نصائح للمقبلات على الزواج :

نصائح للمقبلات على الزواج :

كيفاش نقدرنبقا نقية طول اليوم 24/24

نتمنى منكم لبنات لمقبلات على الزواج وحتى لي مزوجاتولي مزال ممزوجات كيف حالي يعني كلكم والسلام هههههه تركزو معايا لاخاطش راح نركز على حوايج لي حنا نغفلوهم ولكن الراجل لا، كوووولنا نقولو الرجال ماايردوش لبال أييييه ممكن فشي حوايج ولكن للي لازمكم تحطوه في راسكم هو أن الراجل يرد لبالو وحساس من واحد النقطة لي هي النظافة عند المرأة وي حنونتي راه ايردو لبال حتى لصبع رجلكم الصغير والشماااان عندهم خطيييير تقولو أول حاجة يتعلموها هي الشمانهههه وهوما غير ايشوفو شي حاجة فالمرأة يمركوها بلا حس وايعطيوها وسام (معفونة عن جدارة واستحقاق ) لهذا يا بنات لازم نشمرو على يدنا ونديرو حملة النظافة الشخصية طيلة أيام الاسبوع هو صح فالأول تعياو وتقولو عيينا ولكن غير تولفو هاد النظام والله تولو انتوما ماتقدروش تفوتو نهار بلا روتين النظافة تاعكم إذن على بركة الله نبداو

  • #الوجه : الوجه يا بنات خاصو يتنظف زوج مرات فالنهار غي نودو و كي نجو نرقدو ، انديرو بونجة تاع لوجه راه اتباع عند مول لماكياج رطبة هي على الوجه لمهم وديرو لغاسول تاع لوجه من اختياركم ولي موالم لوجه ديالكم انا ننصحكم بغسول #سيتافيل كاين للبشرة الدهنية و البشرة الجافة اشري على حساب نوع بشرتك و هدا باش نتخلصوا من الدهون لي يفرز الوجه طيلة الليل، وبالليل قبل ماترقدو ضرووووووري باش تنظفوا لبقايا تاع لماكياج وتنظفوا أيضا الترسبات تاع النهار نهار كامل لوجه يعرق وينشف وأيضا التلوث دخان تاع السيارات … إذن هادي متافقين عليها لوجه زوج مرات مرة فالصباح ومرة فالليل.
  • #الإبطين : حذاري ثم حذاري من مزيل العرق خااااااصة بعد تدواش شوفي فيا مليح ردي بالك راح يتسببلك في اسوداد المنطقة و راح يتسبب في سرطان الثدي ماننصحك بيه ديري ستيك من نوع لمليح ولي ماتقدرش يعني على المصروف ومن احسن حاجة طبيعية دري شب و المسك تع الحجر الابيض طحنيهم مليح حتى يولو مسحوق هاد بعد تدواش راح ماتعرقيش سمانة لارائحة كريهة ولا تشماخ وماتكتريش بزاف لانو شب يغلق المسامات ودخلو لدوش وديرو غير الصابون للجسم تاعكم ومسحو بالفوطة مليح وحتى الإبطين حكو مليح بالفوطة تاع الصابون ايعرقو ويشدو لوسخ وكي تجو ترقدو ماديروش مزيل لعرق ماشيي مليح .
  • #الفم : هادا راه يشكل نقطة مهمة غسيل الاسنان ثلاث مرات يوميا ونزيدكم فصاك لي تهزو ضروري تكون عندكم شيتة سنان إضافية ومعجون الأسنان صغير باش إيلا خرجت وكليتو في كاش بلاصة تحكو سنانكم (خصووووووووووووووووووصا لا شربتو قهوة أو عصير الليمون)، لبنات لي ايعانيو من رائحة الفم يكفي تمضعي لعواد (قزبر أو معدنوس ) راااائع لرائحة الفم مضغوه فالصباح وفالليل. ويلا راح تتزوجي بخاخ الفم ديريه من القائمة الاساسية تاع الجهاز و الا حبيتي سنيك يبياضو مضمضي فمك بمغرف زيت زيتون كل صباح على الريق
  • #الأذنين : نظفوهم بالعواد لقطن مرة فالأسبوع ملي تدوشو مسحو مليح وماتفوتوش مرة فالأسبوع فقط لأنو ماش مليح هادي طبيب قالهالي
  • #الجسم : كيف قلنا ضروري طرفي حالتك قبل ماترقدي اولا دوشي غير للجسم باش تخلصي من العرق وحتى من الاوساخ لي يتعرض ليها لجسم طيلة اليوم. وكي ادوشي واتكملي امسحس جسمك كامل بزيت جونسون تاع لي بيبي و هو مبلول . راح تخلي جسمك رطب كي الزبدة . وبلا ماتنساي ادا كنت متزوجة ولا مقبلة على الزواج اشري كريم مرطب اللي يخلي ريحة مليحة في الجسم وادهني بيه جسمك هاكدا راجلك يشم فيك غير الريحة المليحة. وانا شخصيا يعجبني جال اونشونتور لصفر و دوف .
  • #المنطقة_الحساسة : أكبر غلط ايدروه لبنات هو أنهم يخليو ديك لبلاصة بلا مايديرو L‘EPILATION لي خاصكم تعرفو أن الشعر الزائد فديك المنطقة يشد غير العرق والرائحة الكرييييييهة و حتى رسول عليه الصلاة والسلام وصانا بحلق الشعر منها و ادا بقا شعر اكتر من ربعين يوم صلاة باااطلة.
    وأؤكد السليبات لازم تكون تاع القطن وبعدو على النيلو لاخاطش النيلو يكحل ويشد الرائحة أيضا، ديرو جال لتنظيف المنطقة الحساسة مثلا سافورال وغسلو مرة وحدة فالنهار ولي هي فالصباح ماتحبوش ديرو جال ديرو غييير صابون الحجرة وخصوها لديك لبلاصة وغسلو وديرو فوطة تكون رطبة ومسحو ديك البلاصة وماتخلوش فيها قطرة تاع الماء باسكو تقراص من بعد وديرو بروتيج سليب ولا كي تغسلو دخلو معاكم سربيتة صغيرة ونشفو بيها باش تبقاو نقيات.
  • #الرجلين : لرجلين ولغسيل تاع الرجلين خاصو يكون يوميا بالماء دافي وصابون معطر ونمسحو مليح ونديرو شي كريم مرطب قبل مانعسو الرجلين كووولنا انغفلو عليهم إذن من ليوم يا كشرودات غسلوهم ومسحو ورطبوهم.
    وصفة لتشققات الرجلين:
    شوفي ديري ماء سخون وشوي ملح وقيس فنجان زيت زيتون وحطي رجليك فيهم يجي 10 دقايق ومبعد خليهم فالما وحكيهم بهاديك الحجرة تاع الحوافر وديري تقشيرة وخليهم مزيتين وارقدي الصباح اغسليهم ب صابون طرف وزيدي عاوديها مرة اخرى وابقاي لعشية ديري ما سخون وملح برك وحكي بالحجرة
    وادا كانو رجليك يريحو كي تلبسي الصباط ويديرلك احراااج كبير قدام راجلك ماعليك غير كي اجي من الدار اغسليهم مليح بالماء و الصابون من الاحسن دوف. وامسحيهم مامبعد ديريلهم كريمة خاصة بالرجلين ولا بخاخ خاص بيهم ويلا ماعندكش قاع ديري اي كريمة عندك في الدار المهم تخليلك ريحة نيفيا. سنوناس.فازلين. …..
  • #اليدين : ظفارنا خاصهم يكون مبرودين مليح ونقيين هداك الزغب الرقيق لي يجي فصباعنا ضروري نقوه كيما قلت ليكم الراجل يرد لبال لأبسط لحوايج وباش تبان ليد نقية ضروري نحو داك الزغب رقيق لي يديها كحالو بالشمس دير زيت الليمون يتباع عند العطار ديروه قبل ماترقدو وفالصباح كي تنوضو اغسلو عادي بالصابون مع الوقت يبان لكم لفرق ليدين ايوليو رطبين وبيضين. بلا ماننساو القارص راه ملييييح بزاف لتبييض اليدين. ماعليك غير تشدي نص حبة قارص و شويه ملح ولا سكر و وحكي و شللي. باش لا جات ليلة الدخلة تلقاكم موجودات ….
    اذا عجبكم الموضوع ديروا بارطاج أو كومونتار باش نزيد نحطلكم مواضيع أخرى نحبككككم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *