5 نصائح بالزربة

نصائح مزروبة..

النصيحة 1

ماتبقاايش تقولي (لبوركابيك) نتا “زووين” آبب فهمتيني؟ وماتبقايش تقوليلو نتا “طويل” ولا “عريض” ولا “اللحية” ديالك زووينة ولا ذاك التخربيق! .. حيتاش الرااجل ماكيبغيش المرأة اللي كتشكرو بزااف (فالمظهر الخارجي ديالو) ماكيبغيهاش نهائيًا نهائيًا.. بالعكس كيحتااقرها والله وماكيبقاش مرتاح معاها.. لعدة أسباب غادي نهضرو عليها بالتّفصيل المُمِل “لاحقًا” فالسلسلة ديال كيفاش تخلي بوركابيك تَحت الصّبَّاطْ..

2

هاد البوسط بغيت نعطيكن “فيه” غير الخُلاصة وصافي.. حيتاش لاحظت أنّ بزااف ديال البنات كيطيحو فهاد الخطأ وفاللخر كيتّقلب عليها “بوركابيها” بدون سبب وكيبدا يتهرب منها وماكيبقاش باغي يجاوبها ولا يهضر معاها لفترة طويلة.. وزيد وزيد..


3

كاينين بزااف دالأسباب غادي نهضرو عليهم من بعد آكبيدات.. وهذا سبب من الأسباب الرئيسيَّة اللي كتخلي “بوركابيك” يملّ منكِ ومايبقاش حاملك ثيقي بيا آبب
.

4

الراجل كيحس “بالتّهديد” وبعدم الإستقرار (معااك) فاش كيحس بيك أنكِ باغياه فقط لوسامته ومظهره الخارجي، حيتاش “هو” داخليًا كيكون عااارف ومتأكد أنّ (الرجولة) الحقيقيَّة ماشي هي الوسامة والجمال! داكشي علاش ماكيبقاش مرتاح معااك وكيحس بيك “برهوشة” غير ناضجة فاش كتبقاي تهضريلو على الجمال ديالو الخارجي .. وفنفس الوقت كيحس “معاك” بعدم الإستقرار.. علاش؟ حيتاش كيكون عاارف أنّ أي واحد يقدر يخطفك منو فأي وقت حيتاش كيفما كاين (الوسيم) راه كاين (الأوسم) .. داكشي علاش ماكيبقاش مرتاح معاك نهائيًا واخا “كتشكريه” وكَتغزّلي بييه وكتموتي عليه ومانعرف شداكشي.. ولكن واخا هكذاك ماكيكونش مرتاح معاك، حيتاش “تركيزكِ” ماكيكونش مُوجه للنقطة الصحيحة فنظرو.. رغم المُبالغة ورغم الإهتمام، ولكن هادشي كاامل كينعااكس عليك آبب وكيخليه يبعّد عليك تدريجيًا فاللخر..

5

الراجل كيبغي (المرأة) اللي كتجسّد ليه نزواتو، واللي كيحس معاها برجولتو فهمتوني آكبيدات؟ يعني المرأة اللي كتبقى تشكر لييه “الصفات المعنويَّة” ديالو فحال الشجاعة مثلاً والشهاامة والشراسة والذكاء.. وحتى الذائقة ديالو فاللباس مثلاً وفأي حاجة.. هادي هي المرأة اللي كيبغيها الراجل والتّفاصيل الأخرى غادي نهضرو عليها من بعد..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *