قصتي مع بنت الشوافة – الجزء 2 –

قصتي مع بنت الشوافة – الجزء 2 –

قصتي مع بنت الشوافة

السلام عليكم مرحبا بكم في الفصل الثالث من قصتي مع بنت الشوافة بغيت نقول لأي واحد تيقرا يبارطاجي راك مغتخسر والو اخويا ولا ختي الا درتيها المهم منطولش عليكم ونبداو

الفصل الثالث من قصتي مع بنت الشوافة

من بعد مدة بقا داكشي تيتزاد مشيت لعند الوالدة وقلتها ليها متيقاتش قالت ليا بلي يمكن غير الرواح ولا البرد ولكن انا مدخلتش ليا هاد الهضرة لراجلي حيت انا لي تنحس داكشي داكشي ولا تيخلع حيت وليت تنشم ريحة خايبة ديما وفينما مشيت وغير بوحدي وفراشي ديما تنلقاه سخون وحتى الروبيني ملي تندخل لطواليط تيبقى يتحل ويتسد بوحدو صافي وليت تنخاف نبقى بواحد ولات فيه الفوبيا

الوالدة ملي شافت التصرفات ديالي بدات تتبدل داتني عند واحد الطبيب عبار ليا الطونسيو والدم ووضخ وداكشي لقا كلشي مزيان وانا الوالدة قررت تخرج على العلاجات العادية وداتني لعند واحد الفقيه ولكن هو كان بعيد كان فالصحرا دانا الوالد بقينا شادين الصف واحد الساعة عاد وصلات نوسنا دخلنا بقا تيبخرني بواحد اللعيبات بحال مطيشة ولا ماعرت شنو او قالي نسال حوايجي او نبقى غير بالكالسون وداكشي اللي درتو او جابو واحد الما فاش قال بحال الحمر قال الوالد بلي فيه الدم ديال الماعز فاللول ما خليتوهش يكب عليا ولكن الوالد بقا تيشرح او هوا تيكون

وانا تنحس بالتبوريشة او بحالا صبع ديال رجليه معرفتش علاش اه بحالا تنملو وهما يغطاونا بواحد ليزار مبقيت حاس بوالو بحالا كاين اه وانا غير كنتفرج يديا تيتحركو بوحدهم معرفتش علاش ولكن داكشي غريب اول مرة غنحس بيه كون عاود ليا شي واحد منتيقوش وهو يحيد ليا ليزار وقال للوالد صافي نفس حوايجي ومشيت لعندهم انا والوالد وقال لينا اش غنقول ليكم اولدي راه شي واحد مسلط عليك شي جن قاليه الوالد واش المعمول? قال للفقيه بلي ميقدر يدير ليا والو حيت هادشي عمرو دارو او بلي هادشي غادي يبدا تدريجياً من عند الوالد

واحد الفقيه سوسي بعيد بزاف علنا ولكن الوالد قالي بعد جوج سيمانات غادي نقدرو نمشيو حيت هو عندو الخدمة بزاف ولكن تا واحد ما حاس بيا انا لي حاس بداكشي تايدورليا بجنابي وتانحس بيه وبديت تانشوفو بديت تنشوف شي حوايج في المرايا والزاج وليت تنخاف ندخل للطواليط حيتاش سمعتيها الهضرة وليت تنصلي

وملي تنبدا نسمع صوت ومرة مرة تندير ونخدم القرآن حتى لدرجة مبقيتش اه تنمشي للمدرسة حيت تيبقاو يقولوا ليا تسطيتي. الوالد مقدرش يصبر. مع السيمانة اللولة خدا الكونجي ديالو. ومشينا خمسة دسوايع ديال الطريق. مبقيتش قاد نتحرك. وصلنا لديك المنطقة. نعتو لينا على داك الشريف. وراونا واحد الدار دقينا هو يخرج واحد الشيباني قاليه الوالد اه لاش اه جينا لعندو دخلنا ريحنا قاليه اه عاودليا شنو تيوقعلك?

وتا الصين بديت تانا بديت تا نعاودليه لول وغالبا عليا البكية حيت ما درت تا لعبة وتبهدلت فحياتي هو ينوض وحل واحد الصندوق جبد واحد الخاتم قاليا ديرو ودرتو قال للوالد قاليه الخاتم هو لي دارليه الرقية وباللي غادي يقلل من داكشي لي تنحس بيه او بلي باش ما يبقى فيا والو خصهم نلقاو ديك البلاصة لي مخبيين فيها السحور او بقا تيقرا فالقرآن شوية او قالينا صافي عرفت البلاصة او ملي عيطلينا واحد الصخرة فالبحر كاين غير اه حدا دربنا

وخاصني نرجع تا لكازا ونجيبوه خرجنا قالو ليا الوالد انا نبقى فواحد لوطيل هو غايرجع لكازا يجيب داكشي دخلنا لداك لوطيل دخلت انا لواليد وخرج وبقيت مريح شعلت التلفزة ولكن قتلني الملل قلت اجي نتكونيكطا شوية شديت تيليفوني تندور في الفايس حتى تتصيفط ليا بنتي تشوفي ميساج السلام مقديتش نجاوب حيت تصدمت غتكون هي ومها لي ساحرين ليا ومزالتش تهضر معايا وهي تصيفط ميساج اخر شوف راه شفتي الميساج غير جاوب بغيت نقول لك شي حاجة حتى لهنا غيكون فيها هاد الجزء شوف اخر

كنتمنى تكون عجباتكم القصة وتدعمونا واخا غير بكومنتر او بارطاج وشكرا نخليكم مع الفصل 4 من قصتي مع بنت الشوافة

الفصل الرابع من قصتي مع بنت الشوافة

المهم ما نطولش عليكم وندعيو. بعدما صيفطات ليا تتقول ليا فيه بلي باغي تقول ليا شي حاجة صيفطت ليها قلت ليها شنو? قالت ليا مالك مكتبغيش تجاوب? شديت ليها طاكسي لا تيليفوني كنت غنهرسو وهي تقول ليا والله حتى ماشي لخاطري وملي دزت عليا ونتا راك عارف ما نقدرش نقول ليها لا وراه مدايرش ليك داكشي فسبابي راه عندها شي مشكل قديم مع ماماك هادشي علاش دارت ليك داكشي وانا مقديت نقولك والو داك النهار سمح ليا

مقديت نقول ليها والو كيفما درت وحلتي مجوبتهاش ديكونيكطيت وعيطت للوالدة قلت لها داكشي كامل اللي قالت لي بقات ساكتة وقالت لي والله ما عقلت انا ماتانعرفش ديك السيدة قاع وهي تقطع الوالدة وقال لي اخرج را داكشي لقيتو وانا دابا قدام الباب ديال خرجت ومشينا عند داك السيد وهو يصرالينا الأتاويش

وقالينا بلي صافي مبقيت غنشوف والو رجعنا للدار دوشت بدلت حوايجي لبست بيجامتي وخرجت تندور فالدرب حتى تبان ليا سعاد وامها واقفين مع الوالدة تا را مفهمت والو انا الداسات ما فهمت والو غي كانوا مخاصمين منوضينها وهي تشوفني الوالدة وقالت لي يوسف اجي مشيت وبقيت ساكت قالها لي فالوالدة شنو?

ما فهمت والو قالت لي يا الله للدار وغتفهم مشينا وبرك باش يجرحو ليا بصح الوالدة تتعرف ديك السيدة كانت تقرا معاها فالليل شحال هادي كانوا تخاصمو على شي حاجة والوالدة ملي قالت ليا بلي سعاد قالت ليا مها تتعرفك مشات لعندها وعرفاتها شي جيران صالحوهم شوف فيا الوالدة وقالت ليا سمح ليا ولدي انا السبب فهادشي اللي طرا لي كامل ويشوف فيا ها هي تشوف الشوافا وقالت ليها ولكن نتي لاش تسحري ليه هو وتخليني انني مخاصمة معاك وهي تقول ليها شنو انا مسحرتش ليه وانا نعاود ليها داكشي كنشوف ولي تيطرا ليا ولي قاليا الفقيه

قالت ليا والله اولدي راه هادشي لي تتقول لا علاقة بداكشي لي درت ليك انا مدخلتش فيه جنون لا والو يعني هادشي لي دارو ليا شي واحد اخر شكون اللي عندو المصلحة نتعدب انا. دابا ملي ماشي الشوافة هي اللي ساحرة ليا. شكون هادا اللي دارها? وشنو رابح من هادشي?

المهم من هادشي كامل هو الوالدة وديك الخدمة تصالحو. اما بنت ديك الشوافت والو انا ما بقيتش باغي نهضر معاها. حيت كيما دارت ليا داكشي المرة اللولة تقدر تعاودو صافي رجع للمدرسة عادي تنتلاقى مع السلام فالطريق وصافي وتفارقناش فنفس الوقت ممصاحبينش تال واحد النهار كانت الجمعية ديال الدرب دايرة واحد الرحلة لمراكش وكاع ولاد الدرب وبنادم الدرب غادي جابت الجمعية واحد الكار اللي غنمشيو فيه

انا ريحت القدام مبغيتش نرتاح حدا الدراري ولاد الدرب اللور حيت مبقيتش تنوقف معاهم ملي كنت تصاحبت مع بنت الشوافة حيت كاملين محملوني ولاو كاملين تيفهمو فالدين الشرع المهم ريحت قدام بوحدي غير تحرك الكار وهي تجي سعاد من اللور بركت حدايا مشات فيها وقالتليا فين? شنو? باقي مقلق مني? قلتليها علاش?

قالتليا شوف والله ما درت لك شي حاجة وراك عارف امي ما نقدر نقول لها والو وانا قلت لك داكشي ملي قدرت مابقاتش شحال وهي كاتشرح حتى كانت غاتجيب لي البكية قالت لها شوفي راه دويت معاك ماكاين والو انا راه فهمتك صافي وبقينا تنهضرو شادين الناس وحنا نوصلو هودنا وتتبان ليا البنت بحالا التصرفات دياولها تبدلو تتقول ليا نطلبك واحد الطليبة تفرق على دوك عشرانك اللي جايين معانا مفهمت والو وعلاش?
المهم نشوفكم فجزء اخر ان شاء الله .. شنو كتوقعو يوع فـ قصتي ؟؟
قصة قصتي مع بنت الشوافة قصة حقيقة … من صديق للصفحة

جميع أجزاء قصتي مع بنت الشوافة
قصتي مع بنت الفقيه – الجزء الأول
قصتي مع بنت الفقيه – الجزء الثاني

قصص لها علاقة بالقصة
قصة – قصتي مع صاحب خويا – الجزء الأول –
قصة – قصتي مع صاحب بابا – الجزء 1 –
قصة بنت الفقيه – قصة سفالة – الجزء 1

قصتي مع بنت الشوافة 9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *