قصة ذئب عاشق الجزء 11

قصة ذئب عاشق الجزء 11

نبدأ الأن تتمة أحدات قصة ( ذئب عاشق ) .. 

الفصل 21 من قصة – ذئب عاشق –  

يالله غا تنطق حتى سمعت الباب تتخبط على الجهد خلاهم بجوهممم يقفزوووو و تهز راسها نيشان لساعة غير شافتها كحلت بالعمى وهزت يدها تتصرفق فوجهووو و تقول
_ اويلييي ميمتي كحلتهاااا مشييييت فيها الليلة يذبح مي اوشن اويلي تعطلت
وقفت تتلبس حوايجها وشدها انس من دراعها كيهدن فيها


_ بلاتي نشوف غير شكون فالباب انا نوصلك تال داااار
نطرت يدها منو مخنزرة فيه بعينيها
و لاحت لو الهضرة فالوجه


_ معرفتش انا بأشمن وجه كتشوف بيه فيه والله ما عرفت .. صاااااحبك مقاد تقول ليه حتى انا طالب منك ختك
غوت عليها بكل جهدووو من سيرة هد الموضوع لي فين ما شافها تتجبدوو معاه


_ ماااااابغااااااش طلبتووووو طلبتها ماااا مرة ما جوووووج مااااابغاااااااش خوووووك مااااابغاااااش ما قبلش بيااااا مراااااضاااش يعطيك ليااااا كنعياااا ساكت شنو بغيتني نديييير مثلا نبعد عليك؟ نموووووت!


_ اااه موووت .. انا علاش وصلت معاك اصلا لهااااد شي كامل؟ بااااش تزوج بيااا ولا باش تخويه وتقود فحالك انا شنو ظمن لي انك غا تزوجي!؟ شنووو ظمن لياااا ونتا حتى صااااحبك مدرتش ليه عتباااار شنووووو


_ فتوووووووووش متحمااااقيش عليااا عااود تديني الموت لا داتني وحدة اخرة بغيتي غا زواج؟
_ بغيتك طلبني من خويااااااا .. متكوووووونش شمااااتة وغداااار .. صااااحبك و دزتي فيييييه
ما ان كملت كلامها حست بكف قوي جاها للحنك من يدو الصلبة و شدها من شعرها مقربها لعندووو
و جهوووو حمر كيف الدم و منخارو تتفتح وتتسد بقوة العصاااب لي ركبااااتو فيه ..


كيفاش غا يشرح ليها ويقنعها ان خوهااا مابغااااش مبغااااش يكون نسيبوووو ولا ياخد ختووو كيفاش غايشرح ليهاااا اصلا ولكن ديك متكونش غذااار وشمااااتة بقات تطلع وتتهبط فيه كي لعافية
و بدون تفكيييير قااااال


_ بغيتي غير خوك يعرف اجي الالة نعرفووو جد بووووه مالنااا حنا ماشي رجاااال لديلممممك ولا شنو
لاحها على ناموسية و دار تلبس حوايجوو وقال بلا ما يشوف فيها بالغواات تنهض فيها نسااااو الباب لي كان تتفرع
_ تهزيي تلبسي حواااايج تقودي نفرگعو هد الرماااانة حنااا گاااع
لبست حوايجها و هي تترعد عاد حست بكلامها و بشي لي قالتو و هي معصبة .. و هو معصب دابا ماعندها ما تبرد فيه ..
ولا عرف اوش؟ شنو غا يوقع


ذئب عاشق .. التتمة
  


حساتو جبدها من يدها معصب لأقسى دراجة وفاايت العصااااب لهيه
مع حل الباب باش يخرج مع فتح عينو وفمو وكلشي فيه بصدمة وبتلع ريقووو من هد الموصيبة لي كان غادي ليها برجلو لقاها قدامو
فتوش بتلعت ريقها ووسعت عينيها بندهاش ..


الهضرة مقدرت تنطقها ولا خرجها و عزرائيل لي كانت خايفة منو هاهو قدامهااا.. ثواني و هي غا موسعة عينها وتتشوف بصدمة
و هو كذلك عينيه ولات كيف دم مرة يشوف فيها و مرة يشوف فيه


مقدرش ينطق ولا يصدر اي صووووت و الماااااااس تغرست لو فقلبووو وفظهرووو مالي شاف صاحبوووو الروح بروح شاف فيد ختوووووو لي فمقام بنتووو
حتى اخير قدرت تنطق فتوش بصوت مهموووووس مقاطعة داك الصمت
_خخخخ خوياااااااا .. أو اوووشن

الفصل 22 من قصة – ذئب عاشق –  

” الدار البيضاء

.. حلت عتاب عويناتها و هي مفزوعة و جبهتها كلها عرقانة وتتلهت
بااين كانت تتحلم وداك الحلم خاايب
ستغفرات الله شحال من مرة و رجعت تكت تترتاح شويا و ترجع نفسها

عاد تگعدت تتكسل وهي عاقدة حجبانها من نعاس لي خسر فيها ..

تفوهت و تكسلت مزيااان وووقفت قدام الشرجم ولهدوووووء مستوطن وجهها و عويناتها مجبدين بنعاس و حجبانها مگرونين

كيف شي هدوء ما قبل العاصفة كانت

غير تتشوف فسما و تنهد مرة مرة و عقلها خدااااااااام كيفكر فالهروب

و مرة فكلام انس فأش قال ليها

_ هربي … نتي ماشي مجبورة تصبري ليهم

و مرة فكلام مهدي

_ عمرك اعتاب تخلي بنادم يمشيك على هواه .. سيري على هواك .. على طريق لي نتي كتشوفيها صحيحة حتى لو طلعت فلاخر طريق غالطة المهم هو مشيتي على هواك ونتي مرتاحة … هد الجهل ديالهم بإمكانك تحديه وتديري ليه حد .. كيما درت ليهم تنا حد .. و لمدة 22عام عمر سيرتي تذكرت فدار عمك لدراجة ان نتي و مكتعرفينش حيت انا مقبلتش بالجهل وظلم ديالهم

و فعز تفيكرها جا فبالها كلام أوشن و نبرة صوتوو و كلامو الحامي

_ تگدي على زنقة؟ و على جووع

..ولكم كلام مهدي هو اكثر كلام أثر فيها و زيد عليها تعاملهممم معاها خلاها تكفر .. و حلمها لي بغات تحقق و توصل ليه

سمعت صوت التيلي ديالها كيصوني
توجهت هزاتو و بتاسم بستهزاء مالي لمحت اسم مريم بنت عمها

و قالت بصوت مسموع قبل ما تجاوب

_ ناقصاني نتي يا ختي ناقص جدي السم و الهم

.. دوزت لابيل .. و سمعت صوت مريم ووهي كتقول بميااااعة و داك نفاق الخاوي ديالهاا

_ حبيبة ديااااالي صافا عليك

قلبت عينيها يمين وشماااال و تنهدت
و ردت بنفخة كتقلب ففمها و عينيها

_ هد ساع الا قطعتي وعطتني بتساع غا نكون بخير

ضحكت مريم بالفقصة و دارت كل ما فجهدها باش تتهدن لا تصدق مخسرة الديكور و هي باغا تبان مزيانة

و قالت بهدوء منااااافقة

_ ههههه احبيبة ماشي حشومة عليك انا صونيت نسول فيك ونتي كتقولي لي هكذا؟ على العموم ازين بغيت غير نعرض عليك لخطبتي و عرسي غا يكون فشهر 3 نيت

زفرت عتاب زفييييير عميييييق ما عندهاش غرام د الخاطر ليهاا ولا لشدان الهضرة معاه

و هد الخطبة كلها معرفتها منين جات ولا كيفاش جات اصلا و ممرتاحش ليها وعمرها ترتاح لمريم بضبط لي كتكرها
شنو زعما بغات تقول ليها هاني تزوجت؟


ذئب عاشق .. التتمة خليكم ديما حاضرين

و قالت بعدم الاهتمام كتزرب عليها فالهضرة

_ شكرا اختي مبروك ومجاياش يالله بسلامة عليك

قطعت عليها فوجهها و غمضت عينيها صبرها سالا
لي فيها كافيهااااا و مريم غير تتزيد على ما بيهاا

قرار صعييييييب خاص تاخدوووو

بين انها تهرب وتحقق حلمها وقرايتها و تاخد سخط باها و تعياب الناس ليها

و بين انها تبقى وتصبر لظلم ديالهم و زواج لي باغين يزوجوهااا

شافت حتى عيات وفكرت حتى عياااات وفلاخر خرجت بقرار لا نقاش فيه ياااا ربحة يا دبحة

و توجهت للباب ديال غرفتها باش تخرج تاكل شي حاجة

يا الله حطت رجلها عند الباب كتسمع الضحك و الهرااااج و صوت البنات بالكثرة خصوصا ان صوت غريب عليها!

عقدت حجبانها و خنزرت على جهد تمشات قاصدة الصالة لي جاي منها الصوت و كل ما قربت كتسمع الضحك الم٩حبن على جهد جهدوووو

وسعت عينيها وحلت فمهاا فحالا صرفقها شي حد من المنظر لي كتشوف

تتمت القصة في الجزء القادم

باقي أجزاء القصة : اخر تحديث بتاريخ 07-03-2021
الجزء 1 القصة
الجزء 2
الجزء 3 قصة ذئب عاشق
الجزء 4
الجزء 5
الجزء 6
الجزء 7

الجزء 8 من القصة
الجزء 9
الجزء 10

قصة ذئب عاشق 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *