قصة – قصتي مع صاحب خويا الجزء 2

قصة – قصتي مع صاحب خويا  الجزء 2

قصتي مع صاحب خويا

الفصل الثالث من قصتي مع صاحب خويا

هاني رجعت ثاني باش نكمل لكم قصتي مع صاحب خويا الجزء الثاني

من بعد مفرحت منين قاليا جي عندي لدار كاين بوحدي قاديت حالتي أو مشيت طايرة أو فعلا البدية كانت زوينة ولكن كلشي تقلب في دقيقة أنا رجليا مبقيتش كنحس بيهم بالخلعة أو دقان بالجهد في الباب أو صداع أو هوا كيقول شي هضرة ممفهوماش بغيتو غير يشرح ليا مبغاش من هضرتو فهمت شي وحدة كيعرفها هي لي دايرة هاد الحالة…

مجيت نحسب واحد زوج لقيتو شادني من يدي أو حل الباب ناري ناس ديال العمارة كاملين واقفين حدا الباب أو واحد السيدة تكون عندها ديك 48 عام زوينة أو مهلية في راسها كتقول هاد الموبل مبقى فيه احترام هاد البرهوش على أشرف مطلع لينا ال*حاب لموبل بلا حشمة بلا حية ناري أنا عرقت دورة لجيت نشوف ناس لواقفين كطيح عيني ديريكت فعينين صاحب الواليد ساكن في نفس العمارة

فهاذ اللحظة الدنيا دارت بيا أو ولات كحلة في عيني حيدت يدي من يد أشرف أو نزلت كنجري أو كلي كنقفقف أو أشرف تابعني كيدوي شي سمعتو شي غاعما سمعتو كيقول ليا بلي هادي غير *حبة “ميمة” كنت كنعس معاها أو منين قلت ليها أنا منصلاحش ليك متسرطاتش ليها أو قالت ليا غادي نرد ليك الصرف أو بقات عاسة عليا حتى شافتني معاك أو دارت شوهة راه سليت معاها شحال هادي .

هوا كيسحابني بقى فيا الحال أما أنا ربي لعالم بيا كنفكر شنو ندير في هاد الموصيبة أو 100% صاحب الواليد غادي يوصل ليه شنو شاف أو ديك الساعة حريرتي حريرة صافي قربت الدار حاولت نتبت أو نتهدن …

دخلت مشيت ديريكت طواليط غسلت وجهي أو بديت كنفكر شنو ندير لقيت بابا في الدار جالس دخلت لبيتي هزيت شي سنسلة أو دبليج ديال الذهب شارياهم ليا ماما خشيتهم في جيبي أو مشيت جلست شوية كنسمع تيلي ديال بابا كيصوني جاوب قال بابا “لباس عليك ياك لباس فاش باغيني ضروري نتلاقاو زعما أنا جاي” …

قالت ليه ماما ياك لباس قاليه منعرف غير صاحبي عيط ليا باغيني ضروري أنا هنا ضيم طاح عليا أو تأنيب الضمير أش داني أو أش هاد الموقف طيحت فيه واليديا أو راسي صافي بابا نزل ماما مشات لكوزينة مشيت لبيتي هزيت واحد ساك صغير درت فيه شي شراوط.

تسليت حليت الباب أو هودت كنجري أو شديت واحد الطريق أو معارفاش فين غادة واحد الوقيتة جلست فواحد الجردة حتى كنسمع تيلي ديالي كيصوني ماما كتعيط بقيت مترددة واش نجاوب و لا نن فالاخير جاوبتها قالت ليا فينك قلت ليها أنا جايا علاش شنو كاين قالت ليا والو غير كنتي جالسة مشيت كوزينة رجعت ملقيتكش.

لمهم قطعت أو بقيت جالسة أو الشمس كطيح أو أنا كنزيد نتوتر واحد الشوية كنسمع تيلي ديالي كيصوني عاوتاني ماما ولكن هاد المرة يلاه جاوبتها أو بدأت عليا أش درتي ابنت الحرام باك كيتحلف عليك يشدك يقتلك فينك أش درتي قالت ليا جي الدار قلت ليها نن مجياش قالت ليا شنو قلت ليها سمحيليا ا ماما أو قطعت أو بديت نبكييي

شفتو دبا قصتي كيفاش ولات منين كانت قصتي زوينة او عاجبني الحال تاتقلبات حياتي سفاها على علاها
هاني انكمل لكم قصتي

الفصل الرابع من قصتي مع صاحب خويا

الحياة م**ودة فلحظة وحدة قلبات ليا حياتي بسباب شهوة مدة ديالها نصف ساعة غادي نخسر بسبابها راسي أو عائلتي بشمن وجه مزال غادي نشوف فعائلتي أو في عينين بابا منين قطعت مع ماما أو دموع مبغاوش يتحبسو ليا واحد الراس كيقوليا سيري لداركم أو لبغات توقع توقع أو واحد الآخر كيقول ليا ضروري خاصك تغبري في هاد الظرفية حتى نشوف شنو ندير من بعد او يقدرو ينساو أو يبردو مع الوقت …

ولكن السؤال لكيدور ليا في راسي فين غادي نمشي او تيلي في نفس الوقت مبغاش يحبس من تعياط ماما كتعيط مسحت دموعي أو جوبتها قالت ليا حرام عليك خشيتي راسنا في الأرض و ليتي كتمشي مع الدراري ديور دقة وحدة هانتي خليتي باباك أو خوك غادين عند أشرف أو علم الله شنو يقدر يوقع…

أنا غير ساكتة أو هيا كتعاير بالجهد خليتها حتى بردات قالت ليا سمعي غادي نعيط على خالتك غادة تجلسي عندها شي يمات بلا خبار باك حتى تبرد القضية قلت ليها منقدرش بابا غادي يعرفني عند العائلة أو أنا مبغاش شوهة كبر من هادي نزيد نشوه راسي في العائلة قالت ليا هادشي فكري فيه المرة الأولى الحمارة قالت ليا دبري راسك أو قطعات بقى فيا الحال بزاف حيت عرفت غير فمها لكيدوي أما قلبها كيتحرق

واحد الراس قاليا سيري المحطة أو باتي فيها ولكن خفت شفارة و لا شي حد يتعدى عليا صافي جمعت نوضة أو تميت غادة حتى بدات كتصب الشتاء بقيت غادة فيها حتى تخشيت في واحد الموبل بقيت جالسة فيها أو شتاء على الجهد أو دموعي مبغاوش يتحبسو دنيا ولات كحلة فعيني بقيت شادة تيلي أو جالسة حتى لديك 12 ديال الليل أو رجل قلالت قلت نبقي هنا كالم أو حتى حد مدوا معايا حتى الغد ليه أو نشوف شنو ندير…

فعلا داكشي لدرت وصلات 2:30 ديال ليل أو أنا ناعسة نعاس قفازي حاضية جنابي حتى كنشوف واحد المرأة حطاتها طوموبيلة أو نزلات منها هيا أو شي بنات لابسين شوية ديال لحوايج أو وحدة كتكمي باينة فيهم *حبات قربو حديا أو قالو ليا أش كديري هنايا في العمارة قلت ليهم جالسة كنتسنى صباح وحدة فيهم نقزات قالت ليا حالتك ديال بنت داركم أو هربانة يكما هازة شي قنبولة في كرشك أو هربتي …

قلت ليها نن شي حاجة قريبة لهاكا أو هي دوي لباينة مولات شي قالت ليا طلعي باتي معانا أو لغد ليه كملي طريقك قلت ليها واخة طلعت معاهم دخلت لقيت لداخل 4 رجالا أو شي بنات أو الضحك أو لبنات ليلاه دخلو بداو كيحيدو حوايجهم أو كيشطحو دغيا نوضوها

أنا بقيت مصدومة عمرني شفت هادشي قالت ليا سيدة لقالت ليا طلعي معانا بلاما تخافي تحد ميقرب ليك سيري لداك البيت أو نعسي داكشي لدرت سديت عليا البيت واحد الوقيتة شفتهم زادو في الموسيقى أو شطيح غعما دايرين حساب لناس لساكنين معاهم في العمارة

بقيت متكية أو خاطري مزير عليا جاتني البولة مشيت طواليط أو سديت عليا حتى كنسمع دقان في الباب على جهد هوما دغيا نقصو الموسيقى حتى كنسمع كيقولو لبولبيس حلو الباب ولا غادي نفرعوه واقيلة شي حد من جيران عيط البوليس على قبل الصداع أنا كرمت في بلاصتي بديت كنقفقف غير راسي أش داني ندخل معاهم الدار كنت فشي أو وليت في شيئ أول حاجة درت طفيت الضوء في طواليط أو في طواليط كاينة سدة طلعت تخبيت فيها أو حليت باب طواليط باش منين يحلوها متبانش مسدودة أو يعرفو شي حد فيها بقيت كنتصنت حتى حلو الباب قالو ليهم البوليس كلشي يبقى في بلاصتو أو قلبو لبيوتا أو كلشي ليكون شي حد مخبي…..

هانتوما تتشوفو قصتي كيف ولات شنو بان لكم فقصتي واش يلقاوني ولا .؟؟ خليو الإحتمالات ديالكم فالتعليقات
وترقبو الجزء الأخر من قصتي مع صاحب خويا قريبا

جميع أجزاء قصة – قصتي مع صاحب خويا

قصتي مع صاحب خويا – الجزء الأول
قصتي مع صاحب خويا – الجزء الثاني

قصص لها صلة بالقصة
قصة – قصتي مع صاحب بابا – الجزء 1 –

قصة – قصتي مع صاحب بابا – الجزء 2 –
قصة أحببت متزوجا – الجزء الأول –

قصة قصتي مع صاحب خويا – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *