قصة – أنا لي سحرات لراجل لي كان غيتزوج بصحبتي

قصة – أنا لي سحرات لراجل لي كان غيتزوج بصحبتي

قصة لي سحرات لراجل لي كان غيتزوج صحبتها

انا هيا لي سحرات لراجل لي كان غيتزوج بصحبتي باش يبغيني انا وفعلا تزوجت بيه

الفصل الأول من قصة لي سحرات لراجل صاحبتها

عشت طفولتي محرومة من الاب ديالي معمرني عرفت معنى الاب مكرهتش كون تا انا كان بابا عايش بغيت لو غير نعنقو مرة وحدة كنا ساكنين فلعروبية وماما سيفطاتني عند خالتي للمدينة باش نقراا حبت المدرسة بعييييدة علينا بزاااااف وانا البنت الوحيدة لي عندها وبقات هبا فلعروبية كتخدم

لمهيم ملي مشي عند خالتي وقريت تعرفت على واحد البنت ولينا صحابات هوما لباس عليهوم كانت تتقرا معايا فنفس القيسم قرينا معا بعضياتنا كاين شي اعوام مكنجيوش فنفس لقيسم كتجيب ماماها وكتحولها عندي للقيسم

لمهيم كبرنا وتعرفات على واحد الولد تا هوا ميسسسر وطموبيل وكولشي وبدارو كيحماااااااق عليها وكيتسطا عليها كانت هيا عينيه وانا مكانش عاجبني هادشي كنحسدها حيت انا مكيتزعط فيا غير دوك الخيبوعين ولمزاليط ولكين كان تيعجبني صاحبها حيت تبارك الله زوين وطولة وتجريدة والفورمة صبورتيف صراحة كيعحبني بزاف بزاف طمعت ففلوسو وفدار لي عندو و..

لمهيم دوزو معا بعضياتهوم 4 سنين ديال الحب بيناتهوم و فكل عيد مكينساهاش بلكضوات وهي بي عرفاتني عليه عادي كنا خرجنا بـ3

حاولتشحال من مرة نغريه ونتقرب منو و والو وهوا ولا تيقول لصاحبتي تبعد مني انا ولكين مقال ليها والو

وصلو للمعقول قرر ايجيب ماماه ويجي لدارهوم وبصح جا خطابها يعني خطوبة رسمية وانا فلخطوبة كنت حاضرة وانا كنتحررررررررگ من لداخل كنتفقققققسسس كل شوفة تيشوفها فيها كنمووووووت 100 مرة مصبرتش لديك لحالة من بغد الخطوبة ب 4 ايام قررت نسحر ليه اولي يبغيني

وفعلا سحاارت ليه فلول بدا تيبعد من صاحبتي وعاد حسيت بيه ولا عاطيني اهتمام وزيد وزيد ولكين داك الاهتمام زايد على اللوزرم ولا غير مستوه نقول ليه شا شا را را رذيتو بحال الحمار كيموووت عليا وتفارق معا خاطيبتو ولا تيشوفها تيبقا يشوف فيها وكيصفار وتيتعصب بحال الى شاف الوحش حيت خصرت ليه صورتها فسحور وهنا غتسيق صاحبتي الخبار بلي بغاني انا وبغا يجيب دارهوم وهناااا فييييييين غتصددددم صاحبتي حيت معند بالها نقد ندي ليها الراجل ديالها وهنا عائيلتو غيتصدمووووو وغتنووووض ررويييييينة كبييييييييييرة بزااااااااالف وغتكون الصدمة القوية

انا هيا لي سحرات لخطيب صاحبتي باش اتزوج بيا انا

الفصل الثاني من قصة لي سحرات لراجل صاحبتها

وبصح منهار سحرت ليه و هوا حال فمووو مستوه تينطق غير بسميتي نقول لي شا شا را را رديتو بحال لحمار وانا مكنت غنسحر ليه كون كان باغيني ولكين هوا مشا خطب ديك المحسادة ديال صاحبتي وهو زوين وعندو لفلووووس وانا بغيت لفلوووس حياتي كاملة غير المزاليط لي تيتزعطو فيا وتيقولو ليا صبري معايا نتزوجو ونكريو و..

ولكين صاحبتي لالااااااااا جاها هو لباس عليه حيت تاهيا لباس عليها وعندو دار وطموبيل ولفلووووس وصف سحرت ليه مورا مخطبها بسيمانة

صاحبتي تصدمات بزاف فاش عرفاتو ولا باغيني انا وبغا يفسخ معاها لخطوبة تصدمااااااات بزاف وبدات تتقول ليا هادي هيا الصحبة ودايراك كتر من ختي خليتها كتنبح لمهيم انا نتزوج راجل لباس عليه اما الصحبة ديالها معندها باش تنفعني وتا مها كتعاير وقال لدارهوم بلي بغاني انا وتصدموووو ردو عليا اللومة وقالو ليا اش درتو لولدنا تا بغاك بحال هكا وتينطق غير بسميتك …

لمهيم قاليهوم غنمشيو نخطبوها مبغاااااوش مشا جاب ولد عمتو هو ومراتو جاو لدار لمهيم خطبوني وفرحت بزاف وصاحبتي ولاو تيديوها لطبيب نفساني وهيا تستاهل كتر من هكا حيت مالي انا منكون تا انا لباس عليا غير هيا لي بغات اكون لباس عليها ساعة انا عبرت عليها ملي ديتو ليها ومبقااااااااش تيحمل فيها الشعرة ولات تتبان ليه بحال الوحش

لمهيم زربت عليه قلت ليه خاصنا ضاروري نتزوجو هاد الشهر وفعلا وافق ولكين بلا خبار مو خفتها توقف ليا فطريق والله خفتها تدبه لشي راقي ولا شي حاجة قلت ليه متقول لمك وااالو ولا غنتفارقو بدا تيتفتف كيقول ليا والله احبيبة منقولها ليها غير بقاي على خاطرك ومن بعد 10 درنا لعقد مشات معانا غير ماما صف وعطاني صداق ومشا شرا ليا الحوايج والخاتم وكولشي ومقداتني فرحة

مشيت معاه عندمو قاليها راه ليوم تكاتبنا وتصدماااااااااااات وخا انا والله اخوتي تلى قلبي بيض ولكين تا انا من حقي نعيش الرفاهية حيت هو لولد لي عندها و2 بنات وباه ميت طاحت لينا غيبات بقينا تنديرو ليها لبصلة فاقت وقالت ليه طلقهااااااا خرجها عليا راها دارت ليك شي حاجة راها ساحرة ليك ونا نقول ليه صف هاذشي لاش جايبني قلت ليه يا انا يا مك قاليا نتي داك نهار ومشينا لدارنا وااااو اشمنك يا فراش اشمنك يا كوزينة عمرني شت داكشي غير فالافلام شوية تيعيطو ليه تيقولو ليه راه مك فسبيطار ……

انا هيا لي سحرات لخاطيب صاحبتي باش اتزوجني

الفصل الأخير من قصة لي سحرات لراجل صاحبتها

ملي عيطو ليه ثالو ليه مك فسبيطار متحرك موالو قاليا واش وخا نمشي ماما راها فسبيطارقلت ليه لا وممشاش مزال ○لمهيم بقينا معا بعضياتنا مزايان تيسمع ليا وكوووولشي وميخصرش ليا وبقينا انا وياه 3 سنين تيمشي عند عائلتو مرا فشحاال وحملت 4 لمرات وتيطيح ليا من شهر اللول معرت علاش مكيكملش ليا الحمل

ولمهيم بيخير حنا تال واحد المرة عيطاتلو ختو قالت ليه بلي راها مرييضة وقاليا انا غادي قلت ليه سير عندها وهي راها جابت ليه راقي مشا لقا الراقي تما رقاتو وبدا تيسمع لقرآن وتيغوت لمهيم رقاوه وبحال الى بدا تيتوكض عطاه شي ماء اشربو ويرض شربو ديك ساعة ورض وتيرض التوكال لي وكلتو ليه انا وراه بدا تيتوكض وختو بدات تتقوليه راها مرتك سحرات ليك وخاصك دابا تبع معاه واحد 3 لمرات فسيمانة ومتقولش لمرتك والو لتعاود تسحر ليك

وفعلا سيد تيمشي عند الراقي مقالي والو ولكين بدا تيتبدل شوية بشوية سيد لي 3 سنين عمرو عرف القبلة والقران فين جاو بدا تيصلي ويقرا القرآن وبدا تيابدل

كيفاش غنحصلو غنلقا اوديوات ديال ختو فتيليفونو تتقولو راه متخافش وخا تعاود تسحر ليك راقي غيبطل ليك سحور

ونا نفهم وواجهتو قلت ليه اش هادشي ودرت راسي بريييئة وبديت تنبكي وكنقولو كتشك فيا واش انا متنخافش الله ولكين خنزر فيا واحد التخنزيرة ومشا خرج

كان ديما لتقلقت منو رجليا تيبوسهوم باش نسمح ليها ولكين راه تبدل دابا ديك الخنقة لي كانت تتجيه مبقاتش ولا انسان متدين ولا مبعد مني بزاااف لدرجة رجع سكن معا مو قالي بغيتي لفلوس راهوما بغيت دار هاهيا غير متعاوديش تآديني وبعدي مني

وراه وقفنا دابا على طلاق حاولت نعاود نحرك ليه لمجامر بسحور ولكين راه محصن بالقرآن والصلاة وبدكر ومتيشدش فيه وراه مشا عند مو رجع عند مو وخلاني بوخدي هنا قاليا انا عطيني غا بتيساع

ودابا ها انا عايشا بوحدي مدرت لا ولاد لا وااااالووووو خسرت ناس لي عرفت فحياتي خسرت صاحبتي

الى هنا نكون قد وصلنا الى نهاية قصة اليوم
كنمتى تكونو تاخدو عبرة من القصة هدي راه قصة واقعية … وراه عمر الساحر (ة) يطفرو .. لقوله تعالى {وَلَا يُفْلِحُ السَّاحِرُ حَيْثُ أَتَى}

ترقبو دائما جديد القصص بالدارجة المغربية 2021, مع موقع قصة

قصص لها علاقة بالقصة
قصة – أنا لسحرت لختي فدم الحيض ديالها – قصة واقعية
قصة – كيفاش وليت ساحرة خبيثة

قصة – أنا لي سحرات لراجل لي كان غيتزوج بصحبتي 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *