قصة مراتي المعفونة – الجزء 1 –

قصة مراتي المعفونة – الجزء 1 –

قصة مراتي المعفونة

الفصل الأول من قصة مراتي المعفونة

السلام عليكم كيقول مول هاد القصة لي صيفط لينا هاد القصة سميتو علاء من مدينة فاس وانا غنعاودها ليكم بالفم ديالو هو انا سميتي علاء تزوجت واحد السيدة عن حب انا خدام فواحد وخدام محاسب يعني ماشي شي خدمة لي كبيرة بزاف ماشي شي صالير ماشي تخطابي يعني فاي وقت يقدرو يجريو عليا مراتي كانت جالسة في الدار مكدير والو حيت اصلاً تزوجت فكانت كتقرا او كنت كنبغيها بقينا هاكاك مراتي اتفقت معها ما تولدش العام الاول والثاني فهي كان عاجبها الحال ولكن هي دارت داكشي اللي شافها وحملات تقريباً ست شهور مورا الزواج ديالنا حملات كانت قالت ليا راه كتاخد الكينة ولكن ما خداتهاش.

هي بغات تحمل عندها ديك الفكرة ديالها براه تشدني تشدني بالولاد. ماشي مشكل. بحكم انني كنبغيها وناوي معاها نكمل معاها وكلشي. دوزتها ليها.

جا هاد الولد اللول. كبر ولا كانت تقريباً شي عامين حملات تاني وانا مكانوش عندي امكانيات باش نكون عندي جوج ولاد ونعيشهم كنت كنتسنى بعدا غير حتى نطور حالتي المادية ماعليناش دوزت عليها تا هي ولاو عندنا جوج وليدات ديك الساعات جبرتها باش تمشي تمشي دير هداك اللولب عند الطبيب او بصح مشيت معهم مشيت دارتو حيت انخاف نتيق نخاف مشيت للولد التالت ولا شي حاجة ونصدقو في المشاكل فهاد الوقت صعيب تسللات متابعين باش تكبرهم كبرو الولاد واحد الشوية يعني بداو وصلو للحضانة وعلى الروض

كان عندها واحد الديفو كبير بزاف هي انها كانت معفونة وسمحوليا على هاد المصطلح كانت موسخة بزاف هادشي مخاصش غادي تفهموه ايلا شرحتو ليكم ولا تعرفوني درجة من مراتي معفونة كانت الكوزينة واحد المنظر مخيف ديما الكوزينة موسخة كيكونو الماعن مغسولين غير الا غسلتهم انا بيت نعس فين كنعس مكتعطيكش خاطرك تنعسي بكثرة ما هو مرون

حوايج مصبوبين فلرض كلشي مخربق والولاد ديما موسخين ريحة البول حاشاكم ديماً عندي فداري ليكوش ديماً متيترماوش كلشي مخربق كانت فداري كدخل ليها كتعطيك واحد بحال واحد الطاقة سلبية متقدرش دخل ليها بكثرة ديك المنظر الرتيلة كانت عندي فالركب كلشي كان موسخ

والمشكلة انا كانت فمي حادكة بزاف مي واحد السيدة واخا كبيرة فالعمر ولكن مازال محافظة على الأناقة ديالها وعلى النقا ديالها وعلى التاويل وكانت كطيب والوالد ديالي كانت مهلية فيه الوالد ديالي فاش كيخرج كيبان بحال الأمير قاميجتي نقية محددة شعرو نقي صباطو نقي كيلمع كلشي مقاد الوالدة ديالي كان كيتضرب بيها المتل فالحداقة فالحومة فين كنا ساكن دارها بحالا عندها ربعة دالخدامات وهي راها غير مرا بوحديتها وانا عندي خوتي غي دراري ما عندهاش قاع البنات يعني بوحدها مع ربعة الدراري

وكانت دارنا ديما نقية كاتشعل ديما فيه البريوات فيه المسمن فيه هادي الثلاجة نقية تبارك الله عليها الوالدة ديالي داكشي علاش انا مرتي ماقدرتش نتحمل ديك الوسخ حيت مامولفش بيه ولكن ماشي غير حيت مامولفش بيه اي راجل مغيقدرش على هادشي لي انا قادرة عليه مع مراتي. الثلاجة فين كيبقى فيها مثلاً الا شاطت شي حاجة ودارت في البواطة. كانت كتبقى في الثلاجة شهر تا كدير ديك الصوفة الخضرة.
ياك مزال مركزين معنا فالقصة ديالنا

الفصل الثاني من قصة مراتي المعفونة

كانت كتبقى مع العلم اننا في العمارة فين كنا ساكنين كان كتحط ليه غير حدا الباب كيهبطها هو كتخليها هي في الما حتى كدير الدود كتخليها في دلكوزينة ولادي كانوا ديما موسخين ما كانتش كتهلى فيهم ما كتصبن ما كدير والو كان الهم ديالها هو التلفزيون او الواتساب او الفيديوات فالتيليفون ونخرج مع البنات كانت غير الى مشات الكوافورة كتجلس خمسة السوايع كنقوليها شنو كنتي كديري فالصالون هاد المدة كاملة كتقولي كنت بقيت مجمعة مع البنات

قنطت مبقات الحال على هكاك وانا مكنتش ولد الحرام مبغيتش نطلقها مبغيتش ندير معاها تا شي حاجة خايبة ولكن بزاف تقهرت وليت لقيت الحل لراسي وليت كنجي بالعشية من من الخدمة ومعانا خدام فشركة خاصة يعني ماشي ديال الدولة بعض المرات كنخرج تال تسعود د الليل فوقما ساليت خدمتي وداكشي صعيب كتوجع فالراس وكنت كنجي كنحيد حوايجي على دراعي وكنشيق نشيق الدار تجمع جبن حشاكم نطوي لحوايج نقاد بيت النعاس نصبن لحوايج ونصفرهم نمسح الغبرة ندير كلشي نغسل لولاد نبدل ليهم صافي

كنتهد كنعيا محيلتي للخدمة لزنقة فالدار فبرا ماحيلتي للخدمة فالدار كنت مشيت على هاديك الحال صحابي فالخدمة ولاو لاحضو فيا انني وليت كنجي مرهق وعيان ولاو يديا فيهم الحروق حيت كنت كنطيب وانا مكنتش مولف بالطياب كنطيب فالفران وكنت عندي ديك الدرابي ديال الفران فيديا المهم عييت من هاديك الحالة منقدرش نكون خدام هنا وهنا قتارحتارحت عليها جميع الحلول قلت ليها تمشي تجلس مع مي واحد الايام حيت مي انا فاش عاودت ليها المشكل قالت ليا جيبها ليا ا ولدي تجلس معايا شي ايام انا نعلمها الحداكة نعلمها دير هادي نعلمها طيب نعلمها [..]
تتمت قصة مراتي المعفونة في الجزء الموالي

جميع اجزاء قصة مراتي المعفونة

قصة مراتي المعفونة – الجزء 1 –
قصة مراتي المعفونة – الجزء 2 –
قصة مراتي المعفونة – الجزء 3 –

قصص لها علاقة بالقصة

قصة مهدي كاملة – قصة مشوقة ودرامية –

قصة مراتي المعفونة 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *