قصة – قصتي مع صاحب خويا الجزء 4

قصة – قصتي مع صاحب خويا  الجزء 4

قصة – قصتي مع صاحب خويا

الفصل ما قبل الأخير من قصتي مع صاحب خويا

منين ولا عندي فيديو فيديا فرحة بزاف اخيرا غادي نبرد غدايدي فلي كان سباب فهادشي لوصلت ليه من بعد مدويت معاه فتيلي أو قلت ليه بغيت نصيفط ليك شي حاجة أو قاليا واخة صيفطت ليه الفيديو سيد غير شافو خدا وقتو أو عاد بدا كيكتب ليا قاليا ياك ابنت لحرام صيدتيني قلت ليه ماشي أنا لصورتك أنا غير جابو ليا فيديو يعني البنت لكانت معاك تسخرات ليا …

قاليا يعني نتوما عصابة غادي نشكي بيكم قلت ليه دير شي قلوة تلقى راسك في فيسبوك دخلت فيه نيشان سيد تدعق بدا كيقول ليا ليبغيتي نديرو معاك قلت ليه من لخر باغة نشوهك مع مرتك مبغيت منك والو قاليا حرام عليك غادي تخرجي عليا أو على زواجي أو ولادي قلت ليه منين كنتي كضرب الحلوة مكنتيش داير حساب لمرتك ا زامل أنا كنخسر معاه الهضرة أو هوا غير ساكت..

كيجاوب بالأدب ههه أو لبنت لمعايا كتقوليا قوليليه يصيفط واحد 2000 درهم هوما باغين غير لعاقة أما أنا باغة نمرمدو ديال بصح هه خليتو داوي كيقول ليا حرام عليك أش غادي تستافدي …. طلعت ليه أكبر vu أو خرجت من واتساب بقيت مجمعة مع لبنات ضاحكين كل وحدة باش كتنصحني…

هالي كتقول ليا رجعي لداركم قبل متخرجي لطريق أو تندمي أو وحدين خرين كيشجعوني باش نولي نمشي مع لبنات في ليل أو نعيش حياتي أو بلي عائلتك كون بغاوك كون عيطو ليك مجات تكملها حتى بدات ماما كتعيط شفت نمرتها مت بالفرحة جاوبتها قالت ليا المسخوطة فينك قلت ليها دايعة في هاذ الوقت علاش قالت ليا ماشي حرام عليك ا بنتي درتي لينا هاد الشوهة اش درنا ليك

قلت ليك مكنتش قاصدة غرني الشيطان أو دبا ندمت بلا قياس قالت ليا عودي ليا أش كديري أو فين دوزتي هاد الأيام قلت ليها ربي لقاني مع شي بنات أو راني بخير الله يعطيهم الخير مسكنيني معاهم أو واكلة شاربة كلشي بخير قالت ليا راه سدينا دارنا أو مشينا كرينا في واحد لبلاصة وحدة أخرى باباك مبقاش قادر على نظرات الناس

أو حتى منين تحولنا حسيت بي بباك تبدل أو بدا كينسى الموضوع قلت ليها مزيان أنا متشطنيش من جيهتي راني بخير او كلشي مزيان مخصني حتى خير قالت ليا شوفي ا بنتي رجعي لداركم أو باباك أنا نغلب فيه أو حضري راسك قلت ليها على أنا كرهت ولكن خايفة بزااف من بابا أو خويا

قالت ليا لمهم نبقاو على اتصال إلا بان ليا باباك رطاب نقولها ليك قلت ليها واخة ا ماما تهلاي في راسك صافي من بعد الهضرة ديال ماما شيطان ديال نخرج الطريق حيد من راسي الحمد لله أو حتى الفيديو لي شادة على سيد غادي نحاول نجر منو لفلوس غير فهاذ الظروف حيت حسيت بلي بديت كنتقل على لبنات

صيفطت ليه ميساج قلت ليه صيفط ليا 2000 درهم ضروري و لا راك عارف شنو غادي يوقع من بعد عطيتو لكونط ديال واحد البنت أو أي حركة غادي دير زعما دخل لبوليس لفيديو تلقاه عند مرتك قاليا واخة في لعشية صيفطها ليا عطيت لبنت لمعايا نص أو خديت 1000 درهم ديالي ..

دازت شي يمات أو أنا باقة مع لبنات جالسة هوما كيخرجو في ليل أو أنا كنبقى بوحدي و لكن الهضرة لقالت ليا ماما عطاتني أمل باش منزيدش نكحلها أو نخرجش لطريق واحد الصباح فقت بكري أو نزلت نشري لكومير باش نفطر مع خرجت من العمارة تلقيت قد قد مع أشرف تصدمنا..

قاليا أش كديري هنا قلت ليه ساكنة هنا قاليا فين غادة قلت ليه مسخرة قاليا نمشي معاك صافي بقينا غادين في طريق من هضرتو حسيت بيه باغيني لحلال غير باش نقدرو نرجعو لديورنا أو نصلحو المشكل لدرنا حيت هوا غير كيتلاوح بقى فيا بعدا أنا مستورة في الدار لمهم بقينا كندويو بزااف أو بحال لشي حاجة تحركات فيا من جديد

أو بقيت كنحقق فيه أو كيبان ليا مسكين مكرفص أو هضرة تجيب هضرة حتى قاليا إلى كان الحل هوا نتجوزو أو نرضيو الخواطر خاصنا نتوكلو على الله راني عييت من زنقة و الله أو أصلا حنا كنبغيو بعضياتنا أو حتى أنا من جيهتي قررت باش نحاول نحل هاد المشكل أو نعيط لماما أو تقوليها شنو كاين …..

خليكم معيا راه قربت نكمل لكم قصتي شنو كتوقع يوق فالأخير ديال قصتي مع صاحب خويا ؟؟

الفصل الأخير من قصتي مع صاحب خويا

فعلا لكل بداية نهاية أو قدما طوال ليل غادي يجي النهار من بعد متلاقيت بأشرف رتاحيت بزاف أو حسيت من هضرتو باغي يسد هاد الموضوع أو يرجع لدارهم أو لحل هوا نتزوجو هوا في صراحة كاين إعجاب يقدر من بعد الزواج يطور و يولي حب او حتى لمكملناش لمهم نكونو مزوجين على سنة الله و رسوله أو قدام العائلة

واخة غادي نسمع الهضرة معليناش عيطت على ماما جاوباتني سلام سلام قلت ليها ماما راني تلاقيت مع أشرق و …. قالت ليا عنداك يسحاب ليك هذا هو الحل راكي غير غادي تقفريها باباك مبقاش هاز من جيهتك ولكن يشوف أشرف يذبحو قلت ليها فهمت من هضرتك زعما إلى رجعت الدار أو أشرف رجع لدارهم بابا ميدويش معاه

معندو مناش يخاف قالت ليا غير يرجع ولكن ميشوفوش معاك قلت ليها أو شنو باليك بابا برد من جيهتي ولا مزال محلف عليا قالت ليا غير لبارح سولني عليك أو قلت ليه راه لباس عليها و نا نقوليه نقوليها ترجع قاليا لي بان ليك قلت ليها واخة ماما صافي غدا نجي غدا الدار و ليبغات توقع توقع

قالت ليا إن شاء الله ا بنتي قطعت معاها عيطت على أشرف قلت ليه شنو كاين غير نسى نتزوجو أو إلى بغيتي ترجع لداركم غير رجع راه بابا نسى كلشي قاليا على حسابك قلت ليه وي قطعت معاه أو مشيت دوشت ليا أو بديت كنوجد في راسي باش نرجع لدارنا أو دايرة في بالي غاع الإحتمالات لي قدرو يوقعو ..

صافي جا الغد ليه فقت بكري بقيت كنتسنى حتى لديك ل 11 توادعت مع لبنات أو خرجت قدما كنقرب لدار قدما الخلعة كتشدني معرفتش علاش واحد الراس كيقوليا بلي باباك داير هاد الحيلة غير باش نرجع لدار أو منبعد يقتلني عصى أو غاع الحالات خاصني نصبر لبغيت ترجع الأمور كيف كانت..

صافي وصلت فين نعتات ليا ماما فين تحولو حدا الدار دقيت حلات ليا ماما شافتني فرحات عنقاتني أو دخلت لدار شداتني داتني ديريكت لبيت ديالي قالت ليا أنا جايا أو سديت عليا البيت واحد الوقيتة كنسمع لغوات على جهد كنسمع بابا أو خويا كيقولو و الله حتى نقتلوها …

نارييي طاح ليا الماء في ركابي أو بديت كنقفقف حليت الباب بشوية كنسمع صوت بابا أو خويا جاين جيهة الباب حليت بيتي أو بديت كنجري حليت باب دار أو تميت هربانة أو هوما تبعيني في الدروج باغين يشدوني

أو أنا كنبكي مع نزلة خرجت لشانطي بزربة حتى كنسمع عنداااااااااااك حفصة بووووووووووووم دخلات فيا طوموبيلا مبقيت عاقلة على والو بقيت في لكوما سيمانة أول محليت عيني قلت ماما لقيتها حدايا بديت كنحل عيني بشوية كيبان ليا غير ضباب بشوية بشوية بديت كنشوف

عيطو على طبيب شافني قاليا على سلامتي صافي دازت يومين وليت شوية ولكن لاحظت نص لتحتاني ديالي مكنحسش بيه او قلتها لماما أو قالت ليا والو دبا تولي مزيان أو حسيت من طريقة هضرتها كاينة شي حاجة فهاد اليومين ماما كتقوليا باباك أو خوك كينين برا بغاو يدخلو يشوفوك

قلت ليها نن مبغيتش نشوفهم صافي شوية جا الطبيب أو طلب من ماما تخرج باش يبقى معايا غير هوا أو يريت مبقاش معايا قلت ليه عيييت حيد عليا هدشي قاليا فراسك علاش بقيت معاك قلت ليه علاش قاليا بغيت نقوليك شي هضرة قلت ليه وي دكتور

قاليا للاسف نتي وقع ليك شلل أو مع الأسف غادي تكملي مبقى ليك فحياتك فكرسي هادي حقيقة خاصك تقبليها ناري غير سمعتو شنو قال أو بديت نغوت أو نبكي أو كنبغي نتركل ساعة والو رجلي في بلاصتهم خرج طبيب دخلات ماما أو بابا أو خويا عندي كيجريو

أو بديت كنغوت على بابا أو خويا هوما سباب بقيت كنغوت حتى سخفت بقيت شي نصف ساعة عاد فقت ماما بدات كتصبرني أو بلي هدا قدر الله معندنا منديرو أو أنا غادة نبقى معاك حتى توقفي على رجليك….

صافي دازت سيمانة خرجت جيت لدارنا مكندويش مع بابا أو خويا مكلتي كتجيبها ليا ماما حتى لبيت لبغيت شي حاجة كتوصلني حتى لبيت من بعد مدة بردت أو عرفت بلي أنا سباب فهادشي لوقع ليا ماشي بابا أو خويا أو سمحتهم أو رجعات الأمور لمجراها حتى لواحد النهار عاقلة السبت في ليل كنسمعو دقان مشات تحل ماما لقات أشرف أو باباه أو مماه أو خوالاتو أو خوالو أو عماتو أو عمامو هازين سكر أو الورد

ماما تصدمات دخلاتهم عيطات لبابا أو خويا أو أنا جيت في لكروسة تصدمت لقيتو هوا مع الجلسة بابات أشرف قال لبابا الله ينعل الشيطان أو حنا جينا طالبين يد بنتكم لولدنا أنا تصدمت أشرف طلع راجل ديال بصح بابا فرح بزاااف أو تسمحو أو حتى أنا وافقت بالفرحة بكيت نخليكم الله يعاونكم نوجد راسي راه ليوم عندي الخطبة……

هنا وصلنا للنهاية ديال قصتي مع صاحب خويا
شكون فيكم كانت كتوقع راه النهاية ديال قصتي غاتكون هكدا ؟؟
استودعكم الله الى قصة اخرى ان شاء الله

جميع أجزاء قصة – قصتي مع صاحب خويا

قصتي مع صاحب خويا – الجزء الأول
قصتي مع صاحب خويا – الجزء الثاني
قصتي مع صاحب خويا – الجزء الثالث
قصتي مع صاحب خويا – الجزءالأخير

قصص لها صلة بالقصة
قصة – قصتي مع صاحب بابا – الجزء 1 –

قصة – قصتي مع صاحب بابا – الجزء 2 –
قصة أحببت متزوجا – الجزء الأول –

قصة قصتي مع صاحب خويا – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *