء قصة الخطأ
قصة اليتيمه والشرطي – الجزء 1 –

قصة اليتيمة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *