قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ – الجزء الأخير –

قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ – الجزء الأخير –

قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ

السلام عليكم اليوم جبنا ليكم قصة رعب و الجن او داكشي … كنتمنى تعجبكم القصة ديالنا
يالله نبداو في سرد أحداث هاد الجزء من القصة
استمتعو

تتمت قصة اللعنة

ﻫﺎﺩ ﺍﻟﻨﻬﺎﺭ ﻭﺻﺎﻭﻧﺎ ﺑﺎﺵ ﻣﻨﺤﻠﻮ ﺣﺘﻰ ﻛﺘﺎﺏ ﺑﺎﺵ ﻣﺘﻔﻼﺷﺎﺵ ﻭ ﺗﻨﺴﻰ ﻛﻠﺸﻲ ﻣﺨﺮﺟﻨﺶ ﻣﻦ ﺑﻴﺘﻲ ﺩﺍﻙ ﺍﻟﻨﻬﺎﺭ ﺣﺘﻰ ﻝ ﺳﺒﻌﺔ ﺩﻳﺎﻝ ﻋﺸﻴﺔ ﻣﺸﻴﺖ ﺣﺪﻯ ﺍﻟﺠﺮﻳﻒ ﻝ ﻋﺎﻭﺩﺕ ﻟﻴﻜﻢ ﻋﻠﻴﻪ ﻭ ﺗﻘﺎﺑﻠﺖ ﻣﻊ ﺍﻟﺒﺤﺮ ﻭ ﻧﺴﻴﺖ ﺭﺍﺻﻲ ﻭﻧﺴﻴﺖ ﺍﻟﻤﺸﺎﻛﻞ ﺷﻔﺖ ﺍﻟﺴﺎﻋﺔ ﻟﻘﻴﺘﻬﺎ 9 ﺑﺪﻳﺖ ﺭﺍﺟﻊ ﻓﺤﺎﻟﻲ ﻭ ﺩﺯﺕ ﻣﻦ ﻭﺍﺣﺪ ﺍﻟﺪﺭﺏ ﺑﺎﺵ ﻧﻮﺻﻞ ﺑﺎﻟﺰﺭﺑﺔ ﺷﺪﻳﺖ ﺍﻟﻄﺮﻳﻖ ﻭ ﺃﻧﺎ ﻧﺴﻤﻊ ﻭﺍﺣﺪ .

ﺍﻟﺼﻮﺕ ﻣﻐﺮﻳﺒﺶ ﻋﻠﻴﺎ ﻗﺎﻝ ﻳﻮﺳﺴﺴﺴﺴﺴﺴﻒ ﺗﻠﻔﺖ ﻭ ﺃﻧﺎ ﻧﻠﻘﺎﻩ ﺃﺷﺮﻑ ﺷﺪﺍﺗﻨﻲ ﺍﻟﺨﻠﻌﺔ ﻭ ﺗﻤﻨﻴﺖ ﺩﺍﻙ ﺍﻟﺤﻠﻢ ﺇﻛﻮﻥ ﻏﻲ ﻛﺪﻭﺏ ﻭ ﺗﻤﻨﻴﺖ ﺃﻧﺎ ﻟﻨﻤﻮﺕ ﻟﻴﻮﻡ، ﻛﻨﺸﻮﻑ ﻑ ﺇﻳﺪﻭ ﺷﻔﺖ ﻭﺍﺣﺪ ﺍﻟﻤﻮﺱ ﻣﺎ ﺩﻭﺍ ﻣﺎ ﻭﺍﻟﻮ ﺑﺪﺍ ﺟﺎﻱ ﻛﺎﻳﺠﺮﻱ ﻋﻨﺪﻱ ..

الفصل الأخير من قصة اللعنة

ﺑﺪﺍ ﺟﺎﻱ ﻛﺎﻳﺠﺮﻱ ﺣﺘﻰ ﻭﺻﻞ ﻋﻨﺪﻱ ﻭ ﻭﻗﻒ ، ﻗﺎﻝ ﻟﻲ ﺭﺍﻫﻢ ﺑﻐﻮﻙ ﻟﻴﻮﻡ ﻭ ﻟﻴﻮﻡ ﻧﻴﺖ ﻏﺪﻱ ﺗﻤﺸﻲ ﺑﻌﻴﺪ ﻭ ﺷﻨﻖ ﻋﻠﻴﺎ ﻭ ﺑﻐﺎ ﻳﻘﺘﻠﻨﻲ ﻭ ﻣﺎﺷﻲ ﺑﺄﻱ ﻃﺮﻳﻘﺔ ﺑﻐﺎ ﻳﺪﺑﺤﻨﻲ ، ﻛﻞ ﻭﺍﺣﺪ ﻓﻴﻨﺎ ﻋﻨﺪﻭ ﺩﻳﻚ ﺍﻟﻐﺮﻳﺰﺓ ﺩﻳﺎﻝ ﺍﻟﺒﻘﺎﺀ ﻭ ﺣﺘﻰ ﺃﻧﺎ ﺑﻨﺎﺩﻡ ﺑﻘﻴﺖ ﻣﻀﺎﺭﺏ ﻣﻌﺎﻩ ﻛﻨﺘﻌﺎﺑﺰﻭ ﻭ ﻛﻨﺤﺎﻭﻝ ﻧﺨﻠﻲ ﺍﻟﻤﻮﺱ ﺑﻌﻴﺪ ﻋﻠﻴﺎ ﻭ ﺑﻘﻴﻨﺎ ﻣﺠﺎﺭﻳﻦ ﻛﻞ ﻭﺍﺣﺪ ﻛﺎﻳﺠﺮ ﻓﺠﻴﻪ ﺣﺘﻰ ﺣﺴﻴﺖ ﺑﺎﻟﻤﻮﺱ ﻣﺸﺎ ﺟﻴﻬﺖ ﺃﺷﺮﻑ ﻭ ﺍﻟﺪﻡ ﺑﺪﺍ ﻛﺎﻳﻨﻘﻂ ﻓﺎﻟﺸﺎﻧﻄﻲ

ﻫﻮ ﺷﺎﻑ ﻓﻴﺎ ﻭ ﺑﺪﺍ ﻳﻀﺤﻚ ﻭ ﻓﺎﻕ ﻣﻦ ﺩﻳﻚ ﺍﻟﺤﺎﻟﺔ ﻝ ﻛﺎﻥ ﻓﻴﻬﺎ ،، ﻗﺎﻟﻲ ﻳﺎﻙ ﻗﺘﻠﻴﻚ ﺭﺍﻙ ﻏﺎﺩﻱ ﺗﻘﺘﻠﻨﻲ ﻧﻴﻘﺘﻴﻨﻲ ﺩﺍﺑﺎ ﺃﻧﺎ ﺑﻘﺎ ﺍﻟﻤﻮﺱ ﻑ ﺃﻳﺪﻱ ﻟﺤﺘﻮ ﻭ ﻣﺸﻴﺖ ﻛﻨﺠﺮﻱ ﻋﻨﺪﻭ ﻋﻨﻘﺘﻮ ﻭ ﺑﺪﻳﺖ ﻛﻨﺒﻜﻲ ﻭ ﻛﻨﻘﻮﻟﻴﻪ ﺳﻤﺢ ﻟﻴﺎ ﺃﻧﺎ ﺍﻟﺴﺒﺎﺏ ﻓﻬﺎﺩﺷﻲ ﺃﻧﺎ ﻟﻬﺒﻠﺘﻚ ﻭ ﺃﻧﺎ ﺩﺍﺑﺎ ﻝ ﻗﺘﻠﺘﻚ ﻫﻮ ﻛﻠﻤﺔ ﻝ ﻋﻠﻰ ﻓﻤﻮ ﻫﺎﻧﻴﺎ ﻫﺎﻧﻴﺎ ﻧﺘﺎ ﺧﻮﻳﺎ ﻭ ﺻﻮﺗﻮ ﺑﺸﻮﻳﺔ ﺑﺸﻮﻳﺔ ﻏﺎﺩﻱ ﻭ ﻛﻴﻬﺒﻂ ﻭ ﺃﺧﺮ ﺣﺎﺟﺔ ﻗﺎﻟﻬﺎ ﻟﻴﺎ ﻫﻲ ﺗﻬﻼ ﻓﺎﻟﻮﺍﻟﻴﺪﺓ

ﻭ ﻣﻦ ﺑﻌﺪ ﻃﺎﺡ ﻣﻦ ﺑﻴﻦ ﺇﻳﺪﻳﺎ ﻋﺮﻓﺘﻮ ﻣﺎﺕ ، ﻣﺎﺕ ﺧﻮﻳﺎ ﻝ ﻣﺎﺷﻲ ﻣﻦ ﻣﻲ ﺧﻮﻳﺎ ﻝ ﻛﺎﻥ ﻓﻴﻤﺎ ﺣﻐﺮ ﻋﻠﻴﺎ ﺷﻲ ﻭﺍﺣﺪ ﻛﺎﻳﺪﺍﻓﻊ ﻋﻠﻴﺎ ﺧﻮﻳﺎ ﻟﻜﻨﺎ ﻣﺘﺎﻓﻘﻴﻦ ﺃﻧﺎ ﻭ ﻳﺎﻩ ﻋﻠﻰ ﺷﺤﺎﻝ ﻣﻦ ﺣﺎﺟﺔ ﻛﻨﺎ ﺑﺎﻏﻴﻦ ﻧﺸﺪﻭ ﺍﻟﺒﺎﻙ ﻭ ﻧﻔﺮﺣﻮ ﻭﺍﻟﻴﺪﻳﻨﺎ ﻭ ﻟﻜﻦ ﺩﺍﺑﺎ ﻭﺍﺣﺪ ﻏﻴﻤﺸﻲ ﻟﻠﻘﺒﺮ ﻭ ﻭﺍﺣﺪ ﻟﻠﺤﺒﺲ ، ﻭ ﺃﻧﺎ ﻛﻨﻜﺘﺐ ﺩﺍﺑﺎ ﺗﻔﻜﺮﺗﻮ ﻭ ﺭﺍﻧﻲ ﻛﻨﺒﻜﻲ ﻝ ﻋﻨﺪﻭ ﺷﻲ ﺻﺎﺣﺒﻮ ﺇﺗّﻬﻼ ﻓﻴﻪ ،

ﻭ ﻟﻤﻌﻨﺪﻭﺵ ﺇﻋﺮﻑ ﻳﺨﺘﺎﺭ ، ﺃﺷﺮﻑ ﻋﻤﺮﻧﻲ ﻣﻨﺴﻴﺘﻮ ﻭ ﻋﻤﺮﻧﻲ ﻣﻐﻨﺴﺎﻩ . ﺭﻳﺤﺖ ﺣﺪﺍﻩ ﻭ ﺑﻘﻴﺖ ﻛﻨﻜﺒﻜﻲ ﺣﺘﻰ ﺗﺠﻤﻊ ﺑﻨﺎﺩﻡ ﻭ ﻛﻠﺸﻲ ﻛﻴﻮﺷﻮﺵ ﻋﻠﻴﺎ ﻋﻴﻄﻮ ﻟﻺﺳﻌﺎﻑ ﻭ ﺍﻟﺒﻮﻟﻴﺲ ، ﺟﺎﺕ ﺍﻟﺼﻄﺎﻓﻴﻂ ﻫﺰﺍﺗﻨﻲ ﻭ ﺍﻹﺳﻌﺎﻑ ﻫﺰﺍﺗﻮ ﻭ ﻫﻮ ﻣﺸﺎ ﻟﻠﻘﺒﺮ ﻭ ﺃﻧﺎ ﻣﺸﻴﺖ ﻟﻠﻤﺠﻬﻮﻝ ، ﻭ ﺻﻠﻨﺎ ﻟﻠﻜﻮﻣﻴﺴﺎﺭﻳﺎ ﻭ ﻻﺣﻮﻧﻲ ﻓﻮﺍﺣﺪ ﺍﻟﺒﻴﺖ ﺑﻮﺣﺪﻱ ﻏﻲ ﺍﻟﻀﻠﻤﺔ ﺧﻼﻭﻧﻲ ﺗﻤﺎﻙ ﻭﺍﺣﺪ 12 ﺳﺎﻋﺔ ﻋﺎﺩ ﺟﺎﻭ ﻟﻴﺎ ﺩﺧﻞ ﻏﻲ ﻭﺍﺣﺪ

ﺍﻟﺒﻮﻟﻴﺴﻲ : ﻋﻼﺵ ﻗﺘﻠﺘﻴﻪ ﺃﻧﺎ : ﻏﻲ ﻏﻠﻄﺖ ﻭ ﻫﻮ ﻟﺤﺎﻭﻝ ﺇﻗﺘﻠﻨﻲ ﺍﻟﻠﻮﻝ ﺣﻨﺖ ﻫﻮﻣﺎ ﻗﺎﻟﻮﻫﺎ ﻟﻴﻪ ﺍﻟﺒﻮﻟﻴﺴﻲ : ﺷﻜﻮﻥ ﻫﻮﻣﺎ ؟؟ ﺃﻧﺎ : ﻫﺎﺩﻭﻙ ﻟﺤﻀﺮﻧﺎﻫﻢ ﻣﻴﻦ ﺗﻔﺮﺟﻨﺎ ﻓﺎﻟﻔﻴﺪﻳﻮ ﻋﺎﺭﻓﻚ ﻣﻐﺘﻴﻘﻨﻴﺶ ﺍﻟﺒﻮﻟﻴﺴﻲ : ﻛﻴﺒﺎﻥ ﻟﻲ ﺭﺍﻙ ﻣﺼﻄﻲ ﻭ ﺧﺮﺝ ﻭ ﺟﺎﺑﻮ ﻟﻴﺎ ﻭﺍﺣﺪ ﺍﻟﻄﺒﻴﺐ ﺑﺪﺍ ﻛﺎﻳﺴﻮﻝ ﻓﻴﺎ ﻭ ﻋﺎﻭﺩﺕ ﻟﻴﻪ ﺩﺍﻛﺸﻲ ﻛﻠﻮ ﻟﻮﻗﻊ ﻣﻦ ﺑﻐﺎ ﻳﺨﺮﺝ ﺷﺎﻑ ﻓﺎﻟﺒﻮﻟﻴﺴﻲ ﻭ ﺣﺮﻙ ﺭﺍﺻﻮ ﻳﻌﻨﻲ ﻫﺎﺩ ﺍﻟﺴﻴﺪ ﺭﺍﻩ ﻣﺼﻄﻲ

ﺩﺍﺯﺕ ﻭﺍﺣﺪ 3 ﺇﻳﺎﻡ ﻛﺎﻥ ﺧﺼﻨﻲ ﻧﺪﻭﺯﻫﺎ ﻓﺎﻹﻣﺘﺤﺎﻥ ﻭ ﻟﻜﻦ ﺍﻷﻗﺪﺍﺭ ﺑﻐﺎﺗﻨﻲ ﻧﺪﻭﺯﻫﺎ ﻫﻨﺎ ﺟﺎ ﺻﺒﺎﺡ ﻭ ﻫﻮﻣﺎ ﻳﺠﻴﻮ ﺟﻮﺝ ﻫﺰﻭﻧﻲ ﻭ ﺩﺍﺭﻭﻧﻲ ﻓﻮﺍﺣﺪ ﺍﻟﺼﻄﺎﻓﻴﻂ ﻭ ﻟﻜﻦ ﻣﺪﺍﻭﻧﻴﺶ ﻟﻠﺤﺒﺲ ﺩﺍﻭﻧﻲ ﻟﺒﺮﺷﻴﺪ ﻭ ﺑﺎﻟﻀﺒﻂ ﺻﺒﻴﻄﺎﺭ ﺍﻟﺤﻤﺎﻕ ﻓﺎﻟﺒﺎﺏ ﻟﻘﻴﺖ ﻣﻴﻤﺘﻲ ﺑﻮﺣﺪﻫﺎ ﻛﺘﺴﻨﺎ ﻓﻴﺎ ﻃﻠﺒﺎﺕ ﺩﻭﻙ ﺟﻮﺝ ﺑﺎﺵ ﺗﻌﻨﻘﻨﻲ ﺃﺧﺮ ﻣﺮﺓ ﻧﺎﺭﻱ ﻟﻘﺎﺕ ﻗﻠﺒﻲ ﻃﺎﻳﺐ ﺣﻠﻔﺖ ﺃﻧﺎ ﻝ ﻃﻠﻘﺖ ﻣﻨﻬﺎ

ﻫﻲ ﻛﺘﺒﻜﻲ ﻭ ﺃﻧﺎ ﻛﻨﺒﻜﻲ ﺣﺘﻰ ﻓﺮﻗﻮﻧﻲ ﻋﻠﻴﻬﺎ . ﺩﻭﺯﺕ 6 ﺍﻟﺴﻨﻴﻦ ﻫﻨﺎ ﻭ ﺍﻟﻮﺍﻟﻴﺪﺓ ﻣﻮﺭﺍ ﻋﺎﻡ ﻭﺍﺣﺪ ﻣﺎﺗﺖ ﻭ ﻭﺻﻼﺗﻨﻲ ﺧﺒﺎﺭﻫﺎ ﻏﻲ ﻣﻦ ﺧﺘﻲ ﻝ ﺟﺎﺕ ﺗﺸﻮﻓﻨﻲ ﻭ ﻣﻮﺭﺍﻫﺎ ﻭ ﺗﻘﻮﻝ ﺷﻲ ﺣﺪ ﻭﺍﺵ ﺗﻔﻜﺮﻧﻲ ﻫﻨﺎ ﻛﻨﺸﻮﻑ ﺩﺍﻛﺸﻲ ﻟﻤﻜﻘﺪﺭﺵ ﺇﺷﺮﻓﻮ ﺑﻨﺎﺩﻡ ﺍﻟﻌﺎﺩﻱ ﻛﻨﺸﻮﻑ ﺍﻟﺠﻦ ﻛﻨﺸﻮﻓﻬﻢ ﻛﺎﻳﺪﻭﺭﻭ ﺑﻴﺎ ﻛﺎﻳﻬﺪﺭﻭ ﻣﻌﺎﻳﺎ ﻭ ﻧﻬﻀﺮ ﻣﻌﺎﻫﻢ ﻭ ﺍﻟﻴﻮﻡ ﺟﺎﺕ ﻧﻮﺑﺘﻲ ﺑﺎﺵ ﻧﻤﻮﺕ ﻧﺘﻤﻨﺎ ﺗﻜﻮﻥ ﻓﻬﻤﺘﻲ ﻣﻴﺴﺎﺟﺎﺕ ﺍﻟﻘﺼﺔ ﻧﺘﻤﻨﺎ ﺃﻧﻚ ﻣﺘﻜﺮﻫﻨﻴﺶ ﻧﺘﻤﻨﺎ ﺃﻥ ﻗﺼﺘﻲ ﺗﺘﺸﻬﺮ ﻭ ﻳﻘﺮﺍﻫﺎ ﺑﻨﺎﺩﻡ ﺑﺎﺵ ﻣﺎﻳﻜﺮﺭﺵ ﺃﻏﻼﻃﻲ ﺑﻌﺪ ﻋﻠﻰ ﺍﻟﺰﻋﺎﻣﺔ ﻋﺮﻑ ﺷﻜﻮﻥ ﺗﻌﺎﺷﺮ ﻭ ﺗﻬﻼ ﻓﻤﻴﻤﺘﻚ ،

ﻋﺸﺖ ﻫﺎﺩ ﺍﻟﻤﺪﺓ ﻭ ﺃﻧﺎ ﻛﻨﺘﺴﻨﺎ ﺍﻟﻤﻮﺕ ﻭ ﻣﻜﺎﻳﻦ ﻣﺼﻌﺐ ﺃﻧﻚ ﺗﻌﻴﺶ ﻭ ﻧﺘﺎ ﻛﺘﺴﻨﺎ ﻓﻴﻬﺎ ﺍﻟﻴﻮﻡ ﻗﺎﻟﻮ ﻟﻴﺎ ﺑﻠﻲ ﻟﻴﻮﻡ ﻏﻨﻤﺸﻲ ﻋﻨﺪ ﺃﺷﺮﻑ ﻭ ﻫﺎﻫﻮﻣﺎ ﺩﺍﺑﺎ ﻗﺪﺍﻣﻲ ﺻﺎﻭﺑﻮ ﻟﻴﺎ ﺑﺎﺵ ﻏﻨﺸﻨﻖ ﺭﺍﺻﻲ ﻫﺎﻫﻬﻤﺎ ﻣﺠﻤﻮﻋﻴﻦ ﻭ ﺃﺷﺮﻑ ﻣﻌﺎﻫﻢ ﻫﺎﻧﺎ ﻣﺸﻴﺖ … ﺍﻟﻨﻬﺎﻳﺔ

ﻫﺎﺩﻱ ﻗﺼﺔ ﺍﻟﻠﻌﻨﺔ ﻛﻴﻔﻤﺎ ﻟﻘﻴﺘﻬﺎ ﻓﻜﺘﺎﺑﻮ ﻧﺘﻤﻨﺎ ﻣﻦ ﻟﻐﻴﻘﻘﺮﺍﻫﺎ ﻳﻔﻬﻢ ﺍﻟﻤﻴﺴﺎﺟﺎﺕ ﺩﻳﺎﻟﻬﺎ ﻭ ﻳﺒﻌﺪ ﻋﻠﻰ ﺍﻷﺧﻄﺎﺀ ﺩﻳﺎﻟﻮ ﺍﻟﻨﻬﺎﻳﺔ بسلامة عليكوم وسمحو لي على تعطيلة ديزولي باي

تتمت القصة في الجزء التالي

باقي أجزاء قصة اللعنة :
الجزء الأول من القصة
الجزء الثاني من القصة

الجزء الثالث من القصة
الجزء الرابع من القصة
الجزء الخامس من القصة
الحزء الأخير

ﻗﺼﺔ ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ – 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *