قصة بنت الفقيه – قصة سفالة – الجزء 6

قصة بنت الفقيه – قصة سفالة – الجزء 6

قصة بنت الفقيه المقحبنة


الفصل 14 من قصة بنت الفقيه

#بنت_الفقيه

هاديك بنتها معندها فين ترميها..
سلمى : الحاج بغيت نستاشر معاك
الحاج (عبد الموغيث الملقب بسي الفقيه) : اش تماك اسلمى
سلمى:مبانش ليك زواج هد البنت زربا عليه
الفقيه:اش هد تخربيق اهاد المرى ياك ديما نتي لي قاهراني بلي خاصنا نزوجوها وتمشي دار راجلها اوى محمد مكاينش حسن منو ولد ناس و بصنعتو و زايدون مالها واش مبغاتش
سلمى: ايييييه ولد ناس بصنعتو ولكن البنت صغيرة يلاه 17 عام و هو كبير عليها


الفقيه : ونتي فاش تزوجت بيك كنتي صغر منها و هانتي بدارك و بنتك
سلمى :(تأفأفات) غير دويت الحاج
الفقيه : اهيااااتاااا معجبتينيش شنو كاين تماك واش مخبيين علي شي حاجة؟
سلمى : لا حاشة الحاج غير هو عندي بنت وحدة مبغيتش لوحها لمن والا بغيتها تعيش فالعز و تمتع فحياتها ماشي حياتها كلها فالزلط هدشي لي كاين
الفقيه:مال زلط كي جاك عمرك نعستي بجوع؟ ياك لي بغيتوه كنجيبها ليكم ولي قسم الله كنعطيه ليك ولا صافي شبعتو
سلمى : لا حاشة اسي الحاج


الفقيه : طمع طاعووون اسلمى متخليش درية تأثر فهاد الهدرة
وقبح الله الفقر
سلمى : سمح لي اسي الحاج صافي نعس تصبح على خير
الفقيه : نوم الهنا
ضارت على جنبها الاخر وهي كتمتم

سلمى : منين غيجي الهنا مع هد الموصيبة لي خرجات من كرشي


الفصل 15 من قصة بنت الفقيه

#بنت_الفقيه

اصبح الصباح فاقت اسماء على ردان و دوخة…
مشات تتجري دخلات طواليط تترض حتى مصارنها رضاتهم…
خرجات لقات مها لابسة جلابتها
اسماء : فين مالكي فين غادية على صباح
سلمى : الله يلگيها ليك لبسي يلاه ديني عند هد ولد الحرام لي جبتي منو الكرش نتفاهمو معاه
اسماء: ماما متخلنيش نبان صغيرة قدامو انا غنمشي ندوي معاه


سلمى : والله يابنت الحرام لتفاكيت معاك رجلي برجلك نشوف هد البرهوش لي تفلا عليك و كلا ليك عقلك
اسماء : ماما قسما بالله و محيدتي جلابتك وشديتي الارض لزدت معاك خطوة انا غنمشي عندو ونقوليه كولشي انا متأكدة غيجي يتزوج بي حيت كيبغيني وعمرو غادي يسمح في
سلمى : الله يعطيك الموت ندمت على نهار لي ولدتك فيه تمنيت تموتي و متخليش الغادي والبادي يضحكو علي بنت فلانة جابت كرش من زنقة وباك لي غير يعرف غيسكت ليه القلب بنت الفقيه طلعات مقحبنة..كون عرفتك غديري لي هدشي كون قتلتك و تهنيت منك
اسماء غير ساكت ودموعها نازلين على خدها و عويناتها ولاو حمرين من قوة البكا ليل كامل تتبكي


سلمى : بكي ياوجه الخطية بكي يلاه سيري دوي معاه شوفي معاه شي حل لهاد الموصيبة الله يلقيها ليك
اسماء : ووواااخااا (تتبكي وتهدر)
لبسات جلابتها و دارت فولارها و بلغتها فرجليها…
هبطات بلا فطور بلا والو من لبارح مكلات
شدات طاكسي وطريق كاملة وهي كل شوية توقف مول طاكسي تنزل تقيا و ترجع طلع
وصلات العمارة و طلعات خلاها الكونسياج حيت كيعرفها عند من كتجي…
طلعات حتى الشقة وبدات تتصوني حتى واحد مكايجاوبهاش
هزات تليفونها تتصوني عليه


الفصل 16 من قصة بنت الفقيه

#بنت_الفقيه
هزات تليفونها تتصوني عليه و والو تقولي واش شي حد جاوب
گلسات فدروج تتسناه… شوية تفكرات ليوم كيكون خدام نهار كامل بحكم هو مدير دار ضريبة (ايييه خدام مع المخزن و معدي على درية قاصرة)
شافت حتى عيات و نزلات مع دروج كتجر فجلايلها… وقلبها كيتحرق
كتحس بلي صافي ضاعت وحياتها غادي تسالي
بقات تتجر فرجليها وهي غادا مع شانطي


حتى كتسمع صوت سيارة جايا بجهد كانت شوية و ضربها كون ما اخر لحظة خوات ليه طريق
مول سيارة :واااش نتي عمية تفو على بشار
وداز طاير… اما هي بقات غير كتبكي الشال طاح ليها وبقا شعرها الاسود المخملي طايح على كتيفاتها… و وجها الابيض و نيفها لي ولا حمر من قوة البكاء و عويناتها ذبلو
تحت عينيها ولا كحل من قوة البكاء وصهير…
بقات غادة مع جنب طريق حتى وصلات محطة طوبيصات
طلعات فطوبيس و حطات راسها على زاج شوية تتحس بشي واحد گلس حداها
كانت مرأة حاملة وكرشها باينة تكون عندها 8 شهور


اسماء بقات مركزة على كرشها وتتخيل راسها هي بلاصتها فاش اتكبر كرشها
المراة حسات بيها و بتاسمات ليها
اسماء : الله يفك وحايلك على خير
المرأة : امين احبيبتي مالكي تتبكي
اسماء : والو غير ضاربني البرد و عينيها كيبكيو بوحدهم عندك بنت ولا ولد؟
المرأة: الطبيبة قالت لي بنت راجلي فرح بزاف بعد 5 سنين ديال زواج ربي رزقنا ببنت
اسماء بتاسمات ليها تمنات تكون بلاصتها كون كانت مزوجة كون دابا اطير بالفرحة


عكس دابا عايشة الحزن بحالا تقول هازة قنبلة نووية فكرشها و يمكن فأي دقيقة تنفاجر داخلها وتموت…
رجعات حطات راسها على نافدة تتشوف ناس من خلالها… وتتفكر فالمجهول شنو غيوقع دابا
حطات يدها على كرشها وهي تتفكر فمصير هد الجنين البريء لي معندو حتى دخل فهادشي بالاضافة الى انه روح عزيزة عند الله مستحيل تصلح خطأ بخطأ اكبر منو اكبر الكبائر عند الله قتل روح…

شنو توقعاتك ايوقع في الجزء التالي من القصة

جميع أجزاء القصة (تم التحديث 31/03/2021)
الجزء الأول
الجزء الثاني

الجزء الثالث من قصة بنت الفقيه
الجزء الرابع من قصة بنت الفقيه

قصص لها علاقة بالقصة :
قصة – قصتي مع صاحب بابا – الجزء 1 –
قصة – قصتي مع صاحب خويا  الجزء 2

قصة بنت الفقيه المقحبنة – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *