قصة اللعنة بالدارجة المغربية الجزء 1

قصة اللعنة بالدارجة المغربية الجزء 1

قصة ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ

السلام عليكم اليوم جبنا ليكم قصة رعب و الجن او داكشي … كنتمنى تعجبكم القصة ديال اليوم
يالله نبداو في سرد أحداث القصة
استمتعو

الفصل 1 من قصة اللعنة

ﺍﻟﺴﻼﻡ ﺍﻹﺳﻢ ﺩﻳﺎﻟﻲ ﺍﻟﺴﻴﻤﻮ ﻭ ﺧﺪﺍﻡ ﻑ ﺻﺒﻴﻄﺎﺭ ﺍﻟﺤﻤﺎﻕ ﻓﻲ ﺑﺮﺷﻴﺪ ﺍﻟﻘﺼﺔ ﻟﻐﺎﺩﻱ ﻧﻌﺎﻭﺩ ﻣﺎﺷﻲ ﺩﻳﺎﻟﻲ ، ﺍﻟﻘﺼﺔ ﻫﻲ ﻗﺼﺔ ﻭﺍﺣﺪ ﺍﻟﻮﻟﺪ ﺻﻐﻴﺮ ﻋﻨﺪﻧﺎ ﻣﺎﺕ ﻫﺎﺩﻱ ﺷﻬﺮ ، ﻛﺎﻥ ﻑ ﺍﻟﻌﻤﺮ ﺩﻳﺎﻟﻮ 23 ﺳﻨﺔ ، ﻛﺎﻥ ﻣﺒﺪﻝ ﻋﻠﻰ ﺍﻟﻨﺎﺱ ﻟﻌﻨﺪﻧﺎ ﺩﻳﻤﺎ ﺑﻮﺣﺪﻭ ﻣﻜﻴﺪﻭﻳﺶ ﺳﻜﻮﺗﻲ ﺑﺰﺍﻑ ﻭ ﻗﺒﻞ ﻣﺎﻳﻤﻮﺕ ﺏ ﺟﻮﺝ ﺳﻴﻤﺎﻧﺎﺕ ﻛﺎﻥ ﻃﻠﺐ ﻛﺘﺎﺏ ﻭ ﺳﺘﻴﻠﻮ ﻭ ﻋﻄﻴﻨﺎﻫﻢ ﻟﻴﻪ ﺑﻘﺎﺕ ﺍﻟﻤﻮﺕ ﺩﻳﺎﻟﻮ ﻟﻐﺰ ﺣﻨﺖ ﻣﺎﺕ ﺷﺎﻧﻖ ﺭﺍﺻﻮ .ﻭ ﺃﻧﺎ ﺧﺪﺍﻡ ﻛﻴﻔﻤﺎ ﺩﻳﻤﺎ ﻛﻨﺪﻳﺮ ﺍﻟﻤﻴﻨﺎﺝ ﻟﻠﺒﻴﻮﺕ ﺩﻳﺎﻝ ﺍﻟﻨﺎﺱ ﻟﻲ ﻫﻨﺎ ﻏﻨﻠﻘﺎ ﺍﻟﻜﺘﺎﺏ ﻝ ﻛﻨﺎ ﻋﻴﻄﻴﻨﺎﻩ ﻝ ﻳﻮﺳﻒ ﻗﺒﻞ ﻳﻤﻮﺕ ﻭ ﻛﺘﺐ ﻓﻴﻪ ﻗﺼﺘﻮ ﻛﻴﻔﺎﺵ ﺗﺎ ﻭﺻﻞ ﻫﻨﺎ ﻭ ﻫﺎﺩﺷﻲ ﻟﻲﻏﻴﺠﻲ ﻣﻦ ﺑﻌﺪ ﻫﻲ ﻗﺼﺘﻮ ﻛﻴﻔﻤﺎ ﻟﻘﻴﺘﻬﺎ ﻓﺎﻟﻤﺬﻛﺮﺍﺕ ﺩﻳﺎﻟﻮ :

-ﺃﺧﺮ ﺣﺎﺟﺔ ﺗﺨﻴﻠﺘﻬﺎ ﻫﻲ ﻧﻮﺻﻞ ﻫﻨﺎ ﻟﻠﺼﺒﻴﻄﺎﺭ ﺍﻟﺤﻤﺎﻕ ﻭ ﺍﻟﺴﺒﺐ ﻫﻮ ﺍﻟﺰﻋﺎﻣﺔ ﺍﻟﺰﺍﻳﺪﺓ ﺩﻳﺎﻟﻲ ﻫﺎﺩﺷﻲ ﺑﺪﺍ ﻏﻲ ﺑﺎﻟﻀﺤﻚ ﻭ ﻧﺘﻤﻨﺎ ﻟﻲ ﻏﺎﻳﻠﻘﺎ ﻫﺎﺩ ﺍﻟﻜﺘﺎﺏ ﻣﺎ ﻳﻌﺎﻭﺩﺵ ﺍﻷﺧﻄﺎﺀ ﺩﻳﺎﻟﻲ .ﻗﺼﺘﻲ ﺑﺪﺍﺕ ﻑ 2010 ﻛﺎﻥ ﻓﺎﻟﻌﻤﺮ ﺩﻳﺎﻟﻲ 17 ﻭ ﻛﻨﺖ ﻛﻨﻤﻮﺕ ﻋﻠﻰ ﺃﻱ ﺣﺎﺟﺔ ﺩﻳﺎﻝ ﻣﺎ ﻭﺭﺍﺀ ﺍﻟﻄﺒﻴﻌﺔ ﻛﻨﺖ ﻛﻨﻘﺮﺍ ﻛﺘﻮﺑﺎ ﺑﺰﺍﻑ ﻓﻬﺎﺩﺷﻲ ﻭ ﻛﻨﺘﻔﺮﺝ ﻓﻲ ﻓﻴﺪﻳﻮﺍﺕ ﺑﺰﺍﻑ ،

ﻭ ﻛﻨﺖ ﺩﺍﺧﻞ ﻟﻮﺍﺣﺪ ﺍﻟﻤﻨﺘﺪﻯ ﺩﻳﺎﻝ ﺍﻟﻨﺎﺱ ﻟﻴﻜﻬﺘﻤﻮ ﺑﺎﻟﺴﺤﺮ ﻭ ﺗﺤﻀﻴﺮ ﺍﻷﺭﻭﺍﺡ ، ﻛﻨﺖ ﻏﻲ ﻛﻨﻘﺮﺍ ﻭ ﻋﻤﺮﻧﻲ ﺟﺮﺑﺖ ﺩﺍﻛﺸﻲ ﻟﻲ ﻗﺮﻳﺘﻮ .ﻭﺍﺣﺪ ﺍﻟﻠﻴﻠﺔ ﻣﻮﺭﺍ ﻣﺎ ﺳﺎﻟﻴﺖ ﺍﻟﺤﻔﺎﺿﺔ ﺩﺧﻠﺖ ﻟﺪﺍﻙ ﺍﻟﻤﻨﺘﺪﻯ ﻛﻨﻘﻠﺐ ﻋﻠﻰ ﺍﻟﺠﺪﻳﺪ ﻭ ﻟﻘﻴﺖ ﻭﺍﺣﺪ ﺍﻟﺴﻴﺪ ﻻﻳﺢ ﻭﺍﺣﺪ ﺍﻟﻤﻮﺿﻮﻉ ﻋﻠﻰ ﺷﻲ ﻓﻴﺪﻳﻮ ﻟﻲ ﺷﺎﻓﻮ ﻛﻴﻤﻮﺕ ﺑﻘﻮﺓ ﺍﻟﺨﻠﻌﺔ ﺩﻳﺎﻝ ﺩﺍﻛﺸﻲ ﻟﻜﻴﻌﻴﺸﻮ ﻭ ﺣﺘﻰ ﻻ ﻣﺎ ﻣﺎﺗﺶ ﻛﻴﻬﺒﻞ ،

ﻗﺮﻳﺖ ﺍﻟﻤﻮﺿﻮﻉ ﻛﺎﻣﻞ ﻭ ﻓﺎﻟﻠﺨﺮ ﻟﻘﻴﺖ ﺍﻟﻠﻴﺎﻥ ﺩﻳﺎﻝ ﻫﺎﺩ ﺍﻟﻔﻴﺪﻳﻮ ﻳﻼﻩ ﺑﻐﻴﺖ ﻧﻜﻠﻴﻜﻲ ﻭ ﻫﻲ ﺗﻐﻮﺕ ﺍﻟﻮﺍﻟﻴﺪﺓ ﻳﻮﺳﻒ ﺃﺟﻲ ﺗﺼﺨﺮ ﻟﻴﺎ ﻃﻔﻴﺖ ﺍﻟﺒﻴﺴﻲ ﻭ ﻧﻀﺖ ﺗﺼﺨﺮﺕ ﻭ ﻣﻊ ﺍﻟﻌﻴﺎ ﻏﻲ ﺗﻌﺸﻴﺖ ﻭ ﻧﻌﺴﺖ ﻭ ﻧﺴﻴﺖ ﺩﺍﻙ ﺍﻟﻤﻮﺿﻮﻉ .ﻣﺸﺎﺕ ﺇﻳﺎﻡ ﻭ ﺟﺎﺕ ﺇﻳﺎﻡ ﻭ ﺃﻧﺎ ﻣﻨﺪﺍﻣﺞ ﻓﺎﻟﺠﻮ ﺩﻳﺎﻝ ﺍﻟﻘﺮﺍﻳﺔ ﺣﻨﺖ ﻛﺎﻥ ﻋﻨﺪﻱ ﺍﻟﺒﺎﻙ ﻭ ﺧﺎ ﻣﺰﺍﻝ ﻳﻼﻩ ﻋﻨﺪﻱ 17 ﺣﻨﺖ ﻛﻨﺖ ﺩﺍﺧﻞ ﻋﻠﻰ 6 ﺳﻨﻴﻦ ﻟﻠﻤﺪﺭﺍﺳﺔ ،

خليكم مركزين فالقصة راه غادة وتزيان

ﻭﺻﻼﺕ ﺍﻟﻌﻄﻠﺔ ﺩﻳﺎﻝ ﺍﻟﺮﺑﻴﻊ ﻭ ﺍﻟﺪﺍﺭ ﺻﺎﻓﺮﻭ ﺇﻻ ﺃﻧﺎ ﺑﻐﻴﺖ ﻧﺒﻘﺎ ﻧﻮﺟﺪ ﻟﻠﻤﺘﻴﺤﺎﻥ ﺃﻧﺎ ﻭ ﺃﺷﺮﻑ ﻫﺎﺩ ﺍﻟﻮﻟﺪ ﻛﻠﻤﺔ ﺧﻮﻳﺎ ﻗﻠﻴﻠﺔ ﻓﺤﻘﻮ ﻣﻦ ﺍﻟﺼﻐﺮ ﻭ ﺣﻨﺎ ﺑﺠﻮﺝ ﻛﺒﺮﻧﺎ ﺑﺠﻮﺝ ﺩﻭﺯﻧﺎ ﺍﻟﺨﻴﺒﺔ ﻭ ﺍﻟﺰﻭﻳﻨﺔ ﺑﺠﻮﺝ ﻭ ﺣﺘﻰ ﻓﺎﻟﺒﺎﻙ ﺟﻴﻨﺎ ﺑﺠﻮﺝ ﻓﻨﻔﺲ ﺍﻟﻘﺴﻢ ، ﺍﻟﻤﻬﻢ ﻋﻴﻄﺖ ﻟﻴﻪ ﺑﺎﺵ ﺇﺟﻲ ﻋﻨﺪﻱ ﻟﻠﺪﺍﺭ ﺣﻨﺖ ﺣﺘﻰ ﻫﻮ ﺩﺍﺭﻫﻢ ﻣﺼﺎﻓﺮﻳﻦ ﻭ ﺩﺍﻙ ﺷﻲ ﻟﻜﺎﻥ ﺟﺎ ﻋﻨﺪﻱ .ﻣﻜﺎﻳﻦ ﻏﻲ ﺍﻟﺤﻔﺎﺿﺔ ﻛﻨﺎ ﺑﺎﻏﻴﻦ ﻧﺴﻜﺘﻮ ﺷﺤﺎﻝ ﺩﻳﺎﻝ ﺑﻨﺎﺩﻡ ﻟﻜﺎﻥ ﻛﻴﻘﻮﻝ ﺩﻭﻙ ﺟﻮﺝ ﻣﻮﺣﺎﻝ ﻭﺍﺵ ﻏﻴﻄﻔﺮﻭﻩ ﺣﻨﺖ ﻛﻨﺎ ﻣﻮﺻﻴﺒﺎ ﻛﺤﻠﺔ ،

ﺩﻭﺯﻧﺎ ﻭﺍﺣﺪ 4 ﻳﺎﻡ ﺑﺮﻭﺟﺮﺍﻡ ﻭﺍﺣﺪ ﻟﻜﺎﻳﻦ ﻫﻮ ﺍﻟﻔﻴﺎﻕ ﺑﻜﺮﻱ ﺍﻟﻘﺺ ﻭ ﺍﻟﺤﻔﺎﺿﺔ ، ﻭﺻﻞ ﺍﻟﻨﻬﺎﺭ 5 ﻛﻨﺎ ﻋﻴﻨﺎ ﺑﺰﺍﻑ ﻭ ﻗﺮﺭﻧﺎ ﻧﺘﺴﺎﺭﺍﺣﻮ ﻫﺎﺩ ﺍﻟﻨﻬﺎﺭ ، ﻓﻘﻨﺎ ﺑﻜﺮﻱ ﺩﺭﻧﺎ ﻓﻮﺗﻴﻨﻎ ﻟﺴﻴﺪﻱ ﺑﻮﺯﻳﺪ ﻗﺼﺮﻧﺎ ﻛﻮﺭﺓ ﻣﻊ ﻭﻻﺩ ﺍﻟﻜﻼﺹ ﻣﻦ ﺳﺎﻟﻴﻨﺎ ﻗﺼﺪﻧﺎ ﺍﻟﺪﺍﺭ ﻓﺎﻟﻄﺮﻳﻖ ﺗﻔﻜﺮﺕ ﺩﺍﻙ ﺍﻟﻤﻮﺿﻮﻉ ﻟﺘﻤﻨﻴﺖ ﻛﻮﻥ ﻋﻤﺮﻧﻲ ﻗﺮﻳﺘﻮ ﻭ ﻣﻦ ﻫﻨﺎ ﻏﺎﺩﺍ ﺗﺒﺪﺍ ﻗﺼﺘﻲ ﻣﻠﻲ ﻭﺻﻠﻨﺎ ﺩﻭﺷﻨﺎ ﻭ ﺗﻐﺪﻳﻨﺎ ﻭ ﻣﻊ ﺍﻟﻌﻴﺎ ﻧﻌﺴﻨﺎ ،

ﻓﻘﺖ ﻗﺒﻞ ﻣﻦ ﺃﺷﺮﻑ ﺷﻌﻠﺖ ﺍﻟﺒﻴﺴﻲ ﻭ ﺑﻘﻴﺖ ﻭﺍﺣﺪ ﻧﺺ ﺳﺎﻋﺔ ﻭ ﺃﻧﺎ ﻛﻨﻘﻠﺐ ﻋﻠﻰ ﺩﺍﻙ ﺍﻟﻤﻘﺎﻝ ﻭ ﻗﻠﺒﻲ ﻣﺎﻣﻬﻨﻴﻨﻴﺶ ﻛﻴﻘﻮﻟﻲ ﺣﺒﺲ ﻫﺎﺩﺷﻲ ﺃ ﻳﻮﺳﻒ ﻣﺤﺪﻙ ﻣﺰﺍﻝ ﻣﺎﻟﻘﻴﺘﻲ ﻭﺍﻟﻮ ﻭﻟﻜﻦ ﻋﻘﻠﻲ ﻓﻀﻮﻟﻲ ﺑﻐﻴﺖ ﻧﺸﻮﻑ ﻫﺎﺩ ﺍﻟﻔﻴﺪﻳﻮ ﻭ ﺷﻨﻮ ﻟﻲ ﻏﻴﻜﻮﻥ ﻓﻴﻪ ﻭ ﻳﻘﺪﺭ ﻳﻘﺘﻠﻨﻲ ، ﻓﺎﻕ ﺃﺷﺮﻑ ﻭ ﺭﺍﻳﺢ ﺣﺪﺍﻳﺎ ﻭ ﺑﺪﻳﻨﺎ ﺩﺍﻭﻳﻦﺃﺷﺮﻑ : ﺃﺵ ﻛﺎﺩﻳﺮ ﻭ ﺃﺵ ﻫﺎﺩ ﺍﻟﺴﻴﺖ ﻟﺪﺍﺧﻞ ﻟﻴﻪﺃﻧﺎ : ﻫﺎﺩﺍ ﻭﺍﺣﺪ ﺍﻟﻔﻮﺭﻳﻢ ﺩﻳﺎﻝ ﺍﻟﻨﺎﺱ ﻟﻜﻬﺘﻤﻮ ﺑﺎﻟﺴﺤﺮﺃﺷﺮﻑ : ﻭ ﻧﺘﺎ ﻣﺎﻟﻚ ﻭ ﻣﺎﻝ ﺍﻟﺴﺤﺮ ﻭﺍﺵ ﻫﺒﻠﺘﻲ ؟؟

ﺃﻧﺎ : ﻛﻨﻘﻠﺐ ﻋﻠﻰ ﻭﺍﺣﺪ ﺍﻟﻔﻴﺪﻳﻮ ﻗﺎﻟﻚ ﻟﻜﻴﺸﻮﻓﻮ ﻛﻴﻤﻮﺕﺃﺷﺮﻑ : ﻫﻬﻬﻬﻬﻬﻬﻪ ﻧﺘﺎ ﺭﺍ ﻳﻤﻜﻦ ﻫﺒﻠﺘﻲ ﻫﺎﺩﺷﻲ ﻏﻲ ﺗﺨﺮﺑﻴﻖ ﺃ ﻳﻮﺳﻒ ﻫﺎﻧﺎ ﻛﻨﺘﺴﻨﺎ ﻧﺸﻮﻑ ﻣﻌﺎﻙ ﻫﺎﺩ ﺍﻟﻔﻴﺪﻳﻮﺃﻧﺎ : ﻣﺄﻛﺪ ؟ ﺻﺎﻓﻲ ﻫﺎﻧﺎ ﻟﻘﻴﺘﻮﺃﻩ ﻟﻘﻴﺖ ﺍﻟﻔﻴﺪﻳﻮ ﻭ ﺍﻟﺼﺪﻓﺔ ﺃﻥ ﻓﻜﺮﺓ ﺍﻟﻔﻴﺪﻳﻮ ﺑﺴﻴﻄﺔ ﻛﻴﺪﻭﺯﻭ ﺷﻲ ﺗﺼﺎﻭﺭ ﻛﻴﺨﻠﻌﻮ ﻭ ﻧﺘﺎ ﻛﺘﻌﺎﻭﺩ ﺩﻭﻙ ﺍﻟﺴﻤﻴﺎﺕ ﻟﻜﻴﺒﺎﻧﻮ ﻟﻴﻚ ﻣﻊ ﻭﺍﺣﺪ ﺍﻟﻤﻮﺳﻴﻘﺎ ﻛﺘﺨﻠﻊ ﺷﻮﻳﺔ ، ﺃﺷﺮﻑ ﺑﻐﺎ ﻳﺘﺼﻄﺎ ﺑﺎﻟﻀﺤﻚ ﻗﺎﻟﻲ ﻫﺎﺩﺍ ﻫﻮ ﺍﻟﻔﻴﺪﻳﻮ ﻟﻲ ﻏﺎﻳﻘﺘﻠﻨﺎ ﻧﻮﺩ ﻧﻮﺩ ﻧﺨﺮﺟﻮ ﺃ ﺳﻲ ﺍﻟﻔﻘﻴﻪ ﻟﻴﻮﻡ ﺭﺍﻩ ﻋﻴﺪ ﻣﻴﻼﺩ ﺃﺳﺎﻣﺔ ﺭﺍﻩ ﻋﻴﻂ ﻟﻴﺎ ﻗﺒﻴﻼ ﻣﻦ ﻛﻨﺘﻲ ﻛﺪﻭﺵ ﻭ ﻗﺎﻟﻚ ﺩﺍﺭﻭﺭﻱ ﻧﺠﻴﻮ

ﻭ ﺩﺍﻙ ﺷﻲ ﻟﻴﻜﺎﻥ ﺑﺪﻟﻨﺎ ﺣﻮﺍﻳﺠﻨﺎ ﻭ ﺧﺮﺟﻨﺎ ﻧﺘﻘﺪﺍﻭ ﻟﻴﻪ ﺷﻲ ﻛﺎﺩﻭ ﺩﻭﺯﻧﺎ ﻭﺍﺣﺪ ﺍﻟﻠﻴﻠﺔ ﻫﺒﻴﻠﺔ ﻏﻲ ﺍﻟﻀﺤﻚ ﻭ ﺍﻟﻨﺎﺷﺎﻁ ﺑﻘﻴﻨﺎ ﺻﻬﺮﺍﻧﻴﻦ ﺗﺎﻝ 3 ﺩﻳﺎﻝ ﺍﻟﺼﺒﺎﺡ ﻋﺎﺩ ﺧﺮﺟﻨﺎ ﻣﻦ ﺍﻟﺪﺍﺭ ﻋﻨﺪﻭ ﻭ ﺭﺟﻌﻨﺎ ﻟﻠﺪﺍﺭ ﻭ ﻫﺎﺩ ﺍﻟﻠﻴﻠﺔ ﻛﺎﻧﺖ ﻏﺘﺒﺪﺍ ﺃﻭﻝ ﻟﻴﻠﺔ ﺩﻳﺎﻝ ﺍﻟﺨﻠﻌﺔ . ﻓﺎﻟﺒﺎﺏ ﻟﻘﻴﻨﺎ ﻭﺍﺣﺪ ﺍﻟﻤﺶ ﻛﺤﻞ ﻣﻘﺘﻮﻝ ﻭ ﻣﻘﻄﻊ ﻟﻴﻪ ﺭﺍﺻﻮ ﻭ ﻣﻌﻠﻖ ﻭ ﺣﺪﺍ ﺍﻟﺒﺎﺏ ﻛﻠﻮ ﺩﻡ ﻣﻜﻴﻨﺶ ﻓﻴﻦ ﺗﺤﻂ ﺭﺟﻠﻴﻚ ﺑﻘﻮﺓ ﺍﻟﺪﻣﺎﻳﺎﺕ ﺃﺷﺮﻑ ﺷﺪﺍﺗﻮ ﺍﻟﺨﻠﻌﺔ

ﻭ ﻟﻜﻦ ﻣﺒﻐﺎﺵ ﻳﺒﻴﻦ ﻟﻴﺎ ﻗﺎﻟﻲ ﻫﺎﺩ ﺍﻟﺒﻌﺎﻟﻚ ﻣﺒﻘﺎﻭﺵ ﻛﻴﺤﺸﻤﻮ ﻣﺶ ﻣﺴﻜﻴﻦ ﺩﺍﺭﻭ ﻓﻴﻪ ﻫﺎﺩ ﺍﻟﺤﺎﻟﺔ ﺃﺟﻲ ﺃﺟﻲ ﻧﻘﻄﻌﻮ ﻫﺎﺩ ﺍﻟﺴﻠﻚ ﺑﺎﺵ ﻣﻌﻠﻖ ﻭ ﻧﻠﻮﺣﻮﻩ ﻓﺸﻲ ﺑﻼﺻﺔ ﺑﻌﻴﺪ ﻋﻠﻰ ﻫﻨﺎ ، ﺇﻭﺍ ﻗﻄﻌﻨﺎ ﺍﻟﺴﻠﻚ ﻭ ﺩﻳﻨﺎ ﺍﻟﺠﻴﻔﺔ ﺣﺪﺍ ﺍﻟﺒﺮﻛﺎﺻﺎ ﻭ ﻟﺤﻨﺎﻫﺎ ﻭ ﻗﻠﻨﺎ ﺍﻟﺪﻡ ﺧﻠﻲ ﺗﺎﻝ ﻏﺪﺍ ﻭ ﻧﺠﻔﻮﻩ ، ﻭﺻﻠﻨﺎ ﻟﻠﺪﺍﺭ ﻟﻘﻴﻨﺎ ﻛﺎﻉ ﺍﻟﻀﻮﺍﻭ ﺷﺎﻋﻠﻴﻦ ﻭﺧﺎ ﻣﺄﻛﺪ ﺑﻠﻲ ﻃﻔﻴﺘﻬﻢ ﻋﺎﺩ ﺧﺮﺟﺖ ،

ﻋﺎﺩ ﻭﺍﺣﺪ ﺍﻟﺮﻳﺤﺔ ﺑﺤﺎﻝ ﺩﻳﺎﻝ ﺍﻟﻤﻮﺕ ﻣﻌﺮﻓﺘﻬﺎ ﻣﻴﻦ ﺟﺎﻳﺔ ﺣﻠﻴﺖ ﻛﺎﻉ ﺍﻟﺸﺮﺍﺟﻢ ﻭ ﻭﺍﻟﻮ ﻃﻠﻘﻨﺎ ﻣﻌﻄﺮ ﺍﻟﺠﻮ ﻭ ﺩﻳﻚ ﺍﻟﺮﻳﺤﺔ ﻭﺍﻟﻮ ﻣﺒﻐﺎﺗﺶ ﺗﺤﻴﺪ ﺻﺎﻓﻲ ﻗﻠﻨﺎ ﺗﺎﻝ ﺍﻟﺼﺒﺎﺡ ﻋﺎﺩ ﻧﻮﺿﻮ ﻭ ﻧﻘﻠﺒﻮ ﻻ ﺗﻜﻮﻥ ﺷﻲ ﻃﻮﺑﺔ ﻣﻴﺘﺔ ﻓﺎﻟﺪﺍﺭ ، ﻧﻀﻨﺎ ﻧﻌﺴﻮ ﻭ ﻣﻊ ﺍﻟﺨﻤﺴﺔ ﻏﻨﻔﻴﻖ …

ياك متبعين ؛) معنا القصة يالله نتلقاو فالجزء 2 من قصة اللعنة

باقي أجزاء قصة اللعنة :
الجزء الأول
الجزء الثاني

ﻗﺼﺔ ﺍﻟﻠﻌﻨﺔ ﺑﺎﻟﺪﺍﺭﺟﺔ ﺍﻟﻤﻐﺮﺑﻴﺔ – 9issa.com


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *