قصة من أغرب قصص السحر وتسخير الجن والشياطين -1

قصة من أغرب قصص السحر وتسخير الجن والشياطين -1

قصة من أغرب قصص السحر وتسخير الجن والشياطين

قصة من أغرب قصص السحر وتسخير الجن والشياطين وكل ما يعرف عن السحر الأسود المراد منها تتقيف ماشي شي حاجة أخرى . اللي كايخاف مايقراش هاد القصة الحقيقية وقعت في مصر و فيها نصائح وعبر و لكن|مخيفة نبداو على بركة الله

القصة فيها 10 الفصول

الفصل الأول من القصة

إسمي نوران زهران عندي 20 سنة أنا من عشاق كتب و الأفلام الرعب و الكلام عن الغيبيات وعزيز عليا نقلب أو نبحث فهاد المواضيع ديال عالم الأموات و الأرواح أما عالم الجن و السحر كيخليني يولي فيا الفضول أو كنبغي نعرف عليه كلشي بحال طرق لي كيستعملو في سحر لي تحضير الجن وغير ذلك….

بدأت قصتي واحد نهار سمعت أستاذ الكيمياء ديالي يتكلم عن بعض حقائق الجن و الإمكانيات تسخيرهم ، كان كيعاود لينا على جدو كانو عندو كتب قديمة ونادرة فيهم تعاويد و طلاسم سحر ، وكان أب ديال استاذ ديالي مخبي عليه هاد كتب لي خلا ليه جدو قبل ميموت ، لكن بعد مدة من زمن طاح في يديه واحد كتاب من كتب لي خلا جدو ،

هاد كتاب من أخطر كتب سحر ، فين ما أستاذ ديالي كيبغي يقرا في هاد كتاب كتوقع شي حاجا ، يا إما كيطفا دو أو يشعل في بيتو ، يا إما كيسمع شي أصوات مجهولة المصدر، يا إما كيسمع دقان في باب بيتو ، هادي هضرا قالها استاد صلاح أو انا مكنتش كنتيق بيه ، ممكن كيبغي يخلعنا باش حتى واحد ميقلب على هاد كتاب ،

هي صراحة كلامو كان كيعجبني معا انا فيا لفضول أو كنبغي نعرف كلشي على هاد المواضيع ، انا كنت مدمنة كنقلب في الإنترنت على هاد المواضع ولكن داكشي كان كيجيني غي خرافات ، كنت كنطلب من بابا يمشي معايا لمكتبة باش نشري شي كتب ، كان كي كيمشي معايا كنلقا كتب فيهم شيطان عندو قرون أو كنحل شي كتاب كنلقا فيه مواضع تافه عن سحر و شياطين ، ولكن انا بصراحة كنت كنقلب على لكتاب لي قال لينا عليه استاذ صلاح ولكن مشكل معارفاش سميتو.

نسيت مقلتش ليكم انا عايشا بوحدي ، ماما أو بابا مطلقين وأنا عايشا مرة عند ماما مرة عند بابا ، ولكن ملي كنكون عند بابا كنكون بوحدي حيث بابا كيكون خدام أو كنشوفو من ليل ليل ، أو بقوة ما ولفت نبقى بوحدي فدار ولا عزيز عليا صمت و هدوء او صقيييل. حاولت معا أستاذ صلاح باش يعطيني شي كتاب من كتب لي خلا ليهم جدو ولكن كان كيرفض أو كيرفض بشدا ، بقيت لاصقاه ،

أو قالي حاجة وحدة غادي نعطيك اسم الكتاب أو قلبي عليه أو انا متأكد ماغاديش تلقايه ولكن نصيحة مني بلاش بلا متقلبي على هاد كتاب رآه غادي تخرجي على رأسك ، بقيت كنقول معا رأسي هاد استاد صلاح شحال فيه ديال خرافات أو كذوب اش غادي يوقع ليا إلى قريت كتاب ?? والو في غي هو الله يهديه كيزيذ فيه بزاف ،

موهيم عطاني اسم ديال لكتاب قال ليا سميتو ” الطريق الأوحد لسحر الأسود ” مشيت كنقلب على هاد كتاب كندور والو ملقيتوش ، دخلت الانترنت كنقلب لقيت واحد المقال ديال واحد الكاتب تيقول بلي هاد كتاب من كتب النادرة جدا وحقيقي يتكلم عن عالم سحر الأسود و العالم السفلي وهاد كاتب تيقول بلي 3 سنوات أو هو كيعاني أو كيقلب باش يلقا نسخة من هاد الكتاب أو في أخير لقاه ،

أو قالك هاد كتاب غي تشدو في يديك أو تشوف الهيئة ديالو كتشدك تبوريشة أو خلعه ، غير تبدأ تقرا في هاد كتاب غادي تحس بلي الكتاب حقيقي أو كلام لي فيه ماشي كذوب لأنك غادي تشوف شي حوايج أو أنت كتقرا هاذ كتاب مكيشوفهم أو مكيحس بيهوم حتى واحد من غيرك.

الفصل الثاني من القصة

موهيم واحد النهار كنت خارجة انا او بابا كنضورو فل مدينة حتى بانت ليا واحد مكتبة قديمة معامرني شفتها أو بان ليا واحد راجل شيباني فيها ، قلت لبابا انا غاديا نشوف واحد كتاب إلى لقيتو فهاد مكتبة راني محتاجاه فل مدرسة ، قالي واخا ابنتي سيري انا كنتسناك ، دخلت لمكتبة كنقلب كنقلب كنقلب أو حتى بان ليا لكتاب لي قال ليا عليه أستاذ صلاح ، أو فرحت ملي لقيتو حيث هاديك نسخة الوحيد لي كاينا فديك المكتبة ،

مشيت عند شيباني باش نخلصو أو ناخد الكتاب ، غير شاف شيباني لكتاب أو دار فيا واحد شوفة خايبة ، قال ليا أول حاجا أبنتي داك لكتاب ماشي ديال ضحك أو لعب أو ثاني حاجا هاديك نسخة الوحيد لي عندي انا فل عالم عربي حيث كتاب ممنوع منعا كليا يدخل لدول الإسلامية كايكون غي عند سحرة أو مشعودين ،

انا صراحة متسوقتش ليه قتليه دابا شحال ثمن خاليني نمشي فحالي موهيم قالي ثمن خديت لكتاب درتو فصاكي أو خرجت فرحانة واااو لقيت لكتاب أو فنفس لوقت مبغيتش نبين لبابا راني لقيت لكتاب لي كنقلب عليه ملي سولني واش لقيتي لكتاب ابنتي ، قولت ليه لا ابابا ملقيتوش ، موهيم حسيت بالفرحة والإنتصار حيث لقيت لكتاب ، وخا نصائح لي عطاني أستاذ صلاح أو داكشي ولكن انا أكبر فضولية او كنبغي نعرف كولشي ، موهيم مشيت لدار بابا مشا لخدما ،

دخلت لبيتي تلاحيت فوق ناموسية ديالي جبدت لكتاب أو بديت كنقرا ، أول صفحة مقدمة الكتاب تقول : نصيحة لي بغا يقرأ هاد الكتاب يسد شراجم أو يسد لبيبان ديال دار أو يشعل ضو فل مكان لي فيه هو ، داكشي لي درت سديت شراجم أو لبيبان أو شعلت ضو ، رجعت لكتاب لقيت فل مقدمة كاتبين عوتاني : أنا بريء من أي حاجة تقدر توقع ليك الى قريتي هاد الكتاب ،

انا جاني هادشي عادي أو ستهلاكي اكثر كتب كي ديرو بحال هاد المقدمات باش كتاب تكون عندو شعبية أو يتباع ، موهيم بديت كنقرا لكتاب بطريقة غير مرتبة يعني كنقز من صفحة لصفحة ، يعني انا في صفحة 1 غادي نقز لصفحة 10 ، موهيم كنقرا كتاب بطريقة غير منظمة ، بقيت كنقلب لقيت واحد البيت بعنوان ” متواجدون ” أو كان مكتوب كلأتي : الجن كائنات تستوطن عوالم الخفاء الممتدة في كل مكان من حولنا هم غير مرئيين بعيون البشر في الأحوال العادية ، لكن معا ذلك يمكننا رؤيتهم حسب المعتقد العام ليلا خلال فترة ما بين ساعة 12 ليلا إلى ساعة 3 صباحا ،

هذه هي لحظات إبتهاج لهم يستغلها الجن لتسكع في عالمنا حتى صباح ليوم التالي ، أو قبل فجر يوم التالي ، ممكن للجن تقمس شكل حيوانات وحشرات في غاية التنكر مثل ” حمار ، كلب ، قطة ، فأر … لذلك إحظرو من قتل أو إساءة إلى الحيوان ليلا خصوصا لو كانت قطة سوداء الأن أكثر جن يكون على هيئة قطة سوداء . يتبع ..

ترقبو دائما جديد القصص بالدارجة المغربية 2021, مع موقع قصة

جميع أجزاء القصة
الجزء الأول من القصة
الجزء الثاني من القصة
الجزء الثالث من القصة
الجزء الرابع من القصة
الجزء الخامس من القصة

قصص لها علاقة بالقصة
قصة اللعنة بالدارجة المغربية الجزء 1
قصة – أنا لي سحرات لراجل لي كان غيتزوج بصحبتي
قصة – أنا لسحرت لختي فدم الحيض ديالها – قصة واقعية
قصة – كيفاش وليت ساحرة خبيثة

قصة من أغرب قصص السحر وتسخير الجن والشياطين 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *