قصة – قصتي معا الرجل لي ماشي من عالم الأنس – الجزء 2 –

قصة – قصتي معا الرجل لي ماشي من عالم الأنس – الجزء 2 –

قصة – قصتي معا الرجل لي ماشي من عالم الأنس

تتمت قصة البنت لي كتبغي راجل من عالم الجن

الجزء 3قصة قصتي معا الرجل لي ماشي من عالم الأنس

عينيا خرجووو وقلبي بغا غيسكت بديت تنقول بسم الله وباقي واقف بديت تنغووووووت ربي لي خلقني جات عندي ماما تتجري وتبعها بابا وخوتي وعاد ختي وديت كنترعد وكنبكييي وتنقول ليهوم كان شي حد هنا فالبيت كان شي حد هنا قالت ليا ماما بسم الله عليك ابنتي بسم الله عليك نتي فعار الله ونبي رسول الله جابو ليا الما وسكار شربتو وبقيت غا كنترعد شويا صافي مشاو ينعسو بقات معايا ماما وختي نعسو حدايا وخا هكاك بقيت خايفة لغد ليه فيقاتني ماما كتسول فيا اش وقع وعاودت ليها كولشي بالتفصيل وعلى داك الولد وكولشي قلت ليها كيفاش تلاقيت بيه وبلي 5 شهور وحنا معا لعضياتنا وقلت ليها كولشي

وقلت ليها على تقرقيب لي سمعت البارح ستغرباااات بزاااف بحال الى تاهيا تخلعات قالت ليا وفاء بنتي يكما غير كنتي غير كتحلمي قلت لا والله تا بصح وتعرفت عليه و كولشي هادشي ليعاودت ليك راه بصح قالت ليا راه غا كنتي لبارح كتحلمي يمكن صف انا سكت وهيا ماما بقات مستغربة وخا قالت ليا غير كنتي تتحلمي حسيت بيها تخلعاات عليا وقالت ليا هكاك غير باش منبقاش مخلوعة وصف


ودوزت نهار كامل وانا مخلوعة ماما عاودات لبابا على داكشي من اللوا تال لخير بدا كيعاير كيقول واه حمقا هاديك بدا تيقول اش هاد الخرفات وهاد التخربيق هادشي مكيتقبلوش العقل وانا كنسمع فيهوم وغير كنبكي مخلوعة وهوا يقول ليها اخر مرة وفاء تخرج من دار متبقاوش تخليوها تخرج ولا حتا طل من الشرجم داز عندي داك النهار كامل تفكير وخوف وكنفكر قديك ليلة

إقرأ أيضا : قصتي مع بنت الشوافة – الجزء 2 –

جا تاني ليل غير طاح ظلام حسيت براسي مخنووووقة بزاف مقجوجة بحال الى شي حاجة واحلة ليا وبغيت نعس قلت ليهوم شي واحد يجي ينعس حدايا و وهوا يقول ليا بابا سيري تنعسب بوحدك من البسالة بديت تنشووف فيه وقلت ليه راه خايفة وهوا يقوليا داك الحماق ديالك خليه عندك ولا سيري ديريه على شي حد اخر بقااا فيا الحال حيت ممتيقنييييش قلت ليه مغديش نقدر نعس بوحدي وهيا تقول ليه ماما خليني انا غنعس حداها قاليها لا خليها تنعس بوحدها قاليها نتي لي ضسرتيها تا ولات هكا بحال الحمقة بابا انسان قااااصح بزااف وصاااارم قالت ليا ماما سيري ابنتي تنعسي قراي القرآن ونعسي ولمقديتيش ديك ساعة تنعسي عيطي ليا نجي عندك قلت ليها واخا


دخلت لبيتي بديت تنضور راسي فلبيت يكما ما كاين شي حد وصافي تكيت نعست بديت كنقرا القرآن وداتني عيني نعست تقريبا ساعة ونص هاد المرة تنسمع سميتي وفاء وفاااء معا كنت ناعسة تنسمع سميتي بواحد الصوت معرفت كاع كيداير صوت خااايب كيخلع حليت عيني مدعوووقة تنلقاه واقف عند راسي قلبي بدل تيضرب بجهد بديت تاني تنتعرعد بديت كندكر اسم الله وكنبكي واش اخوتي عرفتو على شعووووووور راه الموت بعينيها بديت تقول ليه اش بغيتي عندي وانا كنبكي وهوا يقول ليا لي متيوفيش بكلمتو معانا كيكون عقابو خايب

وصوت باش تيهضرر ماشي بحال صوت عادي لا صوت غليض وخايب وقلت ليه شكون نتا واش باغي عندي وكندكر اسم الله قاليا هدا هوا المصير ديالك وهو يقول ليا حنا مالين هاد المكان وخاصكي تكملي داكشي لي بداتو جداك هنا ونااري فاش دكر جدة خواو ليا الركابي عاد عرفتو منين تسلط عليا وعاد عرفت فين ختفات ديك الميكة لي فيها داكشي باش كتشعود جدة وبديت تنغوووووت

الجزء 4 قصتي معا الرجل لي ماشي من عالم الأنس

ملي سمعتو تيعيط ليا تصدمت بديت تنغوت بجهد جات ماما كتجري عندي وتبعها بابا لقاوني فواحد الحالة هستيرية كنترعد دموع دايزين وصفرة لدرجة فقدت الوعي ديالي
فاش فقت لقيتهوم مهبطيني لتحت ماما كتبكي وبابا بدا تيقول ليا مالكي وبديت كنبكي كنقول ليه راني والله ما حمقة راني شفتووو بعيني بجوج عفاكووم تيقوني قاليا بابا صافي ابنتي صافي صافي قليا احنا معاك نعسي حدا ماماك ونعست تاني حدا ماما وبابا وغير بدا تيديني نعاس تنسمع نفس الصوت كيعيط لي وحليت عيني شفتو تاني بديت تنقول هاهوا ماما هوا هاهوا واقف هنا

ماما فاقت بدات كتقول ليا بسم الله عليك ابنتي كنقول ليها هاهوا فين واقف هااهوا كتقول ليا مكاين تا واحد يعني انا بوحدي لي كنشوف داكشي بقيت هكاك لمدة شهر ونصف لدرجة جيرانا كيسحابهوم حماقيت عييت بزااف من داك الرعب لي تنعيييش يومياااااا وليت تنشوفو فكل بلاصة ولمشكيلة انا بووحدي لي تنشوفو مرضت فراسي بزاف لدرجة وليت متنقدش نشوف فلمرايا لشفت فيها تنشوف وجهي خيب بزاااااااف لدرجة مبقيتس تنبغي ناكل ولا نشرب اشهر عديدة وانا مريصة هكاك والديا مخلاو تاشي راقي مداونيش ليه ولا تيبان ليا فاي مكان لدرجة وليت متقبلة ‘عايشة مع الخوف خوتي تيخااافو مني


واحد نهار وانا ناعسة حدا ماما حيت مبقيتش تنعس بوحدي محسيتش براسي نضت وخرجت لزنقة بليل وانا مواعياش ماما ناضت تصلي لفجر ملقاتنيش بدات تتعيذ والو فيقات بابا وخوتي كيقلبو عليا لقاو اباب محلول عرفوني خرجت خرجو تيقلبو عليا ومشاو للبلاصة لي كنت قلت ليعوم كنتلاقا فيه معا داك الولد ولقاوني تما وانا مواعياش نهائيا حياتي اقسم بالله ضمرااات ضعافيييييت بزاف دمرت
وليت تنشك انا فراسي ومنشوف وجوه اخرين ومبغيتش ندخل فديطاي حيت داكشي صعيب بزاف و عيييت عييت بزاف بغيت نتهنا قررت نتاحر ونتهنا من هاد العداب لي تسلط عليا بسباب سحر ديال جدة …..

الجزء 5 قصتي معا الرجل لي ماشي من عالم الأنس

ملي قررت ننتاحر بسباب هاد العداب لي عشتو معا الجن لي كيتسيفلي بصفت انسان عيييت بزاف ضعااااافيت بزاااااااااف مررررضت بزااف عينيا ولاو خارجين وليت بحال الممياء فوجهي تعدب كل ليلة تيبانو ليا وكنتخلع وكنغوت واخا تتكون حدايا ماما وبابا ولكين متيبانليهومش انا بووووحدي لي كنشوفوووووو غير انا قررت ننتاحر ونتهنا من هاد العدااااب لي كنعيش فيه وكنقول واخا نتاحر راه ربي غيسلمحني حيت هوا عالم بهاد العداب وفعلا وخا مبقاش عندي جهد حتا باش نتحرك من بلاصتي نضت كنفكر على طريقة لي نتاحر

بيها مشيت ليبيتي حليت لبلاكلار هزيت واحد الزيزوار قطعت بيه لعروقة ديال ايدي وفعلا طحت وملي تنفيق كنلقا راسي فسبيطار كنضور فراسي كنلقا ماما حدايا وبديت كنبكي وكنقول تفوووو علاااش ممتش اسيدي ربي عللش راااني عييت اسيدي ربي عييت وملي رجعنا لدار بابا كيفكر فشي حل حيت حالتي تدهورات بززاااااف قرر يبيع دار ونتحولو فعلا باااع دار ومگال لناس لي شراوها والو على جنون لي تيبانو ليا ومشينا تحولنا لدار خرا ومن داك نهار مبقيت شفتهوم لحد الان

وو وخا هكاك تبعت معا رااقي الحمد لله ولكين ناس لي شراو من عند بابا الدار من بعد 5 شهور تيعيطو ليها تيقولو ليه تنشوفو شي حاجة مهياش و مرتو ولات مرضات كيف مرضت انا وعاد بابا عاود ليه كولشي وقاليه داك الراجل حرااام عليك مقليتيهاش لينا وتاهوما خرجو من ديك دار وهاذشي دازت عليه عامين ولنا دابا مزوجة ويلاه حملت عندي 3 الاسابيع …

الى هنا كنوصلو الى نهاية القصة ديالنا لي كانت قصة واقعية ونضرب لكم موعدا في قصة اخرى ان شاء الله لكل محبي قصص الرعب و الجن .. تحيات فريق عمل موقع قصة

ترقبو دائما جديد القصص بالدارجة المغربية , مع موقع قصة

قصص لها علاقة بالقصة :
قصة الجن العاشق – الجزء 1 –
قصة من أغرب قصص السحر وتسخير الجن والشياطين -1
قصتي مع بنت الشوافة – الجزء 2 –
قصة – قصتي مع صاحب خويا  الجزء 2
قصة – قصتي مع صاحب بابا – الجزء 2 –

قصة – قصتي معا الرجل لي ماشي من عالم الأنس- 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *