قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ 2

قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ 2

قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ

السلام عليكم اليوم جبنا ليكم قصة رعب و الجن او داكشي … كنتمنى تعجبكم القصة ديالنا
يالله نبداو في سرد أحداث هاد الجزء من القصة
استمتعو

الفصل 2 من قصة اللعنة

ﻓﻘﺖ ﻣﻊ 5 ﺩﻳﺎﻝ ﺍﻟﺼﺒﺎﺡ ﻭﺧﺎ ﻧﺎﻋﺲ ﻣﻌﻄﻞ ،ﺑﻘﻴﺖ ﻛﻨﺸﻮﻑ ﻓﺠﻴﻬﺔ ﺍﻟﺒﺎﺏ ﺣﺘﻰ ﺳﻬﻴﺖ ﻭ ﻫﻮ ﻳﺒﺎﻥ ﻟﻲ ﻭﺍﺣﺪ ﺍﻟﻮﺟﻪ ﺣﺎﺿﻴﻨﻲ ﻭ ﻛﻴﺨﻨﺰﺭ ، ﻗﻠﺖ ﺇﻣﻜﻦ ﻏﻲ ﺗﺨﻴﻠﺖ . ﺗﺨﺒﻴﺖ ﺑﺎﻟﻜﺎﺷﺔ ﻟﻜﻨﺖ ﻣﻐﻄﻲ ﺑﻴﻬﺎ ﻭ ﺑﻘﻴﺖ ﻛﻨﻘﺮﺍ ﻓﺎﻵﻳﺔ ﺩﻳﺎﻝ ﺍﻟﻜﺮﺳﻲ ﻋﺎﻭﺩﺗﻬﺎ ﺑﺰﺍﻑ ﺩﻳﺎﻝ ﺍﻟﻤﺮﺍﺕ ﻭ ﺑﻘﻮﺓ ﺍﻟﺨﻠﻌﺔ ﻟﺸﺪﺍﺗﻨﻲ ﻣﻘﺪﺭﺗﺶ ﻧﺨﺮﺝ ﺭﺍﺻﻲ ﻭ ﻧﻌﺎﻭﺩ ﻧﺸﻮﻑ ﺟﻴﻬﺖ ﺍﻟﺒﺎﺏ ﺕ ﺩﺍﺯﺕ ﻭﺍﺣﺪ 10 ﺩﻗﺎﻳﻖ ،

ﻭ ﻛﺎﻧﺖ ﺍﻟﺼﺪﻣﺔ ﺃﻥ ﺩﺍﻙ ﺷﻲ ﻣﺰﺍﻝ ﻓﻨﻔﺲ ﺍﻟﺒﻼﺻﺔ ﻭ ﺣﺎﺿﻴﻨﻲ ﻭ ﺑﻘﺎ ﻋﻠﻰ ﻫﺎﺩ ﺍﻟﺤﺎﻟﺔ ﺣﺘﻰ ﺃﺫﻥ ﺍﻟﻔﺠﺮ ﻋﺎﺩ ﻏﺒﺮ ﺑﺎﻟﻄﺮﻳﻘﺔ ﻝ ﺧﺮﺝ ﺑﻴﻬﺎ . ﺑﻘﻴﺖ ﻛﻨﺨﻤﻢ ﻓﻬﺎﺩﺷﻲ ﻟﺒﺪﺍ ﻳﻮﻗﻊ ﻭﺍﺵ ﺣﻘﻴﻘﻲ ﻭﻻ ﻏﻲ ﻛﻨﺘﺨﻴﻠﻮﻩ ﻭ ﺑﻘﻮﺓ ﺍﻟﺘﺨﻤﺎﻡ ﺩﺍﻧﻲ ﺍﻟﻨﻌﺎﺱ، ﻓﻘﺖ ﺷﻔﺖ ﺟﻴﻬﺖ ﺃﺷﺮﻑ ﻣﻠﻘﻴﺘﻮﺵ ﻧﺎﺭﻱ ﻣﺰﺍﻝ ﻋﺎﻗﻞ ﺷﺤﺎﻝ ﺗﺨﻠﻌﺖ ﻋﻠﻴﻪ ﻭ ﺑﺪﻳﺖ ﻛﻨﻐﻮﺕ ﻋﻠﻴﻪ ﺑﺠﻬﺪ ﻭ ﻧﻀﺖ ﻛﺎﻟﻬﺒﻴﻞ ﻛﻨﺠﺮﻱ ﻓﺎﻟﺪﺍﺭ ﺗﺎ ﻭﺻﻠﺖ ﻋﻨﺪ ﺑﺎﺏ ﺍﻟﻄﻮﺍﻟﻴﻂ ﻭ ﺷﻔﺖ ﺍﻟﻀﻮ ﻣﺸﻌﻮﻝ ﻋﺎﺩ ﺭﺗﺎﺣﻴﺖ ﻗﻠﺖ ﺯﻋﻤﺎ ﻧﺎﻳﺾ ﻏﻲ ﻳﺪﻭﺵ ،

ﺗﺴﻨﻴﺘﻮ ﺣﺘﻰ ﺧﺮﺝ ﻭ ﻛﺎﻥ ﻟﻮﻧﻮ ﻣﺒﺪﻝ ﻭ ﻭﺟﻬﻮ ﺻﻔﺮ ﺳﻮﻟﺘﻮ ﻣﺎﻟﻚ ﻭ ﻫﻮ ﻳﺒﺪﺍ ﻳﻌﺎﻭﺩ ﻟﻴﺎ : ﺃﺷﺮﻑ : ﺍﻟﺒﺎﺭﺡ ﻟﻴﻞ ﻛﺎﻣﻞ ﻭ ﺃﻧﺎ ﻓﻮﺍﺣﺪ ﺍﻟﺒﻼﺻﺔ ﺧﻴﺒﺔ ﺑﺰﺍﻑ ﻭ ﻣﻊ ﺷﻲ ﻧﺎﺱ ﺣﺎﺿﻴﻨﻲ ﻭ ﺷﻜﻠﻬﻢ ﻣﺎﺷﻲ ﺑﺤﺎﻝ ﺷﻜﻠﻨﺎ ﻭ ﻛﺎﻧﻮ ﺗﺎﺑﻌﻴﻨﻲ ﻭ ﺃﻧﺎ ﻫﺮﺑﺎﻥ ﻣﻨﻬﻢ ﻓﻮﺍﺣﺪ ﺍﻟﻐﺎﺑﺔ ﻭ ﻣﻦ ﻓﻘﺖ ﻟﻘﻴﺖ ﺭﺍﺻﻲ ﺭﺍﻋﻒ ﺃﻧﺎ ﻣﻦ ﺳﻤﻌﺖ ﻫﺪﺭﺗﻮ ﻣﺒﻐﻴﺘﺶ ﻧﺰﻳﺪ ﻋﻠﻴﻪ ﻭ ﻗﻠﺖ ﺭﺍﻩ ﻏﻴﺮ ﺍﻟﺨﻠﻌﺔ ﺩﻳﺎﻝ ﺍﻟﺒﺎﻙ ﻣﺪﻳﺮ ﻓﺒﺎﻟﻚ ﻭﺍﻟﻮ . ﻛﺎﻥ ﺩﺍﻙ ﺍﻟﻨﻬﺎﺭ ﻫﻮ ﺍﻟﻠﺨﺮ ﻟﻴﺎ ﻣﻊ ﺃﺷﺮﻑ ﺣﻨﺖ ﺍﻟﺪﺍﺭ ﻛﺎﻧﻮ ﻏﻴﺠﻴﻮ ﺍﻟﻴﻮﻡ ﻓﻄﺮﻧﺎ ﺳﻴﻘﻨﺎ ﺩﺍﻙ ﺍﻟﺪﻡ ﻟﻌﻨﺪ ﺍﻟﺒﺎﺏ ﺃﻣﺎ ﺍﻟﺮﻳﺤﺔ ﻟﻜﺎﻧﺖ ﺍﻟﺒﺎﺭﺡ ﻣﺒﻘﺎﺗﺶ .

ﺃﺷﺮﻑ ﺟﻤﻊ ﺣﻮﺍﻳﺠﻮ ﻭ ﻣﺸﺎ ﻭ ﺃﻧﺎ ﺑﻘﻴﺖ ﺑﻮﺣﺪﻱ ﻓﺎﻟﺪﺍﺭ ﻭ ﺑﻐﻴﺖ ﻧﻌﺮﻑ ﻗﺼﺔ ﻫﺎﺩ ﺍﻟﻔﻴﺪﻳﻮ ﻝ ﺑﺪﺍ ﻛﻴﻬﺒﻞ ﻓﻴﻨﺎ ، ﺟﺒﺪﺕ ﺍﻟﺒﻴﺴﻲ ﻭ ﺩﺧﻠﺖ ﻟﻘﻮﻗﻞ ﻭ ﺑﺪﻳﺖ ﻛﻨﻘﻠﺐ ﻏﻲ ﺩﺭﺕ ﺳﻤﻴﺘﻮ ﻭ ﺧﺮﺟﻮ ﻟﻴﺎ ﺑﺰﺍﻑ ﺩﻳﺎﻝ ﺍﻟﻨﺘﺎﺋﺞ ﻧﺎﺭﻱ ﻫﻨﺎ ﻋﺮﻓﺖ ﺑﻠﻲ ﻫﺎﺩ ﺍﻟﺰﺑﻞ ﻣﻌﺮﻭﻑ ﺑﺰﺍﻑ ﻭ ﺩﺍﻛﺸﻲ ﻟﻠﻘﻴﺖ ﻋﻠﻴﻪ ﺯﺍﺩﻧﻲ ﺧﻠﻌﺔ ﻋﻠﻰ ﺧﻠﻌﺔ ﺍﻟﻔﻴﺪﻳﻮ ﻫﻮ ﻓﻴﺪﻳﻮ ﺩﻳﺎﻝ ﺍﻟﺴﺤﺮ ﺍﻷﺳﻮﺩ ﺃﺧﻄﺮ ﺃﻧﻮﺍﻉ ﺍﻟﺴﺤﺮ ﻭ ﺩﻭﻙ ﺍﻟﺴﻤﻴﺎﺕ ﻟﻜﺎﻧﻮ ﻓﻴﻪ ﺃﺳﻤﺎﺀ ﻣﻠﻮﻙ ﻗﺒﺎﺋﻞ ﺩﻳﺎﻝ ‏( ﻧﻘﺪﺭ ﻧﻜﺘﺐ ﻋﻠﻴﻬﻢ ﻣﻮﺿﻮﻉ ﺍﻳﻼ ﺑﻐﻴﺘﻮ ﺷﻲ ﻧﻬﺎﺭ ‏)

ﻭ ﻣﻠﻲ ﻛﺘﻜﺮﺭ ﺩﻭﻙ ﺍﻟﺴﻤﻴﺎﺕ ﻛﺘﺤﻀﺮﻫﻮﻡ ﻭ ﻫﺎﺩ ﺍﻟﻨﻮﻉ ﻣﻦ ﺍﻟﻨﻮﻉ ﺍﻟﻜﺎﺭﻩ ﻟﻠﺒﺸﺮ ﻭ ﺍﻟﻔﻴﺪﻳﻮ ﺣﺎﻭﻟﻮ ﺑﺰﺍﻑ ﻳﻤﺤﻴﻮﻩ ﻣﻲ ﻣﻘﺪﺭﻭﺵ ، ﺑﻐﻴﺖ ﻧﻘﺮﺍ ﺗﺠﺎﺭﺏ ﻧﺎﺱ ﺷﺎﻓﻮﻩ ﻭ ﻣﻠﻘﻴﺘﺶ ﺑﺰﺍﻑ ﻭ ﻫﺎﺩﻭﻙ ﻟﻴﻠﻘﺎﻳﺖ ﻛﺎﻧﻮ ﻋﻠﻰ ﻟﺴﺎﻥ ﺍﻟﻌﺎﺋﻼﺕ ﺩﻳﺎﻝ ﺍﻟﻨﺎﺱ ﻝ ﺷﺎﻓﻮﻩ ﺣﻨﺖ ﻧﺎﺱ ﻝ ﺷﺎﻓﻮﻩ ﻛﻠﻬﻢ ﻣﺎﺗﻮ ، ﻭ ﺩﺍﻛﺸﻲ ﻻﺵ ﻣﺴﻤﻴﻨﻮ ‏( …. ‏)

ﺃﻩ ﻣﻐﻨﻘﻮﻟﺶ ﻭ ﺣﻨﺖ ﺃﻧﺎ ﻭ ﻓﻬﺎﺩ ﺍﻟﺤﺎﻟﺔ ﻛﻨﻜﺘﺐ ﻟﻠﻨﺎﺱ ﻟﻐﻴﻘﺮﺍﻭ ﻫﺎﺩ ﺍﻟﻤﺬﻛﺮﺍﺕ ﻣﺒﻐﻴﻜﺶ ﻧﺘﺎ ﻭﻻ ﻧﺘﻲ ﺗﻌﺎﻭﺩ ﺍﻷﺧﻄﺎﺀ ﺩﻳﺎﻟﻲ ﺗﺒﻊ ﻣﻌﺎﻳﺎ ﻣﻌﻴﺎ ﻭ ﺧﻮﺩ ﺍﻟﺤﺎﺟﺔ ﺍﻟﻤﺰﻳﺎﻧﺔ ﻭ ﺑﻌﺪ ﻋﻠﻰ ﺍﻟﺤﺎﺟﺔ ﺍﻟﺨﻴﺒﺔ . ﻧﺮﺟﻌﻮ ﻓﻴﻦ ﻛﻨﺎ ﻣﻦ ﻗﺮﻳﺖ ﺍﻟﻘﺼﺔ ﺩﻳﺎﻝ ﺍﻟﻔﻴﺪﻳﻮ ﺑﻘﻴﺖ ﻣﺮﻳﺢ ﻭ ﻋﺮﻓﺖ ﺍﻟﻐﻼﻁ ﻝ ﺩﺭﺗﻮ ﺑﻠﻲ ﺭﺍﻩ ﻏﻼﻁ ﻛﺒﻴﺮ ﺑﺰﺍﻑ ، ﺑﻘﻴﺖ ﺳﺎﻫﻲ ﻭ ﻛﻨﺨﻤﻢ ﺣﺘﺎ ﺳﻤﻌﺖ ﺍﻟﺨﺒﻴﻂ ﻓﺎﻟﺒﺎﺏ ﺩﻳﺎﻝ ﺍﻟﺪﺍﺭ ﻧﻀﺖ ﻛﻨﺠﺮﻱ ﻟﻘﻴﺘﻬﻮﻡ ﺍﻟﺪﺍﺭ ﻭﺍﻗﻔﻴﻦ ﻋﻨﺪ ﺍﻟﺒﺎﺏ ﻭ ﺍﻟﻮﺍﻟﻴﺪ ﻗﺎﻟﻲ ﻣﺎﻟﻚ ﻭﺍﺵ ﻛﻨﺘﻲ ﻧﺎﻋﺲ ﺭﺍ ﺣﻨﺎ ﺳﺎﻋﺔ ﻭ ﺣﻨﺎ ﻭﺍﻗﻔﻴﻦ ﻋﻨﺪ ﺍﻟﺒﺎﺏ ﻗﻠﺖ ﻟﻴﻪ ﻏﻲ ﻛﻨﺖ ﺳﺎﺩ ﻋﻠﻴﺎ ﺍﻟﺒﻴﺖ ،

ﺇﻳﻴﻴﻪ ﺍﻟﻮﺍﻟﻴﺪﻳﻦ ﻣﺘﻘﺪﺭ ﺗﺨﺒﻲ ﻋﻠﻴﻬﻢ ﻭﺍﻟﻮ ﻛﻴﻘﺮﺍﻭﻙ ﻣﻦ ﻭﺟﻬﻚ ، ﺍﻟﻮﺍﻟﻴﺪﺓ ﻗﺎﻟﺖ ﻟﻲ ﻣﺎﻟﻚ ﻭﺟﻬﻚ ﻣﺒﺪﻝ ﺃ ﻳﻮﺳﻒ ﻭﺍﺵ ﻣﻜﺎﻳﻦ ﺑﺎﺱ ، ﻣﻜﺮﻫﺘﺶ ﻧﻘﻮﻝ ﻟﻴﻬﺎ ﻛﻠﺸﻲ ﻋﻠﻰ ﻫﺎﺩ ﺍﻟﻴﻮﻣﺎﻳﻦ ﻝ ﺩﻭﺯﺕ ﻣﻲ ﻣﺒﻐﻴﺘﺶ ﻧﺒﻜﻴﻬﺎ … ﻗﻠﺖ ﻟﻴﻬﺎ ﻏﻲ ﺍﻟﺴﻄﺮﻳﺲ ﺩﻳﺎﻝ ﺍﻟﺒﺎﻙ ﻭ ﻫﺮﺑﺖ ﻟﺒﻴﺘﻲ ﺣﻨﺖ ﻛﻮﻥ ﺑﻘﻴﺖ ﺷﻮﻳﺎ ﻛﻨﺖ ﻏﻨﺒﻜﻲ ﻗﺪﺍﻣﻬﺎ . ﺩﺍﺯﺕ ﺍﻟﻴﻮﻣﺎﻳﻦ ﻟﺒﻘﺎﺕ ﻋﺎﺩﻱ ﻏﻲ ﺍﻟﺤﻔﺎﺿﺔ ﻭ ﺍﻟﻨﻌﺎﺱ ﻭ ﻫﺎ ﺍﻟﻌﻄﻠﺔ ﺳﺎﻻﺕ ﻭ ﻫﻨﺎ ﻗﺼﺘﻲ ﻏﺎﺩﺍ ﺗﺘﺰﺍﺩ ﺗﺘﻌﻘﺪ ﻭ ﺗﻜﺒﺮ .

ياك مزال متبعين معنا القصة .. ره عاد بدا التشويق فالقصة ديالنا …

الفصل 3 من قصة اللعنة

ﻭ ﺻَﻞ ﺍﻟﻨﻬﺎﺭ ﺍﻟﻠﻮﻝ ﻓﺎﻟﻘﺮﺍﻳﺔ ، ﻗﺼﺪﺕ ﺍﻟﻠﻴﺴﻲ ﻭ ﻛﻨﺴﻠﻢ ﻋﻠﻰ ﺍﻟﻌﺸﺮﺍﻥ ﻭ ﻛﻠﺸﻲ ﻛﻴﺴﻮﻝ ﺩﻭﻙ ﺍﻷﺳﺌﻠﺔ ﺍﻟﻤﻌﺮﻭﻓﺔ ﻓﻴﻦ ﻣﺸﻴﺘﻲ ﻭ ﺷﻨﻮ ﺩﺭﺗﻲ … ﻭ ﺃﻧﺎ ﻣﺎﺷﻲ ﻓﻬﺎﺩ ﺍﻟﻌﺎﻟﻢ ﻣﺮﻓﻮﻉ ﺑﺎﻟﻲ ﻛﻠﻮ ﻣﻊ ﺃﺷﺮﻑ ﻛﻨﺘﺴﻨﺎﻩ ﻏﻲ ﻳﺪﺧﻞ ﺣﻨﺖ ﺑﺎﻟﻲ ﺗﺸﻐﻞ ﻋﻠﻴﻪ ﺑﺰﺍﻑ .. ﺑﻘﻴﺖ ﻛﻨﺘﺴﻨﺎ ﺣﺘﻰ ﺑﺎﻥ ﻟﻲ ﺟﺎﻱ ﺩﺍﺧﻞ ﻣﻦ ﺍﻟﺒﺎﺏ ﺻﺪﻣﻨﻲ ﻓﻴﻦ ﻫﻮ ﺃﺷﺮﻑ ﺍﻟﻔﻮﺭﻣﺔ ﻑ ﺿﺮﻑ ﻳﻮﻣﺎﻳﻦ ﻃﺎﺣﺖ ﻣﻨﻮ ﺷﻲ 5 ﻛﻴﻠﻮ ، ﺗﺴﻨﻴﺘﻮ ﺣﺘﻰ ﻭﺻﻞ ﻋﻨﺪﻱ ﻭ ﺳﻮﻟﺘﻮ ﻣﺎﻟﻚ ﻭ ﻫﻮ ﻳﺒﺪﺍ ﺩﺍﻭﻱ :

ﺃﺷﺮﻑ : ﻫﺎﺩ ﺍﻟﻴﻮﻣﺎﻳﻦ ﻭ ﺍﻟﻠﻪ ﻣﺎ ﺷﻔﺖ ﺍﻟﻨﻌﺎﺱ ﻭﻟﻴﺖ ﻛﻨﺸﻮﻑ ﺷﻲ ﺣﻮﺍﻳﺞ ﺑﻮﺣﺪﻱ ﻓﺎﻟﺪﺍﺭ ﻛﻴﺒﺪﺍﻭ ﺩﺍﻭﻳﻦ ﻣﻌﺎﻳﺎ ﺏ ﺷﻲ ﺣﺎﺟﺔ ﻣﻜﻨﻔﻬﻤﻬﺎﺵ ﺭﺍﻩ ﺑﺪﻳﺖ ﻛﻨﻬﺒﻞ ﻳﻤﻜﻦ ﻭ ﻧﺰﻳﺪﻙ ﻟﺒﺎﺭﺡ ﺣﻠﻤﺖ ﻭﺍﺣﺪ ﺍﻟﺤﻠﻤﺔ ﻓﺸﻜﻞ ﺃﻧﺎ : ﺷﻨﻮ ﺃﺷﺮﻑ : ‏( ﺑﻘﺎ ﺳﺎﻛﺖ ﻭﺍﺣﺪ ﺍﻟﺸﻮﻳﺔ ‏) ﺣﻠﻤﺖ ﺑﻴﻚ ﻗﺘﻠﺘﻴﻨﻲ ﺃﻧﺎ ﺑﻘﻴﺖ ﺳﺎﻛﺖ ﻭ ﻗﻠﺖ ﻟﻴﻪ ﻳﻼﻩ ﻧﺪﺧﻠﻮ ﻟﻠﻘﻴﺴﻢ ﺭﺍ ﺍﻷﺳﺘﺎﺫ ﻗﺮﻳﺐ ﻳﺠﻲ ، ﻛﺎﻥ ﻋﻨﺪﻧﺎ ﺩﺍﻙ ﺍﻟﺼﺒﺎﺡ ﺍﻟﻔﻴﺰﻳﻚ ﻭ ﻛﻨﺎ ﺣﻨﺎ ﺻﻴﻮﻧﺲ ﻓﻴﺰﻳﻚ ﻳﻌﻨﻲ ﺧﺼﻨﺎ ﻧﺘﺒﻌﻮ ﻣﺰﻳﺎﻥ …

ﺩﺧﻞ ﺍﻷﺳﺘﺎﺫ ﻭ ﺑﺪﺍ ﺍﻟﺪﺭﺱ ﺷﺮﺡ ﻟﻴﻨﺎ ﻣﺰﻳﺎﻥ ﻓﺎﻟﻠﻮﻝ ﻋﺎﺩ ﺑﺪﺍ ﻳﻜﺘﺐ ﻓﺎﻟﺼﺒﻮﺭﺓ ﻓﻨﺺ ﺳﺎﻋﺔ ﺍﻟﻠﺨﺮﺓ ، ﻫﻮ ﻛﻴﻜﺘﺐ ﻭ ﺃﻧﺎ ﻛﻨﺸﻮﻑ ﺍﻟﺼﺒﻮﺭﺓ ﺧﺎﻭﻳﺎ ﺷﻔﺖ ﺟﻴﻬﺖ ﺃﺷﺮﻑ ﻟﻘﻴﺘﻮ ﻛﻴﻜﺘﺐ ﻳﻌﻨﻲ ﻫﻮ ﻛﻴﺸﻮﻑ ، ﻣﺮﺓ ﻣﺮﺓ ﻛﻨﺤﺲ ﺑﺸﻲ ﺣﺎﺟﺔ ﺑﺤﺎﻝ ﺍﻹﺩﻳﻦ ﻛﻴﺘﺤﻄﻮ ﻋﻠﻰ ﻋﻴﻨﻴﺎ ، ﺷﺪﺗﻨﻲ ﺍﻟﺨﻠﻌﺔ ﻭﻟﻜﻦ ﻣﺒﻐﻴﺘﺶ ﻧﺒﻴﻦ ﻷﺷﺮﻑ ﺣﻨﺖ ﻟﻴﻔﻴﻪ ﻳﻜﻔﻴﻪ …

ﺑﻘﻴﺖ ﺻﺎﺑﺮ ﺗﺎ ﻭﺻﻠﺖ ﺍﻟﻌﺸﺮﺓ ﻭ ﺧﺪﻳﺖ ﺍﻟﺪﻓﺘﺎﺭ ﻣﻦ ﻋﻨﺪﻭ ﺑﺎﺵ ﻧﻘﻞ ﺗﺤﺮﻛﻨﺎ ﻓﺎﻟﻄﺮﻳﻖ ﺑﺠﻮﺝ ﺕ ﻭﺍﺣﺪ ﻣﻜﻴﻬﺪﺭ ﻣﻊ ﺍﻷﺧﺮ ﻭﺻﻠﻨﺎ ﻟﻠﻨﺺ ﺗﻔﺮﻗﻨﺎ ﻭ ﻛﻞ ﻭﺍﺣﺪ ﻣﺸﺎ ﻟﺪﺍﺭﻫﻢ . ﻭﺻﻠﺖ ﻟﻠﺪﺍﺭ ﺟﻴﻌﺎﻥ ﻭ ﻛﺎﻥ ﺃﺧﺮ ﺣﺎﺟﺔ ﻏﻨﺎﻛﻠﻬﺎ ﻫﺎﺩ ﺍﻟﻨﻬﺎﺭ ﻫﻲ ﻫﺎﺩ ﺍﻟﻔﻄﻮﺭ ﻏﻲ ﺩﺧﻠﺖ ﻟﻘﻴﺖ ﺍﻟﻮﺍﻟﻴﺪﺓ ﻛﺘﺴﻨﺎ ﻓﻴﺎ ﻗﻠﺖ ﻟﻴﻬﺎ ﻓﻴﺎ ﺟﻮﻉ ﻧﺎﺿﺖ ﺗﻮﺟﺪ ﺍﻟﻔﻄﻮﺭ ﻣﻴﻤﺘﻲ ﻷﻱ ﺣﺎﺟﺔ ﺣﻠﻴﺖ ﻋﻠﻴﻬﺎ ﻓﻤﻲ ﻛﺘﺤﻀﺮﻫﺎ ﻟﻴﺎ ﻣﻴﻤﺘﻲ ﻝ ﻗﺎﺻﺎﺕ ﻣﻌﺎﻳﺎ ﻭ ﻛﺒﺮﺍﺗﻨﻲ ﻭ ﻗﺎﺻﺎﺕ ﻭ ﺻﺒﺮﺍﺕ ﻣﻊ ﺭﺍﺟﻠﻬﺎ ﺗﺎ ﺩﺍﺭ ﺩﺍﺭﻭ ﻭ ﺧﺪﻡ …

ﺍﻟﻠﻪ ﺇﺳﻤﺢ ﻟﻴﻨﺎ ﻣﻦ ﺍﻟﻮﺍﻟﻴﺪﻳﻦ . ﻫﻲ ﻋﺎﻗﺖ ﺑﻴﺎ ﻣﺨﺒﻲ ﺷﻲ ﺣﺎﺟﺔ ﺣﻄﺎﺕ ﻟﻲ ﺩﺍﻛﺸﻲ ﻝ ﻭﺟﺪﺍﺕ ﻭ ﺟﺎﺕ ﻗﺪﺍﻣﻲ ﻗﺎﺗﻠﻲ ﺑﺰﺍﻑ ﻫﺎﺩ ﺍﻟﺤﺎﻟﺔ ﻋﻠﻰ ﺍﻟﺒﺎﻙ ﻣﺎﻟﻚ ﺷﻨﻮ ﻋﻨﺪﻙ ﻗﺘﻠﻴﻬﺎ ﻣﻜﺎﻳﻦ ﻭﺍﻟﻮ ﻏﻲ ﺗﻬﺎﻧﻲ ﻭ ﻧﻀﺖ ﺑﺎﻟﺰﺭﺑﺔ ﺩﺧﻠﺖ ﻟﺒﻴﺘﻲ ﺣﻨﺖ ﻛﻮﻥ ﺑﻘﻴﺖ ﻣﻌﺎﻫﺎ ﻛﻨﺖ ﻏﻨﻘﻮﻝ ﻟﻴﻬﺎ ﺷﻨﻮ ﻛﺎﻳﻦ . ﻣﺸﻴﺖ ﺟﺒﺪﺕ ﺷﻲ ﺍﻣﺘﺤﺎﻧﺎﺕ ﺩﻳﺎﻝ ﺍﻟﻤﺎﻁ ﻭ ﺑﺪﻳﺖ ﺧﺪﺍﻡ ﻓﻴﻬﻢ ﻭ ﻧﺴﻴﺖ ﺍﻟﻮﻗﺖ ﺣﺘﻰ ﻛﻨﺴﻤﻊ ﺍﻟﺪﻗﺎﻥ ﻓﺎﻟﺒﺎﺏ ﺩﻳﺎﻝ ﺍﻟﺒﻴﺖ ﺑﺎﻟﺠﻬﺪ ﺣﻠﻴﺖ ﻟﻘﻴﺘﻬﺎ ﺍﻟﻮﺍﻟﻴﺪﺓ ﻗﺎﺗﻠﻲ ﻭﺍﺵ ﺍﻟﺠﺎﻣﻊ ﺣﺪﻯ ﺍﻟﺒﻴﺖ ﻭ ﻣﺴﻤﻌﺘﻴﺶ ﺍﻷﺫﺍﻥ ﻗﻠﺖ ﻟﻴﻬﺎ ﻻ ﺭﺍ ﻣﺴﻤﻌﺖ ﻭﺍﻟﻮ ﻫﺎﻧﺎ ﻏﻨﺘﻮﺿﺎ ﻭ ﻧﺼﻠﻲ ،

ﺗﻮﺿﻴﺖ ﻭ ﺃﻧﺎ ﻛﻨﺼﻠﻲ ﻣﻜﻨﺴﻤﻌﺶ ﻫﺎﺩﻭﻙ ﺍﻟﺼﻮﺭ ﻝ ﻛﻨﻘﺮﺍ ﻭﺍﻟﻮ ﻓﻤﻲ ﻛﻨﺤﺲ ﺑﻴﻪ ﻛﻴﺘﺤﺮﻙ ﻣﻲ ﻣﻜﻨﺴﻤﻌﺶ ﺍﻟﺼﻮﺕ ﺩﻳﺎﻟﻲ .. ﻣﻦ ﻛﻤﻠﺖ ﻣﺸﻴﺖ ﻫﺰﻳﺖ ﺍﻟﻘﺮﺁﻥ ﺑﺎﺵ ﻧﻘﺮﺍ ﺷﻮﻳﺔ ﻭ ﺃﻧﺎ ﻧﺘﺼﺪﻡ ﺑﻠﻲ ﺭﺍﻩ ﺧﺎﻭﻱ ﻧﺎﺭﻱ ﻣﻴﻤﺘﻲ ﺃﺵ ﻫﺎﺩﺷﻲ ﻫﺰﻳﺖ ﻗﺮﺁﻥ ﺃﺧﺮ ﻭ ﻧﻔﺲ ﺍﻟﺒﻼﻥ ﻣﻜﻨﺸﻮﻓﺶ ﺍﻟﺼﻮﺭ ﻛﻨﺸﻮﻑ ﻏﻲ ﺍﻟﺼﻔﺎﺣﻲ ﺑﻴﻀﻴﻦ ﻫﺰﻳﺖ ﻋﻴﻨﻲ ﻟﻮﺍﺣﺪ ﺍﻟﺘﺼﻮﻳﺮﺓ ﻣﻌﻠﻘﺔ ﻋﻨﺪﻧﺎ ﻓﺎﻟﺼﺎﻟﻮﻥ ﻓﻴﻬﺎ ﺗﺼﻮﻳﺮﺓ ﺩﻳﺎﻝ ﺍﻟﻜﻌﺒﺔ ﻭ ﺁﻳﺔ ﺍﻟﻜﺮﺳﻲ

ﻭ ﺣﺘﺎ ﻫﻮﻣﺎ ﻣﺎﺑﺎﻧﻮﺵ ﻟﻴﺎ ﺗﺰﺍﺩﺕ ﺣﺘﻰ ﺍﻟﻜﻌﺒﺔ ﺗﺎ ﻫﻲ ﺭﻳﺤﺖ ﻓﻮﺍﺣﺪ ﺍﻟﻘﻨﺖ ﺩﻳﺎﻝ ﺍﻟﺼﺎﻟﻮﻥ ﻭ ﺑﺪﻳﺖ ﻧﺒﻜﻲ ﺩﺧﻠﺖ ﺍﻟﻮﺍﻟﻴﺪﺓ ﺷﺎﻓﺘﻨﻲ ﻓﺪﻳﻚ ﺍﻟﺤﺎﻟﺔ ﻋﻨﻘﺎﺗﻨﻲ ﻭ ﻛﻠﻤﺔ ﻭﺣﺪﺓ ﻝ ﻛﺎﻳﻨﺔ ﻑ ﻓﻤﻬﺎ ﻣﺎﻟﻚ ﻣﺎﻟﻚ ﻏﻲ ﻗﻮﻝ ﻟﻴﺎ ﻣﺎﻟﻚ ﺭﺍ ﻧﻘﺪﺭ ﻧﻌﺎﻭﻧﻚ ﻋﺎﻭﺩﺕ ﻟﻴﻬﺎ ﻣﻦ ﺍﻟﻠﻮﻝ ﺣﺘﻰ ﺍﻟﻠﺨﺮ ﺍﻟﻔﻴﺪﻳﻮ ﺍﻟﺮﻋﺐ ﻝ ﻋﺸﺘﻮ ﻭ ﺃﺧﺮ ﺣﺎﺟﺔ ﻝ ﻫﻲ ﺃﻧﻲ ﻣﺒﻘﻴﺘﺶ ﻗﺎﺩﺭ ﻧﺸﻮﻑ ﺍﻟﻘﺮﺁﻥ ﻭﻻ ﻧﺴﻤﻌﻮ ﻭ ﺍﻟﻜﻌﺒﺔ ﺣﺘﻰ ﻫﻲ . ﻫﻲ ﺩﻣﻮﻋﻬﺎ ﻭﻻﻭ ﺑﺤﺎﻝ ﺷﺘﺎ ﺩﻳﻚ ﺳﺎﻋﺔ ﻣﻜﺮﻫﺘﺶ ﺍﻷﺭﺽ ﺗﺒﻠﻊ ﻭ ﻧﺘﺨﺸﺎ ﻓﻴﻬﺎ ﻭ ﻣﻨﺸﻮﻓﺶ ﺩﻣﻮﻉ ﻣﻴﻤﺘﻲ ﻧﺎﺯﻟﻴﻦ ﻋﻠﻰ ﻭﺩﻱ ، ﻗﺎﺗﻠﻲ ﻣﺘﺨﺎﻓﺶ ﻏﻨﻠﻘﺎﻭ ﺷﻲ ﺣﻞ ﺃﻧﺎ ﻏﻨﻤﺸﻲ ﻧﻄﻴﺐ

تتمت القصة في الجزء التالي

باقي أجزاء قصة اللعنة :
الجزء الأول من القصة
الجزء الثاني من القصة

ﻗﺼﺔ ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *