قصة جربتو وعجبني – الجزء الأول –

قصة جربتو وعجبني – الجزء الأول –

قصة جربتو وعجبني – سوق العيالات –


#سوق_العيالات
#جربتو_وعجبني

الفصل الاول من القصة


المهم الاسم ديالي سناء كانقرا فمعهد Sist فالرباط بابا و ماما الحمد لله ميسرين يعني ماشي مخصوصة وانا الصغيرة دالدار انا مهلية فراسي يعني فيا طاي زوينة و شعري طويل و كحل و مطرمة و مبزلة يعني الحمد لله عندي مؤهلات كنت عايشة حياتي عادية حتى دخل لحياتي واحد ولد الــ **حبة

ولكن انا اللي بنت الـــ **حبة من بعد تعرفو علاش المهم كانمشي نالمعهد بحالا غادا لعرس ختي هانتوما عارفين الطحاب مسكسفة واحد الزين كان كل نهار كايدوز بالطوموبيل حدا المعهد كل نهار و صراحة توتووووووووَز و باينة فيه مهلي فراسو ختكم دارتو فبالا

هادااك ديالي و بحكم انني عملت علاقات قبل تصاحبت ولكن التصاحيب اللي كانتصاحب ديال البراهش ماكانطولش فيه يعني عمري وصلت لمرحلة الرومانسيات و داك الشي خونا عجبني سولت ايمان عليه

(ايمان صاحبتي الانتينم و القوق ديال الرباط كامل على يديها مستحيل تسولها على شي ولد و ماتكونش كاتعرفو) ماعلينا سولت ايمان قالتلي باللي هاداك سميتو امين و باباه هو المدير فشركة الفسفاط ديال المغرب فدبي و خااااانز فلوس ولكن ولد الطحبة من ولاد الط**حبات الكبار ماكاينش شي بنت فلتات من يديه كايعبد الدريات …

و وصاتني بلاما نفكر نتقرب منو حيت غايخرج عليا ختكم واخا هاكاك مامزاكلاااش بربي لا فلتو درتو فبالي غانجيب الزامل بوه واخا يكون فتاوجطات التسكسيفة تضوبلات و التقزيب زاد المهم بالرب يايطيح يانطيحو بزز كل نهار تاندوز بلعاااني من الطريق اللي تايدوز منو هو حتى لواحد النهار ختكوم بصايا قصيرة و غاديا فالطريق والسي امين يعطينيي ندوز وانا زعما مامسوقاش شاف فيا واحد الشوففة …. خليكم متبعين معنا فالقصة ..

 الفصل الثاني من قصة جربتو وعجبني

تبعني وانا زعماا قنانفي غايتدربو فالسما بقا تابعني شوية و حك على بويا الروايض و زاد قلت فبالي يالخشبة طيرتيه من يدك مالكي ماتوقفيش شوية غير هانا طيرتو

المهم طريق كلها وانا نسب فراسي مشيت للدار واخا هاكاك مافقدتش الامل هاديك اصلا طريقو ديما غادي جاي من تما الغد ليه مشيت و دزت من نفس الطرييق والو مادااازش شي ربعيام مابان حتى فقدت الامل فخطرة و قلت صافي طار التوتوز الخشبة دازت شي سيمانة فقت معطلة وعندي ايكزام غسلت وجهيي دغيا و لبست سورفيط و سبرديلة و جمعت شعري و خرجت تانجري

دوزت الايكزام و خرجت صفرة كيورقة الاستدعاء و كاعيا و غادا علاين نبكي واحد اللقطة ماكانسمع غير واحد الصوت حدايا مادموزيل عليت عينيا ناري على طولة و ع)لى زين و على ريحة باغفان مقودة ويلي تطرشت و هو يمدليا يديه و قاليا c’est Amine بقيت كانشوف و مطروشة حتى زدت تطرشت ملي تفكرت الحالة اللي انا فيها اويييلييي خنزرت فيه و حنيت راسي غاديا و هو يشدني قالي هاد المرة ماغاتهربيش

 الفصل الثالث من قصة


مانقولكمش شحال تحلات ليا قلت ليه :
سناء:اش بغيتي اخويا
امين: خليلي votre numéro de téléphone
سناء:مين كانعرفك اخويا باش نعطيك الرقم ديال (وانا فقلبي كانقولو هاك احبي)
امين: عطيتك فرصة وانا عمرني طلبت شي حاجة من شي وحدة هوما اللي كايطلبو
طلع ليا الدم بديك الهضرة واناا نقول ليه
سناء: واخويا غير كمل طريقك ماغانعطيك والو


شاف فيا واحد مولاتي الشوفة قلت ناري دابا يدفل عليا مشا ركب فطوموبيلتو و كمل الطريق صافي هاد المرة قلت يثود مال دينمو باغيني اناا نطلبو ولا يمشي و يجي ماحسن منو وبقيت غاديا وانا مرة نقول عبرت عليه و مرة نقول ناري على تبرهيش ماكانش عليا ندوي معاه بديك الطريقة صافي كمل ت طريقي مشيت للدار عيطت لايمان قلت ليها لافير كاااملة بقات مبلوكيا كاتغول ليا ناري الساطة بالرب عمرو دار هاد الشي مع شي بنت

و فاللول ماتاقتش بيا صافي غالت ليا حسن اللي ماعطيتيهش الوقت وانا درت راسي مامسوقاش بحالا عندي عادي و بقيت ساهية و كانتفكر كيداير فالواقع حسم من اللي كايكون فطوموبيلتو و على ضحكة و على صواب ولكن انا منسواش نعست و قلت صافي دازو ايام كانت العطلة انا كاندور فانستغرام و هو يطلعلي شي حد ابوناني

و قريت امين برادة ناااريييييييي واش بصح اوييييييلييي مشيت نتسطا بالفرحة و درت سكرينشوت و صيفطتها لايمااان .. قصة تتبع

 الفصل الرابع من القصة


صافي فرحت و تركنت و غلت مع راسي دابا صافي اديك الموصيبة باراكة من التعنطيز اكسيبطيت و صيفطتليه حتى انا ابوني و بقيت كانحط فليسطوغي غير التصاور لي كيأتيريو ديالي نطلق زيني عليه دخل صيفطليا ميساج بونسواغ و احلى بوسواغ سمعتها فحياتي

الخشذات ناري بقيت زعما تعطلت شوية عاد جاوبتو بقينا كانهضرو بلاما ندخليكم فالتفاصيل هانتوما عارفين داك الشي ديال التعارف و داك الشي و ختكم زرغة فالفرونصي وواخا هاكاك كانتقاتل مع دينمها لغة صافي دوينا شي تلتيام ولا ربعيام وحنا كاندويو

و هو يغوليا شباليك نديرو شي خرجة اونصومبل وانا كانستناه يغولها قلت ليه داكوغ ولكن وقتاش باغسكو ماعنديش شي الوقت بزاف زعما عند جدبويا المشاريع وانا المسخوطة الناموسية تقبتها بقوة النعاس قاليا نخرجو دومان قلتليه امم داكوغ ايوا و هو يقوليا ادا كنا غانخرجو الصباح نخرجو او باطو و بالليل نشوفو نخرجو بالطوموبيل كلت مع بالي باطو باغي يكويني و يرميني فالما حتى العومان ماكانعرف نعوم قلتليه لا نخرجو بالليل حسن بعدا حتى ادا رماني فشي خلا ياكلوني الكلاب حسن ..

ترقبو دائما جديد القصص بالدارجة المغربية 2021, مع موقع قصة

جميع أجزاء قصة جربتو وعجبني
الجزء الأول
الجزء الثاني
الجزء الثالث

قصص لها علاقة بالقصة
قصة نهار تبدلات حياتي

قصة جربتو وعجبني – 9issa.com


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *