قصة كويني ولا ندعيك – مات ليك الحوت

قصة كويني ولا ندعيك – مات ليك الحوت

قصة كويني ولا ندعيك  

 الجزء 1 من قصة كويني ولا ندعيك

مات الحوت

عرفت راسي ماشي ساهلة ، منين شديت عليه حق الله وهو حي يرزق.
القصة كانت مع الهجر والإيلاء ، ستة أشهر وهو عازل فراشو ،وكنعرف مزيان بأنه ليس من الصابرين ولا من أهل العفة ، وهو اللي كيشطح ف الغربال، كنت كنبغيه بزااف كأي امرأة عفيفة ، طايحة مع راجلها وناسية حقوقها وحقوق ولادها، مدوخة بالأفيون الجنسي مع زوج جميل وكامل الرجولة ،بيعها العجولة.
كان إلى تخاصمنا وفرقنا الفراش غير أسبوعين ،كتبان فيه وكيولي شادوا بوتفتاف، ولكن هاذ المرة ،الراجل مصحصح ولابس ومحسن وزيان وباااينة عليه نااااشط مع راساتو؟؟؟؟!!!


الحاسة السادسة ديال أي زوجة صادقة مع الله ،لا تخون.
بيني وبينكم ،خيالو كيبان ليا ف بيت النعاس ، صوتو كيتمثل ليا عيط عليا من كثرة العشق ،
ف غرق الليل ،كيتسلل لغرفة نوم ، كنقول مع راسي ، ديري نفس ،ديري قلب ،ذليه ،بهدليه،خليه يبوس ليك رجليك.
كيحل الماريو وكاياخذ شي حاجة وكيخرج.
كنبرد ونسرد وتتفقس ،ونبكي ونزيد ف نعاسي على همي وواش نقاسي. توحشتك ليلة الدخلة و ديك الحماسة لي كانت فيه طال الحال عليا ، نمشي للحمام نحلق نتعطر ،وااااااااااااالو؟


جاني اكتئاب وحسيت بالأغتراب وتزاد عليا العذاب.
ما بقيت لا نشقى لا نخمل لا والو ، غير طايحة ومريضة بالهم والشك ،ومصدومة ف راجلي اللي ما كيصبرش على فراقي واللي كيموووت عليا .فين مشى الحب ؟
ذاك النهار ناض كيصحصح ويغوت عليا ، شوفي الدار كيدايرة ؟ ما صبنتيش ليا سراولي …
قلت غندعي عليه شي دعوة ، ولكن تفكرت واحد خالتي هجرها راجلها 16 عام ونفاها ،کانت کتدعی علیه وتقیم اللیل ،ماتت هی وهو رااااه بیخیر وعلی خیر .
اللا ،هااااذا ما تنفع معاه لا دعوة ولا زوج…


حليت السراجم يسمعوني الناس والجيران ، وشنقت عليه.
العقد اللي بيني وبينك آش كيتسمى ف الشرع وف القانون؟
عقد صابون؟
عقد جفاف؟
عقد طياب؟
عقد تربية الأولاد؟
آش كيتسمى؟ وكنغوت وأنا كنحس بالغبن


قال ليا حشمي.
قلت لو:حشماااات خالتی ،حشماااات عمتی،حشماااات جدا
وداوا غبینتهم للقبر
قوول لیا آش سمیتو؟
عقد نکاح ،یاااک؟
وااااااااااااااااااااااعباد الله ،فیناهو النکاح؟
بدی کیسد ف السراجم ،أنا كنحل ،خليهم يسمعوا
كيف سمع سيدي وسبدهم رسول الله ،وسمع الله…

قد سمع الله قول التي تجادلك في زوجها وتشتكي إلى الله …صدق الله العظيم
علاش ماحشماتش أمنا خولة ؟ من نور سيدي رسول الله ،نحشم أنا؟
أين النكاااااح؟اللی تعاقدنا علیه بعقد صریح واتفقنا علی إحداث أثره بصفة دائمة ومستمرة ،والهجر من مبطلات العقد .
تقولبني ،تطلقني بلا برا وانا نحشم وانت ما تحشمش من الله .


زوجة مهجورة وخادمة غير مأجورة.
قول ليا،عندك وحدة أخرى؟
اللا ،والله ما ……….

مات ليك الحوت؟

إقرأ أيضا : قصة لي كتخون رجلها مع صاحبها القديم

 الجزء 2 من قصة كويني ولا ندعيك

مات ليك الحوت؟
الا……..
شنقت عليه ،وسمحوا ليا ،الحب ما يشاور.
غتجاوبني،يااااااا عندك وحدة يا مات الحوت ،دااابة جاوبني
مني منك ،مني منك
مات ليا الحوت.


غير خرجت من فموا كلمت مات ليا الحوت ،بديت كنعدد وكنزكي
واااااا يا العزايا،تعالاوا عزيوني فيه راه مات ، ااا هاااهااا على زماني مات ليه الحوت،خرج هربان ومشى يجيب خوتي ،دخل ،لقاني لابسة حق الله ،وكنبكي وكنعدد على الحوت اللي مات وكلشي عليه .
ماحشمتش من خوتي من أي واحد ،انتاقمت لخالتي وعمتي وجدة مسكينات الله يرحمهم ،اللي عاشوامهجورات ،وبزاااف ديال النسا يمكن شي وحدة منكم أمها أو خالتها أو هي ،عاشوا مقولبين تحت ،أويلي نهضر عليه ،واكلة شاربة ،يمشي للخلا.


اللا ،راه لقاوها زوينة وساهلة ، أنا ماكنتش باغااااه ولكن كنت باغة نكون قوية وندوي على الحق اللي كل امرة كتحشم عليه. وكتطلق ف دارها ،يطلق الزوجة ويحتفظ بالخادمة والمربية
آش درت؟
طلبت الطلاق ،ووقفت عند القاضي ،ويمكن الكاتبة ديالو تكون معانا دابة وغتقول باللي كاينة هاذ الهضرة.
س :الاسم؟
ج :خليف علية
س:علاش باغة تطلقي من هاذ الراجل؟
ج: ما کینعسش معایا نعام اسیدی
لم یتعود القاضی هذه الجرأة ؟
س: كتشكي فيه؟


ج: الا نعام اسيدي ،حاشى لله ،متأكدة نعام اسيدي.
ترتبك الجلسة المغلقة ،ولكنني ثابتة مؤمنة بقضيتي وقضيتكن وقضية جدتي وجدتكن ، وضد الطلاق الصامت
س: واش کطلبي منو؟
ج :الطلاق نعام اسيدي باش نتزوج ،مايمكنش نفسد ف عنقو،الدنيا مشات معاه ضياع ولاخرة ما نفرطش ف حقي فيها .
من مصدر مقرب ،أن القاضي كانت كتجيه الضحكة في جلساتي . وكان كيهز ليهم الهم .


المهم ، فاش كنت لابسة حق الله ف داري ، وكندور عليه ف غرق الليل ،كان كيتلبس بالخلعة ،وطلبني وعطاني صادق ورجعني بالقانون .
ودابة حنا مفارقين ،وأنا مرتاااحة ،خليتو لحريتو
أنت حر إذن أنت ضائع
ليس في القصة حرفا من خيال ،هي قصة واقعية

ترقبو دائما جديد القصص بالدارجة المغربية , مع موقع قصة

قصص لها علاقة بالقصة :
قصة مراتي المعفونة – الجزء 1 –

قصة كويني ولا ندعيك – مات ليك الحوت – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *