نصائح – تعلمي قانون الجذب –

نصائح – تعلمي قانون الجذب –

نصائح – تعلمي قانون الجذب –

#تعلمي_قانون_الجدب


نبداو فالنصائح ديالنا

غندوي لكم على قانون الجدب لي غير لي أفكاري كاملة و غير لي حياتي .. و كيفاش علاقتو ب الدين و بالمستقبل .. المهم هاد القانون هضر عليه و فصلوا مزيان كتاب the secret ، بالعربية كتاب السر و لي مكرهتكمش كاملين تشريوه او تحملوه على شكل pdf حيت بصح غادي يعاونكم بزااف فتغيير حياتكم للأفضل ..

الكتاب كيقوم على مبدأ ” ما تعيشه فالحاضر هو أفكارك ديال الماضي ” .. الى ربطناه بالدين الاسلامي غادي نتفكروا مقبولة الصحابي ” كل متوقع آث ” .. أي حاجة توقعتيها غادي تشوفها ..

و حديت الرسول عليه افضل الصلاة و السلام ” تفاءلوا بالخير تجدوه ” .. و قول الله تعالى ” أنا عند ظن عبدي بي ” ..

هادشي شنو كيعني ؟ كيعني بلي المشكل كاين فيا أنا و نتي و حنا البنات و فأفكارنا السوداوية ..بكترت خيبات لأمل كان وليو متوقعين غا الخايب و موجدين ليه ..

نعطيكم أمتلة شخصية , بابا الله يرحموا كان ديما كيقولي ” شنو بغيتي تولي مني تكبري ” .. كنقول ليه ” معرفتش حتى نشد الباك ” ..كيجاوبني ” و شكون قال ليك غادي نبقا حي حتى توصلي لباك؟” ديما كانت هادي هي جملتوا ” شكون قال ليك غادي نبقا حي حتا توصلي لباك ” .. سبحان الله صيف لي غادي نطلع فيه الباك مات ..

شحال من مرة كنكون باغا غير منخرجش متلا ، كنقول راني مريضة الله يحفظ ، فديك ليلة و لا اليوم موالي كنمرض بداكشي لي تفايلت بيه نسأل الله السلامة و العافية ..

ندوز ليكم زوين كنت كنقول غادي نعيش فلندن ، و آمنت بيها و وجدت راسي و تعلمت اللغة الإنجليزية و سبحان الله داكشي لي وقع فالوقت لي كان مستحيل يوقع و أنا عارفة و متأكدة شحال من وحدة فكرات فشي حاجة سلبية و لا ايجابية و وقعات ليها فمدة صغيرة او لا طويلة ..

لي خاصكم تعرفوا البنات ان هاد القانون كيقدر يحقق ليك گاع داكشي لي بغيتي الى عرفتي تديريه و درتيه بواحد التدبر و خشوع و تعيشي معاه حيت را الله قادر يسخر ليك الكون كامل لتلبية داكشي لي نتا باغاه ..

و خاصك تعرفي بلي كاينين ناس ماشاء الله و صلوا لمرحلة ديال قانون الجدب لدرجة و لاو لي بغاوها كتحقق فنهارها .. حيت كيتعمقوا فالروح و الجانب روحي راه أسمى و أرقى حاجة يمكن تخدموا عليها و عالم روحانيات كبير بزااف و مطمئن .

المهم دبا نقول ليكم كيفاش تديروه او بالأحرى كيفاش انا كنديروا شخصيا ، ختاروا صباح و لا عشية لوقت لي تكونوا مرتاحين فيه دماغيا و ميكونش ضجيج .. جلسي فشي قنت يكون زوين مرتب و فيه ريحة تحل نفس ..

هادشي باش يعاونك على الاسترخاء ..و بداي تستغفري و حسي بالله و بآية ” نحن أقرب اليه من حبل الوريد ” .. حبل الوريد ” هو لي فعنقك ” .. شوفي لقرب ديال الله عز و جلاستغفري حتى تحسي براسك مبقيتي كتفكري فحتى شي حاجة ..

خففتي و خوتي من الأفكار السلبية .. و من بعد بداي كتبناي أفكار إيجابية ..

متفكري فوالوا فكري فالحلم ديالك ..

بغيتي تعافاي بغيتي تصحي .. بغيتي الفلوس و تولي لاباس عليك ، بغيتي تاخدي شي جائزة كبيرة فشي لغة تحت تصفيقات الناس ، بغيتي تعيشي فشي دولة عاجباك توكل على الله و تخيلي راسك و كلك يقين انك وصلتي لداكشي و انك فرحانة بيه عيشي ديك الفرحة ديال داك نهار شوفي ناس لي دايرين بيك و نتي شنو لاباسة ، تخيلي دوك تفاصيل ديال تفاصيل و عيشيها ..

عرفتي الى وصلتي لشعور ديال الفرحة المطابق لديك لفرحة اذااا راك حققتي قانون الجدب ، فاش غادي تسالي ديك الجلسة ديال الاستغفار و قانون الجدب ..

غادي تنوضي بطاقة جديدة كلها إيجابية و ديك ساعة غادي تحفزي انك تخدمي اكتر و أكتر و أكتر عليه ..و نتي يقينك بالله داكشي قادر يتحقق ليك فشهر فشهرين فجوج سيمانات و حتى فنهار.. يكون يقينك فالله كبير و حاولي يوميا تيديرها حتى تنقي أفكارك السلبية بعدي من السلبية ما أمكن و حرري نفسك من التشاؤم ..

و أكيد غادي توصلي ⁦

كنتمناو ينفعكم هاد النصائح فالحياة ديالكم

مواضيع ذات صلة بـ نصائح اليوم
نصائح في الإيتيكيت حبيبتي
نصائح ثقافة جنسية

نصائح – تعلمي قانون الجذب -9issa.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *